28 Fevral 2023 01:10
820
ELANLAR
A- A+

"Azərlotereya" "Yaşıl Gələcək" layihəsinə qoşuldu

 

"Azərlotereya" ASC Korporativ Sosial Məsuliyyət fəaliyyətinin əsas istiqamətlərindən olan ekologiya və ətraf mühitin mühafizəsi üzrə Ekologiya və Təbii Sərvətlər Nazirliyi ilə əməkdaşlığı genişləndirir. Şirkət növbəti addım olaraq Nazirliyin "Yaşıl Gələcək" adlı ağacəkmə layihəsinə qoşulub.
Layihənin əsas məqsədi ətraf mühitin və təbii ehtiyatların qorunması naminə ağac əkilən ərazilərdə damcılı suvarma sisteminin quraşdırılmasına və ölkəmizin yaşıllaşdırılmasına töhfə verməkdir. Layihə çərçivəsində ilkin mərhələdə "Azərlotereya" 1000 ədəd ağacın əkilməsi üçün ianə edib. Şirkət bundan sonra da layihəyə dəstək göstərməyə davam edəcək.
"Yaşıl Gələcək" layihəsi ölkəmizin yaşıllaşdırılmasında könüllü iştirakı nəzərdə tutur. Ağac əkilməsinə dəstək olmaq istəyənlər "yasilgelecek.az" saytına daxil olaraq ətraflı məlumat əldə edə bilərlər.
Qeyd edək ki, "Azərlotereya" daha öncə Ekologiya və Təbii Sərvətlər Nazirliyinin təşkilatçılığı ilə həyata keçirilən  genişmiqyaslı ağacəkmə aksiyasına da qoşulub. Şirkət əməkdaşlarının iştirakı ilə Bakının Müşfiqabad qəsəbəsində 4 hektar ərazidə Abşeron yarımadasının iqliminə uyğun 3 000 ədəd zeytun, Eldar şamı, oleandr, Şərq çinarı ağacları əkilib.
Aksiyaların məqsədi ağac əkilməsini təşviq edərək təbiətin mühafizəsinə, eləcə də, sağlam ekoloji mühitin yaradılmasına töhfə vermək, gələcək nəslə yaşıl miras qoymaqla ətraf mühitin mühafizəsinin vacibliyini xüsusilə gənc nəslin diqqətinə çatdırmaqdır.

Səbuhi BAYRAMOV,
"Azərbaycan"

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video