Komitə sədri G20 Dinlərarası Forumu çərçivəsində bir sıra görüşlər keçirib
Dini Qurumlarla İş üzrə Dövlət Komitəsinin (DQİDK) sədri Ramin Məmmədov Braziliya Federativ Respublikasında keçirilən G20 Dinlərarası Forumu çərçivəsində bir sıra fond, təşkilat rəhbərləri və dövlət nümayəndələri ilə görüşlər keçirib.
Dövlət Komitəsindən AZƏRTAC-a bildirilib ki, G20 Dinlərarası Forumunun prezidenti Kol Durhamla görüş zamanı R.Məmmədov Azərbaycanda Prezident İlham Əliyevin rəhbərliyi ilə tolerantlıq ənənələrinin və multikultural mühitin inkişafı istiqamətində görülən işlər barədə məlumat verib, COP29 konfransı çərçivəsində keçiriləcək dini liderlərin sammitində qlobal çağırışların nüfuzlu dini-ictimai xadimlərin iştirakı ilə müzakirə olunacağını bildirib.
Kol Durham dünyada sülh və əmin-amanlığın, dostluq münasibətlərinin bərqərar olması naminə beynəlxalq platformaların təşkilinə ciddi ehtiyac olduğunu qeyd edərək, Azərbaycanın bu sahədə təşəbbüslərini yüksək qiymətləndirdiyini vurğulayıb.
ABŞ-ın İsa Məsihin Sonuncu Gün Müqəddəsləri Kilsəsinin “On iki Həvari Kvorumu”nun üzvü Ulises Soares ilə görüşdə komitə sədri ölkə rəhbərliyinin Azərbaycanda mədəni müxtəlifliyin qorunub saxlanılmasına və inkişafına yönəlmiş siyasəti barədə danışıb.
U.Soares isə kilsə üzvlərinin ölkəmizə səfəri zamanı dinlərarası harmoniya mühitinin əyani şahidi olduqlarını, Azərbaycanın tolerantlıq təcrübəsinin yayılmasının önəmini diqqətə çatdırıb.
Sonra Ramin Məmmədov Beynəlxalq Dinlərarası və Mədəniyyətlərarası Dialoq Mərkəzinin (KAICIID) Baş katibi Zuhair Əlharti ilə görüşüb. Görüşdə dini ayrı-seçkiliyə, ksenofobiya, islamofobiya, antisemitizmə qarşı birgə mübarizədə dini və dünyəvi tərəfdaşlığın rolu müzakirə edilib.
Özbəkistan Prezidentinin müşaviri Muzaffar Kamilovla görüşdə isə din sahəsində dövlət siyasəti ilə bağlı təcrübə mübadiləsi, iki ölkənin müvafiq qurumlarının əməkdaşlığı, birgə tədbirlər haqqında fikir mübadiləsi aparan R.Məmmədov dünyada dini ayrı-seçkiliyə son qoymaq üçün dialoqun əhəmiyyətini diqqətə çatdırıb.
Komitə sədri, bundan başqa Stirlinq Fondunun prezidenti Mayls Hansenlə, Radiant Fondunun icraçı direktoru Ancela Reddinqlə, Dinlərarası Alyansın vitse-prezidenti Hamad Xatir ilə görüşlər keçirib. Müzakirələr zamanı Azərbaycanın zəngin milli-tarixi ənənəyə əsaslanan və beynəlxalq hüquqi normalarla tənzimlənən dövlət-din münasibətləri barədə danışılıb, 30 illik işğal dövründə vandalizmə məruz qalmış tarixi-dini abidələr və hazırda onların bərpası istiqamətində həyata keçirilən layihələr haqqında məlumat verilib.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Milli Məclisə seçkilərlə əlaqədar 1000 seçki məntəqəsində veb-kamera quraşdırılıb
22 Avqust
Şamaxıda “4-cü sənaye inqilabı texnologiyalarının iqlim dəyişikliyi ilə mübarizədə rolu” adlı tədbir...
22 Avqust
Botsvanada dünyanın ən böyük ikinci almazı tapılıb
22 Avqust
Ölkə üzrə 300 min başa yaxın iribuynuzlu heyvan identikləşdirilərək AQTİS-ə daxil edilib
22 Avqust
Dövlət Komitəsində finlandiyalı qonaqlarla görüş keçirilib
22 Avqust
Niderland Boneyra adası ilə bağlı müstəmləkə siyasətindən əl çəkməlidir - BƏYANAT
22 Avqust
Azərbaycan kənd təsərrüfatı məhsullarının ixracından gəlirini 9 % artırıb
22 Avqust
Azərbaycan və Qazaxıstan hərbi qulluqçularının birgə taktiki-xüsusi təliminə start verilib...
22 Avqust
Qəzzada atəşkəslə bağlı danışıqlar gələn həftə keçiriləcək
22 Avqust
Paris-2024: Açılış mərasimindən narazı qalan tamaşaçı bilet pulunun geri qaytarılmasını tələb edib...
22 Avqust
DİQQƏT ÇƏKƏNLƏR
Azərbaycan naminə missiya22 Avqust 2024
Xalqa xidmət, dövlətə sədaqət missiyası21 Avqust 2024
Prezident İlham Əliyev və Prezident Vladimir Putin mətbuata bəyanatlarla çıxış ediblər YENİLƏNİB-2...19 Avqust 2024
Azərbaycan-Rusiya: çoxəsrlik tarixə malik iqtisadi əlaqələrin yeni istiqamətləri18 Avqust 2024
Azad Xocalıda zəfər seçkisi17 Avqust 2024
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!