Milli Məclisin sədri Qırğızıstan Joqorku Keneşinin yubileyinə həsr olunan konfransda iştirak edib
Milli Məclisin sədri Sahibə Qafarova Qırğız Respublikasına işgüzar səfəri çərçivəsində Joqorku Keneşinin 85 illiyinə həsr edilən beynəlxalq konfransda iştirak edib. Joqorku Keneşinin sədri Nurlanbek Şakiyev Azərbaycan Milli Məclisinin sədrini və digər parlament nümayəndə heyətlərinin rəhbərlərini salamlayıb.
Milli Məclisin Mətbuat və ictimaiyyətlə əlaqələr şöbəsindən AZƏRTAC-a bildirilib ki, konfransda spiker Sahibə Qafarova çıxış edib. O, Qırğızıstan parlamentinin 85 illiyi münasibətilə təbriklərini çatdırıb. Çıxışında müstəqillik illərində həm Azərbaycanın, həm də Qırğızıstanın böyük inkişaf yolu keçdiyini deyən Milli Məclisin sədri, ölkələrimiz arasında diplomatik münasibətlərin yaradıldığı gündən Azərbaycan–Qırğızıstan ikitərəfli əməkdaşlığının ənənəvi olaraq qarşılıqlı surətdə faydalı tərəfdaşlıq və dostluq ruhunda qurulduğunu, siyasi, ticarət-iqtisadi, mədəni və digər sahələrdə ümumən uğurla inkişaf etdiyini deyib.
Sahibə Qafarova xatırladıb ki, bu il Azərbaycanla Qırğızıstan arasında diplomatik münasibətlərin yaradılmasının 30 illiyi qeyd olunub. O deyib ki, ölkələrimiz arasında çoxəsrlik tarixi kökləri olan dostluq münasibətləri Azərbaycan və Qırğızıstan xalqlarının maraqları naminə genişlənir. Azərbaycan və Qırğızıstan dövlət başçılarının qarşılıqlı səfərləri, yüksək səviyyədə görüşlərin dinamikası və səmərəliliyi ikitərəfli münasibətlərin möhkəmlənməsində və dərinləşməsində mühüm rol oynayır. Parlamentin spikeri bununla əlaqədar olaraq, Qırğızıstan Prezidenti Sadır Japarovun ötən ilin aprel ayında Azərbaycana rəsmi səfərini, səfər çərçivəsində imzalanmış “Strateji tərəfdaşlıq haqqında” Bəyannaməni və “Dövlətlərarası Şuranın yaradılması haqqında” Memorandumu, eləcə də Azərbaycan Prezidenti İlham Əliyevin ötən ilin oktyabr ayında Qırğızıstana dövlət səfərini xüsusi vurğulayıb.
Çıxışına davam edən Milli Məclisin sədri qeyd edib ki, Azərbaycanla Qırğızıstan arasında ikitərəfli və çoxtərəfli münasibətlərə müsbət təsir göstərən amillərdən biri də parlamentlərimizin qarşılıqlı əlaqələridir. Bu gün ölkələrimizin qanunvericilik orqanları arasında səmərəli əməkdaşlıq münasibətləri qurulmuşdur və onları daha da dərinləşdirmək üçün yaxşı imkanlar var.
Sahibə Qafarova qeyd edib ki, Azərbaycan və Qırğızıstan xalqlarının bir-birinə yaxınlığına və ortaq mədəni dəyərlərinə əsaslanan humanitar əməkdaşlıq xüsusi məna və mahiyyət kəsb edərək, ölkələrimiz arasında dostluq münasibətlərini möhkəmləndirir. Buna ən parlaq sübut olaraq, ötən ilin oktyabr ayında Azərbaycan Prezidenti İlham Əliyevin Qırğızıstana dövlət səfəri zamanı Bişkekdə Qırğızıstan-Azərbaycan dostluq parkının və Heydər Əliyev adına 20 nömrəli məktəb-gimnaziya təhsil-tərbiyə kompleksinin açılmasını göstərmək olar. Ortaq mədəniyyətə, dilə və milli köklərə malik olan dövlətlərimiz bütün sahələrdə qarşılıqlı əlaqə və əməkdaşlıq istiqamətində fəallığı gücləndirirlər.
Qeyd edək ki, beynəlxalq konfransda Rusiya, Qazaxıstan, Özbəkistan, Belarus və digər bır sıra ölkələrin parlament sədrləri iştirak və çıxış ediblər.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Turizmin əhəmiyyəti
27 Iyul
Qəbələdə turizm infrastrukturu genişlənir
27 Iyul
Azərbaycan qazının Türkiyəyə tədarükü avqust ayında müvəqqəti dayandırılacaq
27 Iyul
Səfir: Azərbaycanla Niderland su problemlərinin idarə edilməsi mövzusunda bənzər sistemlərə malikdir...
27 Iyul
BMT nümayəndəsi: Azərbaycan beynəlxalq səviyyədə Vahid Sağlamlıq yanaşmasının tətbiqi sahəsində gücl...
27 Iyul
Sülh sazişini imzalamağın vaxtı çatıb
27 Iyul
Azərbaycan Respublikası Maliyyə Monitorinqi Xidmətinin informasiya sisteminə inteqrasiya edilən info...
27 Iyul
Bərpaolunan enerji mənbələrindən istifadə sahəsində layihələrin həyata keçirilməsinə dair Komissiyan...
27 Iyul
Ertuğruloğlu: Azərbaycan, Türkiyə və ŞKTC bir-birilərini dəstəkləməli, ümumi maraqları müdafiə etməl...
27 Iyul
"Azərbaycan Respublikası Hökuməti il ə Türkiyə Respublikası Hökuməti arasında miqrasiya sahəsində əm...
27 Iyul
DİQQƏT ÇƏKƏNLƏR
ÇOX OXUNANLAR
Həqiqətə çağırış25 Iyul 2024
![](/uploads/img/posts/2024/07/25/Clip_23jpg-1721862946.jpg)
Uzaqgörənlik24 Iyul 2024
![](/uploads/img/posts/2024/07/24/1 copyjpg-1721771921.jpg)
Azərbaycan iqlim dəyişikliyi ilə mübarizədə qlobal səviyyədə tanınır23 Iyul 2024
![](/uploads/img/posts/2024/07/23/Clip_2jpg-1721686526.jpg)
Azərbaycan Qlobal Cənubla Qlobal Şimal arasında təmasları gücləndirir YENİLƏNİB - 2 VİDEO...21 Iyul 2024
![](/uploads/img/posts/2024/07/20/1721480194305007127_1200x630jpg-1721495783.jpg)
Avropanın Azərbaycana ehtiyacı artır20 Iyul 2024
![](/uploads/img/posts/2024/07/20/Clipjpg-1721423683jpg-1721453251.jpg)
Bütün yollar Qarabağa aparır18 Iyul 2024
![](/uploads/img/posts/2024/07/18/Clip_8jpg-1721248442.jpg)
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!