Mahnılarda yaşayan ömür
Onun səsi də, ifası da, səhnə mədəniyyət i də bir başqa idi. Gözlərindən, baxışlarından daxili gözəlliyini görmək olurdu. Üzündən nur tökülürdü. Tanrı ona əvəzsiz bir nemət - gözəl səs vermişdi. Məlahətli səsi adamın ruhunu oxşayıb qanına hopurdu.
Efirə çıxmazdan əvvəl el şənliklərində ad çıxarmışdı. Hələ o zaman nəinki Azərbaycanda, İranda, Orta Asiyada da yaxşı tanıyırdılar onu. O, əsl Azərbaycan oğlu idi. Oturub-durmağı, əxlaqı, ləyaqəti ilə... Elə efirə də ilk dəfə 1977-ci ildə Ələkbər Tağıyevin "Azərbaycan oğluyam" mahnısı ilə çıxdı. İlk mahnısı ilə də tamaşaçıların ürəyinə çığır açıb dinləyiciləri səsinin sehrinə saldı. İlk dəfə Məmmədbağır Bağırzadənin ifasında səslənən, sonralar düşmənin üstünə yeriyən qəhrəman oğullarımızın qəhrəmanlıq marşına döndü bu mahnı.
Azərbaycanın Xalq artisti, mahnılarımızın, muğam və təsniflərimizin bənzərsiz ifaçısı, bəstəkar-müğənni Məmmədbağır Bağırzadə 1950-ci il iyulun 21-də Bakının Nardaran kəndində dünyaya gəlmişdi. Uşaqlıqdan musiqiyə, ifaçılığa marağı olan 20 yaşlı Məmmədbağır hərbi xidmətdən qayıtdıqdan sonra toylarda görünməyə başlamışdı. Doğulduğu Nardaran kəndində klassik musiqiyə, muğamlara həmişə böyük hörmət və sevgi görən Məmmədbağır bənzərsiz ifa tərzi ilə qısa bir zamanda Bakı və Bakıətrafı kəndlərin sevimlisinə çevrilərək hörmət qazanmışdı. Məmmədbağır həm öz bəstələrini oxuyar, həm də klassik musiqiyə üstünlük verərdi. Gənc xanəndənin bir üstünlüyü də onda idi ki, klassik şeiri, qəzəlləri yaxşı bilirdi. 1979-cu ildə A.Zeynallı adına Musiqi Texnikumunun muğam şöbəsində Xalq artisti Əlibaba Məmmədovun sinfində dərs alan Məmmədbağır Bağırzadə sonralar Azərbaycan Dövlət İncəsənət İnstitutunu bitirdi. Xalq artisti Əlibaba Məmmədov xatirələrində deyirdi: "Hər dərsin sonunda mütləq Məmmədbağıra bir muğam oxutdurardım ki, ruhumuz qidalansın. Onun səsinin, avazının bir başqa gözəlliyi var idi. Məmmədbağır nadir səs sahiblərindən idi". Elə bu səbəbdəndir ki, Əlibaba Məmmədov bu nadir səs sahibini rəhbərlik etdiyi "Humayun" ansamblına dəvət edir. Sonralar M.Bağırzadə Asəf Zeynallı adına musiqi kollecində Xan Şuşinski sinfində və muğam kafedrasında, həmçinin 3 saylı musiqi məktəbinin muğam sinfində müəllimlik edir. Eyni zamanda müğənni 1976-2005-ci illərdə Azərbaycan Dövlət Televiziya və Radiosunun solisti olur. Sənətkar həm də özünün "Dilkeş" ansamblını yaradır. Oğlu Rahim Bağırzadə bu barədə jurnalistlərə verdiyi müsahibələrinin birində demişdir: "Atam ansamblının adını "Dilkeş" qoymuşdu, evdə daha çox ərəb, türk kanallarına baxırdı. Bir dəfə bunların səbəbini atamdan soruşanda mənə dedi ki, mən musiqilərimi yazanda, onları ifa edəndə elə bilirəm ki, Kərkükdəyəm. O, dünyasını dəyişəndən sonra arxiv idarəsində işləyən tanışımızdan xahiş etdim ki, bizim nəslin şəcərəsini araşdırsın. Məlum oldu ki, atamın ulu babaları İraqda, Kərkükdə doğulublar. O, öz şəcərəsini genetik olaraq hiss etmişdi".
Müğənni repertuarında daha çox Əliğa Vahid, Mədinə Gülgün, Fikrət Qocanın şeirlərinə bəstələnən mahnılara üstünlük verərdi.
Məmmədbağır Bağırzadə ifa etdiyi mahnılara öz möhrünü vurmağı bacaran nadir sənətkarlardan idi. Onun ifa etdiyi "Axşamlar", "Səni unuda bilmirəm", "Olmaz, olmaz", "Belə qəmli dayanma", "Xatirələr", " Ayrılıq olmayaydı" mahnıları əbədiyaşarlıq qazanmış musiqi nümunələrindəndir.
Məmmədbağır Bağırzadə ifaçılıqla yanaşı, mahnı da bəstələyirdi. O, 30-dan çox mahnıya - "Darıxıram", "Dözə bilmirəm", "Güman yeri var", "Qaldı dağlarda", "Olmaz", "Qəhrəmanlıq nəğməsi", "Dindir məni", "Ana dünyası", "Xoşum gəlir", "Axtarır gözüm səni" musiqi ömrü vermişdi.
Xanəndənin oğlu Rahim Bağırzadə demişdi: "Atam ağir təbiətli, qapalı xarakterə malik olan adam idi. Oktyabrın 30-da rəhmətə gedəcəyini yuxuda görmüşdü. Həmişə də bu tarixdən qorxurdu. 2005-ci ilin oktyabr ayında dünyasını dəyişdi. Elə oktyabrın 30-da öz vəsiyyətinə uyğun olaraq doğulduğu Nardaran kəndində dəfn olundu".
Xanəndə haqqında bu günə qədər 7 sənədli film çəkilib. Fonetekamızın qızıl fondunda iki - "Rast" və "Zabul" muğamları saxlanılır. Müğənni dünyasını dəyişdikdən sonra haqqında "Doymadım bu dünyadan" və "Azərbaycan oğluyam" adlı iki kitab yazılıb.
Elşən QƏNİYEV,
"Azərbaycan"
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Yanvar-iyun aylarında sosial sahə üzrə 192 minədək e-arayış verilib
24 Iyul
Məzahir Pənahov: Azərbaycanda seçicilərin çoxu qadınlardır
24 Iyul
Azərbaycan və Rusiya XİN-ləri arasında siyasi məsləhətləşmələrin növbəti raundu keçirilib...
24 Iyul
Müdafiə naziri azad edilmiş ərazilərdə xidmət edən hərbi qulluqçularla görüşüb
24 Iyul
MSK sədri: Parlament seçkilərində indiyədək 31 nəfərin namizədliyi qeydə alınıb
24 Iyul
Prezidentin Mətbuat Xidmətinin məlumatı
24 Iyul
Azərbaycan nefti ucuzlaşıb
24 Iyul
Korrupsiyada təqsirli bilinən ermənipərəst senator Menendes istefa verib
24 Iyul
DİN: Ötən gün 46 cinayətin üstünün açılması təmin olunub
24 Iyul
Kənd Təsərrüfatı Nazirliyi sahibkarlara müraciət edib
24 Iyul
DİQQƏT ÇƏKƏNLƏR
ÇOX OXUNANLAR
Azərbaycan Qlobal Cənubla Qlobal Şimal arasında təmasları gücləndirir YENİLƏNİB - 2 VİDEO...21 Iyul 2024
Avropanın Azərbaycana ehtiyacı artır20 Iyul 2024
Bütün yollar Qarabağa aparır18 Iyul 2024
Uğurlu yolun yeni mərhələsi16 Iyul 2024
HEYDƏR ƏLİYEV MİSSİYASI14 Iyul 2024
Heydər Əliyevin enerji siyasətinin şah əsəri13 Iyul 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!