13 Aprel 2024 16:18
470
DÜNYA
A- A+

Ərdoğan: Beynəlxalq müstəvidə əməkdaşlıq və koordinasiyaya ehtiyac var

 

Türkiyə ümumbəşəri dəyərlərə sadiq qalaraq dünya sülhünə xidmət etməyə davam edəcək.

AZƏRTAC xəbər verir ki, bu fikri Türkiyə Prezidenti Rəcəb Tayyib Ərdoğan Roma Katolik Kilsəsinin rəhbəri Papa Fransiskə Fələstin-İsrail münaqişəsi ilə bağlı ünvanladığı məktubda bildirib.

Yaxın Şərqdə və Ukraynada cərəyan edən hadisələrin beynəlxalq əməkdaşlıq və koordinasiyanın zərurətini bir daha ortaya qoyduğuna diqqət çəkən Türkiyə lideri, münaqişə bölgələrinə humanitar yardımların çatdırılmaması səbəbindən bu gün insanların aclıqdan öldüyünü bildirib.

“Qəzza zolağına müqəddəs Ramazan ayında da zərbələr endirilib. Ukrayna müharibəsi isə üçüncü ilinə qədəm qoyub. Bu bölgələrdəki gərginlik bütün dünyaya öz mənfi təsirini göstərir. Bu kimi çağırışlar beynəlxalq əməkdaşlıq və koordinasıyanın zərurətini bir daha ortaya qoyur”, - deyə Ərdoğan vurğulayıb.

Türkiyə Prezidenti məktubunda xüsusi ilə son dönəmdə dünyanın müxtəlif bölgələrində qeydə alınan islamofobiya, rasizm və ksenofobiya təhlükəsindən də bəhs edib.

O, müsəlmanlara qarşı düşmənçıliyin, irqçiliyin və ksenofobiyanın cəmiyyətlərarası sülhü və sabitliyi təhdid etdiyini ifadə edib.

“Dünyamızın hər zamankındən daha geniş prizmalı və rasional siyasətə, hər şəraitdə bütün tərəflərlə dialoq qura bilən aktorlara

ehtiyacı var”, - deyə Ərdoğan vurğulayıb.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video