26 Fevral 2024 21:56
294
SİYASƏT
A- A+

İtalyan ekspert: Xocalıda qanlı cinayət törədənlər ədalət qarşısında cavab verməlidirlər

 

Xocalıda qanlı cinayət törədənlər ədalət qarşısında cavab verməlidirlər.

Bunu AZƏRTAC-a müsahibəsində İtaliyanın “Artcloud Network International” şirkətinin kreativ direktoru Fabrisio Konti deyib.

O, Xocalıda ermənilər tərəfindən törədilən vəhşiliklərin və hərbi cinayətlərin müasir tarixin ən qanlı səhifələrindən olduğunu bildirib. Vurğulayıb ki, cinayətkarların cəzalandırılması üçün beynəlxalq tribunalın yaradılması vacibdir.

Fabrisio Konti Azərbaycanın işğaldan azad etdiyi bölgələrə tez-tez səfər etdiyini, erməni vandallıqlarının şahidi olduğunu, azərbaycanlılara qarşı törədilən etnik təmizləmə və soyqırımı cinayətlərini şahidlərin dilindən eşitdiyini deyib.

Ekspert Qarabağdakı İşğal və Zəfər muzeylərinin təşkili üzrə fəaliyyət göstərdiyini, 30 illik erməni işğalı dövründə bu ərazilərin necə xarabalığa çevrildiyinin şahidi olduğunu bildirib. Vurğulayıb ki, Azərbaycan hökuməti bütün azad olunmuş ərazilərdə, o cümlədən Xocalıda geniş bərpa və yenidənqurma layihələri həyata keçirir: “Əminəm ki, bütün digər bölgələrin sakinləri kimi, Xocalı əhalisi də tez bir zamanda öz doğma yurdlarına qayıdacaq”.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video