Füzuli şəhərinin artıq üç minə yaxın sakini var
Aprelin 23-də daha bir qayıdış karvanı Füzuli şəhərinə yola salınıb. Bu mərhələdə şəhərə 150 nəfər (39 ailə) köçürülüb. Beləliklə, yenidən qurulan Füzuli şəhərində artıq 744 ailənin, yəni 2839 nəfərin daimi məskunlaşması təmin edilib.
Füzuli şəhərində əhalinin yüksək həyat səviyyəsini təmin etmək məqsədilə müasir tələblərə cavab verəcək yaşayış məhəllələri salınır, həyətyanı torpaq sahələri olan fərdi evlər inşa edilir, idman kompleksi, təhsil, səhiyyə, mədəniyyət və istehsalat müəssisələri yaradılır.
2040-cı ilədək ilk şəhərsalma layihəsinin icra edildiyi Füzuli şəhərinin inzibati ərazisinin 1943 hektara, əhalisinin 50 min nəfərə çatdırılması nəzərdə tutulur. Böyük Qayıdış Proqramının birinci mərhələsinin sonunda, yəni 2026-cı ilin sonunda 22 min nəfər Füzuli rayonunda, bütövlükdə isə Qarabağ və Şərqi Zəngəzurda 140 min nəfər yaşayacaq.
Otuz il öncə məcburi köçkün düşən insanlarımızla birlikdə işğaldan azad edilmiş ərazilərimizə o torpaqları görməyən gənc nəslin də qayıtmaq istəyi olduqca müsbət haldır. Bu, vətəndaşların doğma diyara bağlılığı ilə birlikdə dövlətə, ən əsası, dövlət başçısına göstərdiyi inamın, etimadın təzahürüdür.
Keçmiş məcburi köçkünlərin torpaqlarına qayıdışı həyata keçirilərkən məşğulluq məsələlərinə də böyük diqqət yetirilir. Şəhər və kəndlərə uyğun müvafiq məşğulluq imkanları yaradılır. Qarabağ və Şərqi Zəngəzurda həyatın qaynaması üçün bu istiqamətdə proqram icra edilir.
Bu gün Füzulinin həm mərkəzində, həm kəndlərində həyata keçirilən layihələr dünya miqyasında şəhərsalma prinsiplərinin qaydalarına əsaslanır. Füzulinin kəndlərində də bərpa-quruculuq işləri sürətlə davam etdirilir. Prezidentin səfərləri çərçivəsində yeni təməlqoyma mərasimləri keçirilir.
2021-ci ildə təməli qoyulan Füzulinin Dövlətyarlı kəndi "ağıllı kənd" konsepsiyası əsasında qurulub. Bu, ikinci belə nümunədir. Qayıdışın ilk ünvanı olan Ağalıda da bu konsepsiyadan istifadə edilib. Lakin "ağıllı idarəetmə" sisteminin tətbiq ediləcəyi Füzulinin kəndinin daha böyük olacağı gözlənilir. Ağıllı turizm həllərinin tətbiqi vasitəsilə kənd turizm infrastrukturunun formalaşdırılması və hotel infrastrukturunun yaradılması nəzərdə tutulub.
Ötən ilin oktyabr ayında Prezident İlham Əliyevin Füzuli rayonuna səfəri zamanı Cuvarlı və Qoçəhmədli kəndlərinin təməli qoyuldu. Cuvarlıya 1697 nəfərin, Qoçəhmədliyə isə 1364 nəfərin köçürülməsi nəzərdə tutulub. Kəndlər tarixi ənənələri qorumaqla müasir üslubda layihələndirilib. Enerjiyə qənaət etmək məqsədilə alternativ enerjidən istifadə və istiliktutumlu evlərin inşası nəzərdə tutulub. Bu kəndlərdə həmçinin çoxfunksiyalı inzibati binaların, Bayraq meydanının, kafe-restoranların, mərasim evlərinin, çörək sexlərinin, apteklərin, idman klublarının, ailə sağlamlıq mərkəzlərinin, məktəblərin, uşaq bağçalarının, istirahət və yaşıllıq zonaların, klub-icma mərkəzlərinin, kitabxanaların, bazarların, qonaq evlərinin tikilməsi planlaşdırılıb.
Qeyd etmək lazımdır ki, bu günədək düşmən tapdağından qurtulan ərazilərimizə 1626 ailə - 6392 nəfər olmaqla, 175 ailə (871 nəfər) Zəngilan rayonunun Ağalı kəndinə, 20 ailə (90 nəfər) Tərtər rayonunun Talış kəndinə, 472 ailə (1773 nəfər) Laçın şəhərinə, 744 ailə (2839 nəfər) Füzuli şəhərinə, 215 ailə (819 nəfər) Laçın rayonunun Zabux kəndinə qayıdıb. Dövlətimizin gücü, düzgün iqtisadi strategiyası sayəsində düşməndən azad edilən ərazilərimizin sürətli bərpası, keçmiş məcburi köçkünlərin bu torpaqlarda tam məskunlaşması tezliklə başa çatacaq.
Ülkər XASPOLADOVA,
"Azərbaycan"
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Ermənistan sülh sazişini imzalamaqdan yayınır
01 Sentyabr
Məzahir Pənahov: Seçki məntəqələri səsvermə üçün tam hazır vəziyyətə gətirilib
01 Sentyabr
Bakı sülh şərtlərini bir daha bəyan etdi
01 Sentyabr
990 namizəd, 6 milyon 421 min 960 seçici, 6478 seçki məntəqəsi
01 Sentyabr
Bakıda Qırğızıstanın müstəqillik günü təntənə ilə qeyd edilib
01 Sentyabr
Parisdə keçirilən aksiyada Avropa İttifaqının bayrağı cırılıb
31 Avqust
Naxçıvanda parlament seçkiləri 331 məntəqədə keçiriləcək
31 Avqust
Vuçiç: Serbiya 2030-cu ilədək Aİ-yə üzv ola bilməyəcək
31 Avqust
Birinci vitse-prezident Mehriban Əliyeva Paralimpiya Oyunlarında gümüş medal qazanan Raman Saleyi tə...
31 Avqust
Premyer Liqa: “Sabah” “Kəpəz”ə qalib gəlib
31 Avqust
DİQQƏT ÇƏKƏNLƏR
Azərbaycan-Özbəkistan münasibətləri yeni mərhələdə: Strateji müttəfiqlik iki ölkəni daha da gücləndi...30 Avqust 2024
![](/uploads/img/posts/2024/08/30/17244104092088730123 Копированиеjpg-1724969916.jpg)
Strateji tərəfdaşlıq güclənir, qlobal nüfuz artır 28 Avqust 2024
![](/uploads/img/posts/2024/08/28/manset Копированиеjpg-1724791281.jpg)
Mehriban Əliyeva - Azərbaycan humanizminin simvolu26 Avqust 2024
![](/uploads/img/posts/2024/08/26/17246441985346750166_1200x630jpg-1724646204.jpg)
"Gəl sənə Laçınımı göstərim..."25 Avqust 2024
![](/uploads/img/posts/2024/08/25/16930664043345830467jpg-1724536246.jpg)
"Mehriban xanım ürəyimizdə elə bir saray qurub ki..."24 Avqust 2024
![](/uploads/img/posts/2024/08/24/16930632301761151988jpg-1724463695.jpg)
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!