02 Iyul 2024 09:20
1840
Oxucu məktubları
A- A+

Körpüyə və kəndarası yolların təmirinə ehtiyacımız var

 

Şamaxının Qaleybuğurd kəndində doğulmuşam. Dağlar arasında yerləşən, 1400 nəfərin yaşadığı kəndimizin havası təmiz, suları şəfalıdır. 
Gündüzləri sərin, gecələri ilin bütün fəsillərində soyuq olan kəndə yay aylarında insan axını olur. İstidən qaçan şəhər camaatı kəndimizdə rahatlıq tapır. Onu da qeyd edim ki, Qaleybuğurdla yanaşı, Fis, Keçməddin və Qaladərəsi kəndlərində 4500 nəfər əhali yaşayır. Bu kəndlərin də təbiəti gözoxşayır. Turizmin inkişafı üçün bu yerlərdə hər şey var. Bircə körpüdən və kəndarası yollardan başqa. 
4 kəndə gedən yol Ağsu çayından keçir. Bu çay sulu çaydır. Son günlərin yağışlarında isə çayda sululuq daha da artıb. Kəndə gələn qonaqlar xeyli müddət çay keçilməz olduğundan geri dönə bilməyiblər. 
Əlaqədar təşkilatlardan xahişimiz var. 4 kəndə gedən yolda - Ağsu çayının üzərindən körpü salınsa, əsas problemimiz aradan qalxar. İkinci xahişimiz isə yoldur. Kəndarası yolların bərbad olması bu yerlərə gəlmək istəyən qonaqları fikirlərindən daşındırır. Əgər bu iki problem həll olunarsa, paytaxtdan çox da uzaq olmayan kəndimiz turizm məkanına çevrilər.

Şəfa MƏHƏRRƏMOV,
Mübariz KƏRİMOV,
Cəlil CƏLİLOV,
Şamaxı rayonu Qaleybuğurd kəndinin sakinləri

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video