“Azərbaycan Milli Elmlər Akademiyasının Yüksək Texnologiyalar Parkında istehsal olunan məhsullar üçün dövlət sifarişlərinin verilməsi Qaydası”nın təsdiq edilməsi barədə” Azərbaycan Respublikası Nazirlər Kabinetinin 2019-cu il 10 may tarixli 214 nömrəli Qərarında dəyişiklik edilməsi haqqında

№ 176

Azərbaycan Respublikası Nazirlər Kabinetinin QƏRARI

Azərbaycan Respublikası Konstitusiyasının 119-cu maddəsinin səkkizinci abzasını rəhbər tutaraq, “Azərbaycan Milli Elmlər Akademiyası (AMEA) Yüksək Texnologiyalar Parkının adının dəyişdirilməsi haqqında” Azərbaycan Respublikası Prezidentinin 2024-cü il 26 noyabr tarixli 374 nömrəli Sərəncamının icrasını təmin etmək məqsədilə Azərbaycan Respublikasının Nazirlər Kabineti qərara alır:

“Azərbaycan Milli Elmlər Akademiyasının Yüksək Texnologiyalar Parkında istehsal olunan məhsullar üçün dövlət sifarişlərinin verilməsi Qaydası”nın təsdiq edilməsi barədə” Azərbaycan Respublikası Nazirlər Kabinetinin 2019-cu il 10 may tarixli 214 nömrəli Qərarında (Azərbaycan Respublikasının Qanunvericilik Toplusu, 2019, № 5, maddə 949 (Cild I); 2024, № 3, maddə 316) aşağıdakı dəyişikliklər edilsin:

1. Adında və 1-ci hissədə Milli Elmlər Akademiyasının” sözləri “Respublikası Elm və Təhsil Nazirliyinin” sözləri ilə əvəz edilsin.

2. 2-ci hissə aşağıdakı redaksiyada verilsin:

“2. Bu Qərarda dəyişiklik Azərbaycan Respublikası Prezidentinin 2023-cü il 6 oktyabr tarixli 2328 nömrəli Fərmanı ilə təsdiq edilmiş “İcra hakimiyyəti orqanlarının normativ hüquqi aktlarının layihələrinin hazırlanması, razılaşdırılması, qəbul edilməsi və dərc edilməsi qaydası haqqında Əsasnamə”nin 3.5-ci bəndinə uyğun edilə bilər.”.

3. Həmin Qərarla təsdiq edilmiş “Azərbaycan Milli Elmlər Akademiyasının Yüksək Texnologiyalar Parkında istehsal olunan məhsullar üçün dövlət sifarişlərinin verilməsi Qaydası” üzrə:

3.1. adında və 1.2-ci bənddə “Milli Elmlər Akademiyasının” sözləri “Respublikası Elm və Təhsil Nazirliyinin” sözləri ilə əvəz edilsin;

3.2. 1.3-cü bənddə “Azərbaycan Milli Elmlər Akademiyası (AMEA) Yüksək Texnologiyalar Parkının yaradılması haqqında” Azərbaycan Respublikası Prezidentinin 2016-cı il 8 noyabr tarixli 2425 nömrəli Sərəncamının 5-ci hissəsi ilə Azərbaycan Milli Elmlər Akademiyasının tabeliyində yaradılmış “AMEA Yüksək Texnologiyalar Parkı” sözləri “Azərbaycan Respublikası Elm və Təhsil Nazirliyinin tabeliyində “ETN Yüksək Texnologiyalar Parkı” sözləri ilə əvəz edilsin;

3.3. 1.7-ci, 2.12-ci bəndin birinci və ikinci cümlələrində və 2.13-cü (birinci halda) bəndlərdə ismin müvafiq hallarında “Milli Elmlər Akademiyası” sözləri ismin müvafiq hallarında “Respublikası Elm və Təhsil Nazirliyi” sözləri ilə əvəz edilsin.

4. Həmin Qaydaya əlavə - “YT Parkda istehsal olunan məhsullara tələbat barədə məlumat”ın yuxarı sağ küncündə “Milli Elmlər Akademiyasının” sözləri “Respublikası Elm və Təhsil Nazirliyinin” sözləri ilə əvəz edilsin.

 Əli Əsədov

Azərbaycan Respublikasının Baş naziri

Bakı şəhəri, 4 iyun 2025-ci il