Konqo Demokratik Respublikasında avqustun 13-dən avqustun 20-dək Mpox virusuna yoluxma halları mini keçib. Bu barədə Afrika Xəstəliklərə Nəzarət və Qarşısının Alınması Mərkəzi (CDC) məlumat yayıb.
Konqo Demokratik Respublikasının Səhiyyə Nazirliyinin məlumatına görə, ilin əvvəlindən ölkədə 17 mindən çox təsdiqlənmiş və ya şübhəli Mpox infeksiyası aşkar edilib, 570-dən çox xəstə ölüb.
2022-ci ilin dekabrında KDR-də ümummilli Mpox epidemiyası elan edilib.
Çiçək virusu M siçan və dələ kimi gəmiricilərdən və ya yoluxmuş insanlardan ötürülür.
İnfeksiyanın ən çox yayılmış səbəbləri bədəndəki səpgilərə toxunmaq, çirklənmiş paltar, çarşaf və oxşar əşyalardan istifadə etmək və bioloji mayelərlə təmasda olmaqdır.
İlk simptomlar virusa yoluxduqdan sonra 5-21 gün ərzində görünə bilər. Virus yüksək hərarət, baş və əzələ ağrıları, şişkin limfa düyünləri, yorğunluq, üşümə və suçiçəyi kimi dəri qabarcıqlarına səbəb olur.
Xüsusi bir müalicə üsulu olmayan xəstəlik antiviral dərmanlarla müalicə olunur.
Əksər hallarda xəstəlik yüngül keçir və sağalma bir neçə həftə ərzində baş verir.
Meymun çiçəyi virusu ilk dəfə 1958-ci ildə Danimarkada laboratoriya meymunlarında aşkar edilib və ilk insan meymun çiçəyi xəstəliyi 1970-ci ildə KDR-də doqquz aylıq bir oğlanda qeydə alınıb.
2022-ci ilə qədər "meymun çiçəyi" adlanırdı. 2022-ci ildə ÜST irqçilik və ayrı-seçkiliklə bağlı narahatlıqlara görə virusun adını “Mpox” olaraq dəyişdirib.
Dünyadakı səhiyyə agentliklərinin verdiyi məlumata görə, çiçək xəstəliyinə qarşı istifadə edilən peyvəndlər Mpox virusuna qarşı da effektiv qorunma təmin edə bilər.
ABŞ Xəstəliklərə Nəzarət və Qarşısının Alınması Mərkəzlərinin veb saytı qeyd edir ki, JYNNEOS peyvəndi Mpox xəstəliyinə yoluxma riskini azaltmaqda təsirli olur. Ən effektiv  üsul 28 gün ara ilə verilən iki dozadır.

“Azərbaycan”