16 Noyabr 2026 14:10
87
İQTİSADİYYAT
A- A+
2030-cu ildə 27-ci WPC Energy Konqresinə Azərbaycan ev sahibliyi edəcək

2030-cu ildə 27-ci WPC Energy Konqresinə Azərbaycan ev sahibliyi edəcək


2030-cu ildə Bakıda keçiriləcək 27-ci “WPC Energy” Konqresinə ev sahibliyi ilə bağlı “WPC Energy” və “WPC Energy”nin Azərbaycan Milli Komitəsi arasında Anlaşma Memorandumu imzalanıb. Sənədi Azərbaycan Respublikasının Energetika Nazirliyində keçirilən görüşdə energetika naziri Pərviz Şahbazov və “WPC Energy”nin prezidenti Pedro Miras imzalayıblar.

Energetika Nazirliyindən AZƏRTAC-a bildirilib ki, görüşdə konqresə hazırlıq prosesi, təşkilati məsələlər və tədbirə qədərki dövrdə əməkdaşlıq istiqamətləri ətrafında fikir mübadiləsi aparılıb.

Nazir Pərviz Şahbazov bildirib: “Dünya neft sənayesinin beşiyi olan Azərbaycanda “WPC Energy” Konqresinin keçirilməsi bu mötəbər beynəlxalq tədbirin öz tarixi köklərinə qayıdışı baxımından xüsusi əhəmiyyət daşıyır. Dünyada ilk dəfə sənaye üsulu ilə neft hasilatının həyata keçirildiyi, neft sənayesinin inkişafında mühüm yeniliklərə imza atmış Azərbaycanın 2030-cu ildə bu konqresə ev sahibliyi etməsi həm tarixi, həm də strateji məna daşıyır. 30 ildən artıqdır keçirilən Bakı Enerji Həftəsinin zəngin təcrübəsi, eləcə də ölkəmizin beynəlxalq tədbirlərin təşkilində qazandığı uğurlar 27-ci “WPC Energy” Konqresinin yüksək səviyyədə keçirilməsi üçün möhkəm əsas yaradır. İnanırıq ki, Bakı Konqresi enerji sənayesinin tarixi irsi ilə müasir inkişaf istiqamətlərini bir araya gətirərək qlobal enerji dialoquna və beynəlxalq əməkdaşlığın genişlənməsinə mühüm töhfə verəcək”.

“WPC Energy”nin prezidenti Pedro Miras deyib: “Azərbaycanın 2030-cu ildə 27-ci WPC Energy Konqresinə ev sahibliyi edəcəyindən böyük məmnunluq duyuruq. Azərbaycan qlobal enerji sənayesinin tarixində və inkişafında mühüm rol oynayıb. Ölkənin beynəlxalq enerji dialoquna davamlı töhfələri bu mühüm tədbirə ev sahibliyi etməsini xüsusilə əlamətdar edir. Konqres dünyanın müxtəlif ölkələrindən hökumət nümayəndələrini, enerji sənayesinin rəhbərlərini, ekspertləri və digər maraqlı tərəfləri bir araya gətirərək fikir mübadiləsi aparmaq, ortaq çağırışları müzakirə etmək və enerjinin gələcəyi üçün praktik həll yollarını araşdırmaq baxımından mühüm imkan yaradacaq. Bakıda uğurlu konqresin keçirilməsi üçün azərbaycanlı tərəfdaşlarımızla sıx əməkdaşlığı və “WPC Energy”nin qlobal ictimaiyyətini Azərbaycanda salamlamağı səbirsizliklə gözləyirik”.

Qeyd edək ki, Azərbaycanın 2030-cu ildə keçiriləcək 27-ci “WPC Energy” Konqresinə ev sahibliyi edəcəyi cari il aprelin 21-də rəsmən təsdiqlənib. Əsası 1933-cü ildə qoyulmuş və iki ildən bir keçirilən Konqres dünyanın ən nüfuzlu enerji platformalarından biridir. Bütün enerji sektorunu, qlobal enerji çağırışlarını və praktik həll yollarını əhatə edən Konqres beynəlxalq dialoq və əməkdaşlıq üçün unikal platforma rolunu oynayır. Bu tədbirə ev sahibliyi Azərbaycanın beynəlxalq enerji məkanındakı mövqeyinin möhkəmləndirilməsi və strateji tərəfdaşlıqlarının daha da genişləndirilməsi üçün yeni imkanlar yaradacaq.

1933-cü ildə Dünya Neft Şurası (World Petroleum Council - WPC) adı ilə yaradılmış təşkilat 2023-cü ildən “WPC Energy” adı altında fəaliyyət göstərir. Qlobal enerji istehsalı və istehlakının 96 faizini təşkil edən 60 ölkənin nümayəndələrini birləşdirən WPC Energy öz fəaliyyətini Milli Komitələr şəbəkəsi vasitəsilə həyata keçirir. Bu şəbəkəyə 2005-ci ildə yaradılmış “WPC Energy”nin Azərbaycan Milli Komitəsi də daxildir.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

Nazir Emin Əmrullayev Naxçıvanda vətəndaşların müraciətlərini dinləyib  

15:20
16 Noyabr

Yaxın iki günün hava proqnozu açıqlanıb

15:13
16 Noyabr

Vüqar Gülməmmədov: 2027-ci ilin dövlət büdcəsi neft asılılığının azaldılmasında dönüş nöqtəsi olacaq

14:57
16 Noyabr

Bakı-London münasibətlərində yeni strateji mərhələ: Azərbaycanın növbəti siyasi uğuru   

14:55
16 Noyabr

2030-cu ildə 27-ci WPC Energy Konqresinə Azərbaycan ev sahibliyi edəcək

14:10
16 Noyabr

2027-ci ildə növbəti “Yüksəliş” müsabiqəsinin keçirilməsi üçün bir milyon manat ayrılıb - SƏRƏNCAM

14:03
16 Noyabr

Mərkəzi Bankın sədri: Məzənnə 2027-ci ildə də makroiqtisadi sabitliyin əsas dayağı olacaq 

13:46
16 Noyabr

Nazir: Qarşıdakı dövr üçün makroiqtisadi proqnozlar konservativ yanaşma əsasında hazırlanıb 

13:39
16 Noyabr

2022-2026-cı illərdə ÜDM-in orta illik artımı 2,7 faiz olacaq 

13:31
16 Noyabr

Azərbaycanda qeyri-neft-qaz ixracı yeni mərhələyə daxil olub

13:27
16 Noyabr

Nazir: Yeni artım mənbələrinə keçid qaçılmazdır

13:13
16 Noyabr

"Sabah" - "Barselona" oyununa satılmış biletlərin sayı açıqlanıb

13:01
16 Noyabr

2018-ci ildən bəri aktiv vergi ödəyicilərinin sayı 2 dəfə artıb

12:58
16 Noyabr

Neftin qiyməti hələ ki, yüksək səviyyədə qalmaqda davam edir  

12:53
16 Noyabr

İqtisadiyyat naziri: Dövlət şirkətləri büdcə üçün gəlir mənbəyinə çevrilir  

12:49
16 Noyabr

Nazir: Növbəti ildə bütün rayonlar öz gəlirləri hesabına xərclərini tam qarşılayacaq  

12:41
16 Noyabr

Mikayıl Cabbarov: Azərbaycan şirkətləri beynəlxalq bazarlara çıxır, gəlir bazası şaxələnir  

12:38
16 Noyabr

Gələn il işğaldan azad edilmiş ərazilərimizdə yenidənqurma işlərinin maliyyə təminatı tam təmin olunacaq  

12:34
16 Noyabr

2027-ci il dövlət büdcəsinin gəlirlərində qeyri-neft sektorunun payı 60,6 faiz olacaq  

12:29
16 Noyabr

Bu ilin yanvar-sentyabr aylarında nəqliyyat dəhlizləri ilə 32 milyon tonadək yük daşınıb  

12:23
16 Noyabr

Sahil Babayev: Azərbaycan ÜDM-dən artıq valyuta ehtiyatlarına malik olan azsaylı ölkələrdəndir  

12:16
16 Noyabr

ÇOX OXUNANLAR

OXUCU MƏKTUBLARI

NƏŞRLƏRİMİZ

TƏQVİM / ARXİV

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!