“Hazırda dünyada, o cümlədən yaxın regionlarda
mürəkkəb proseslər və münaqişələr davam edir. Belə bir şəraitdə sabitliyin
qorunması və təhlükəsizliyin gücləndirilməsi vacib şərtdir. Bu baxımdan, Azərbaycanın
qazandığı naliyyətlərlə yanaşı qarşıda da mühüm vəzifələr dayanır. Prezident
İlham Əliyev Yeni Azərbaycan Partiyasının VIII Qurultayındakı çıxışında bu vəzifələrdən
bəhs edib. İlk növbədə, daha da güclü olmalıyıq. Çünki dünyada nizam-intizam
pozulub, beynəlxalq hüquq işləmir. Ona görə də, bu istiqamətdə işlər davam
etdirilməlidir”.
Bu
fikirləri Milli Məclisin deputatı, YAP Təftiş komissiyasının üzvü Samir Vəliyev
deyib. Deputat bildirib ki, cənab Prezident hərbi gücümüzün daha da artırılması
üçün gələn ilin dövlət büdcəsində bu illə müqayisədə daha çox vəsaitin
ayrlacağını açıqlayıb. Eyni zamanda, ideoloji işin gücləndiriməsi də əsas vəzifələrdən
biridir. Prezident İlham Əliyev bu barədə deyib: “İdeoloji təhlükəsizlik də
fiziki təhlükəsizlik kimi önəmlidir. Çünki ideoloji təxribat ölkənin içinə
istiqamətləndirilir. Biz sərhədlərimizi qoruyuruq və bu da vəzifələrdən
biridir. Dövlət sərhədlərimizin mühafizəsinə, qorunmasına müasir
texnologiyalardan istifadə etməklə nail olmuşuq. Amma ideoloji risklər sərhəd
tanımır, xüsusilə indiki dünyada, internet dünyasında, kiberhücumlar
dünyasında, süni intellekt dünyasında. Ona görə biz özümüzü ideoloji təxribatlardan
qorumalıyıq”.
Əlbəttə, Azərbaycan cəmiyyəti intellektual cəmiyyətdir,
bununla belə, təhsilin inkişafı daim diqqət mərkəzində olmalıdır. Çünki cəmiyyət
nə qədər təhsilli, bilikli, savadlı olarsa, o qədər də şər – böhtanlara, ideoloji təxribatlara uymayacaq. Digər tərəfdən,
vətənpərvərlik ruhu daim yüksək olmalıdır.
“Bu gün Azərbaycan xalqı təhlükəsizlik, əmin-amanlıq
şəraitində yaşayır. Cənab Prezidentin dediyi kimi, bu, indiki dünyada böyük sərvət
sayıla bilər. Çünki bu gün dünya xəritəsinə baxsaq görərik ki, Azərbaycan xalqı
qədər sabitlik, əmin-amanlıq, sülh şəraitində yaşayan çox az xalqlar və ölkələr
var. Ona görə də, xalq olaraq ayıq-sayıq olmalıyıq. Bu məsələdə partiyamızın
üzvlərinin üzərinə də böyük vəzifələr düşür. Məlumdur ki, xaricdə ölkəmizə
qarşı məkrli kampaniyalar aparılır. Məqsəd ölkəmizdə sabitliyi pozmaq,
ictimiayyəti çaşdırmaq və nəticə etibarilə dövlətimizi zəiflədərək xarici qüvvələrdən
asılı vəziyyətə salmaqdır. Bu səbəbdən ideoloji məsələlərə daha məsuliyyətlə
yanaşmaq lazımdır. İdeoloji işimiz partiya fəalları tərəfindən elə
aparılmalıdır ki, Azərbaycan reallıqları, ölkəmizdə gedən işlər, çox müsbət
ab-hava daim ictimai müzakirədə olsun. Bu, dövlət başçısının YAP üzvlərinə əsas
tövsiyələrindən biridir” – deyən, deputat əlavə edib ki, Prezident İlham Əliyev
çıxışında əhalinin sosial müdafiəsinin gücləndirilməsi ilə bağlı növbəti il
minimum əməkhaqqının, pensiyaların, sosial müavinətlərin artırılacağını
açıqlayıb. Bu fakt dövlətimizib siyasətinin mərkəzində Azərbaycan vətəndaşının
dayandığını bir daha təsdiqləyir.
“Azərbaycan”
