Heydər Əliyevin Azərbaycan dili sevgisi
Dili yaşadan xalqdır, bu dildə danışanlardır. Elə xalqı da yaşadan onun dilidir. Bu baxımdan hər bir xalq öz milli mental dəyərlərinə, adət-ənənəsinə diqqət və qayğı ilə yanaşmalıdır.
Dil mürəkkəb, eyni zamanda rəngarəng, çalarlı, zəngin işarələr sistemidir. Məşhur dilçi alim Humboldtun "Dil işarələr haqqında elmdir" fikri hər dövr üçün öz aktuallığını qoruyur. Sistemləşmiş, normaya salınmış doğma ana dilimiz də bu təkamül prosesindən keçmişdir. Azərbaycan dili öz melodik, avazlı, intonasiyanın işlənməsi baxımından zəngin dillər sırasındadır. Tarix boyu yadellilərin işğalı və istilası dilimizin müstəqil istifadəsinə mane olsa da, hər dəfə hürriyyətimizə qovuşduğumuzda ilk olaraq dilimizi dövlət dili elan etmişik. Şah İsmayıl Xətai Azərbaycan dilini ilk dəfə dövlət dili elan etmişdir. Şərqdə ilk cümhuriyyət yaradanda da dövlət dilimiz məhz Azərbaycan dili olmuşdur. Lakin bütün bunlar çox təəssüflər olsun ki, yarımçıq qalmışdır. Yalnız Ulu Öndər Heydər Əliyevin 1969-cu ildə hakimiyyətə gəlməsi ilə dilimizə, dilçiliyimizə münasibət dəyişmişdir.
Heydər Əliyevin dövlətə və dövlətçiliyə olan sevgisi, Azərbaycan dilinə, xalqına olan məhəbbəti onun həyatının ayrılmaz tərkib hissəsi idi. Böyük rəhbərin təşəbbüsü ilə 1995-ci ildə Konstitusiyamızın dil haqqında maddəsi ilə bağlı keçirilən müzakirələrdən sonra Azərbaycan dili dövlət dili kimi 21-ci maddədə öz əksini tapdı. 2001-ci ildə isə "Dövlət dilinin tətbiqi işinin təkmilləşdirilməsi haqqında" fərman imzalandı. Azərbaycan Respublikası Dövlət Dil Komissiyasının tərkibinin təsdiqi, Azərbaycan əlifbası və Azərbaycan Dili Gününün təsis edilməsi də Heydər Əliyevin adı ilə bağlıdır.
Ulu Öndərin intellekti dil siyasətində özünü göstərmişdir. Azərbaycan dilinin təkmilləşməsində öz siyasi-ideoloji, uzaqgörən düşüncələri ilə misilsiz xidmətlər göstərən Ulu Öndər yorulmadan mücadilə aparmışdır. Bu dil siyasətinin məhvərində ilk olaraq vətənə, xalqa, dövlətə, doğma dilinə olan sevgi dayanırdı. Onun ən ümdə məqsədi müasir Azərbaycanı daha da qüdrətli görmək, dünya arenasında öz yerini tutmaq, gücünü və hürriyyətini isbat etmək idi.
Heydər Əliyevin dil siyasəti sadaladıqlarımızla qurtarmır. Qlobal dünyada özünəməxsus yer tutmaq üçün bütün sahələri inkişaf etdirmək, dünya dövlətləri ilə ünsiyyət qurmaq bu gün də aktualdır. Bunun üçün isə xarici dil bilmək vacibdir.
Azərbaycan gəncləri ilə görüşdə "Mən arzu edirəm ki, Azərbaycan gənci Şekspiri ingilis dilində oxusun, Puşkini rus dilində oxusun, Nizamini, Füzulini, Nəsimini isə Azərbaycan dilində oxusun" deyən Heydər Əliyevin nə qədər uzaqgörən bir lider, bir siyasətçi, dövlət xadimi olduğunu görürük. Bu gün dünyanın ən nüfuzlu universitetlərində təhsil alan azərbaycanlı tələbələr, ölkə daxilində oxuyan, işləyən gənclər öz fəallıqları və fəaliyyətləri ilə Ulu Öndərin ideyalarına tapınmışlar.
44 günlük II Qarabağ savaşında sosial platformada ideoloji mübarizə aparanlar arasında məhz xarici dil bilikləri olanlar üstünlük təşkil edirdi. Ümummilli Liderin dil siyasəti öz töhfəsini verirdi. Öz dilimizdə düşündüyümüz, bildiyimiz həqiqətləri ingilis, rus dilində dünyaya çatdırırdıq.
Heydər Əliyev siyasi məktəbinin davamçısı İlham Əliyev də dövlət və gənclər siyasətini çox uğurla həyata keçirir. Dövlət hesabına xarici ölkələrdə təhsil almaq imkanı olan Azərbaycan gənci artıq Şekspiri ingilis, Puşkini rus, Höteni alman, Servantesi ispan, Rəşad Nuri Güntəkini türk, Aytmatovu qazax dilində oxuyur. Heydər Əliyevin nəsihəti və arzusu beləcə gerçəyə dönür.
Günel HÜSEYNOVA,
Azərbaycan Dövlət Pedaqoji Universiteti nəzdində Azərbaycan Dövlət Pedaqoji Kollecinin müəllimi
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Turizmin əhəmiyyəti
27 Iyul
Qəbələdə turizm infrastrukturu genişlənir
27 Iyul
Azərbaycan qazının Türkiyəyə tədarükü avqust ayında müvəqqəti dayandırılacaq
27 Iyul
Səfir: Azərbaycanla Niderland su problemlərinin idarə edilməsi mövzusunda bənzər sistemlərə malikdir...
27 Iyul
BMT nümayəndəsi: Azərbaycan beynəlxalq səviyyədə Vahid Sağlamlıq yanaşmasının tətbiqi sahəsində gücl...
27 Iyul
Sülh sazişini imzalamağın vaxtı çatıb
27 Iyul
Azərbaycan Respublikası Maliyyə Monitorinqi Xidmətinin informasiya sisteminə inteqrasiya edilən info...
27 Iyul
Bərpaolunan enerji mənbələrindən istifadə sahəsində layihələrin həyata keçirilməsinə dair Komissiyan...
27 Iyul
Ertuğruloğlu: Azərbaycan, Türkiyə və ŞKTC bir-birilərini dəstəkləməli, ümumi maraqları müdafiə etməl...
27 Iyul
"Azərbaycan Respublikası Hökuməti il ə Türkiyə Respublikası Hökuməti arasında miqrasiya sahəsində əm...
27 Iyul
DİQQƏT ÇƏKƏNLƏR
ÇOX OXUNANLAR
Həqiqətə çağırış25 Iyul 2024
![](/uploads/img/posts/2024/07/25/Clip_23jpg-1721862946.jpg)
Uzaqgörənlik24 Iyul 2024
![](/uploads/img/posts/2024/07/24/1 copyjpg-1721771921.jpg)
Azərbaycan iqlim dəyişikliyi ilə mübarizədə qlobal səviyyədə tanınır23 Iyul 2024
![](/uploads/img/posts/2024/07/23/Clip_2jpg-1721686526.jpg)
Azərbaycan Qlobal Cənubla Qlobal Şimal arasında təmasları gücləndirir YENİLƏNİB - 2 VİDEO...21 Iyul 2024
![](/uploads/img/posts/2024/07/20/1721480194305007127_1200x630jpg-1721495783.jpg)
Avropanın Azərbaycana ehtiyacı artır20 Iyul 2024
![](/uploads/img/posts/2024/07/20/Clipjpg-1721423683jpg-1721453251.jpg)
Bütün yollar Qarabağa aparır18 Iyul 2024
![](/uploads/img/posts/2024/07/18/Clip_8jpg-1721248442.jpg)
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!