Türkiyəli nazir: Nəqliyyat və ticarət sahələrində qlobal əməkdaşlığa hazırıq
Türkiyə geosiyasi baxımdan dünyanın ən böyük nəqliyyat dəhlizlərinin tam mərkəzində yerləşir. Ölkəmiz qlobal ticarət əməliyyatlarında çatışmayan halqaların tamamlanması istiqamətində sıx əməkdaşlığa hazırdır.
AZƏRTAC xəbər verir ki, bu fikirləri mayın 24-də Leypsiqdə keçirilən illik Beynəlxalq Nəqliyyat Forumunda (ITF) çıxış edən Türkiyənin nəqliyyat və infrastruktur naziri Abdulkadir Uraloğlu deyib.
Uraloğlu Orta Dəhlizin əhəmiyyətinə diqqət çəkib, ticarət və nəqliyyat sahəsində regional əməkdaşlığın vacibliyini vurğulayıb.
Nazir Süveyş kanalında daşımaların dayandırılması fonunda 2021-ci ildə qlobal ticarətdə yaranmış altı günlük böhranı xatırladıb. “Həmin vaxt “The Ever Given” adlı konteyner gəmisi ticarətə 10 milyard dollar ziyan vurmuşdu. Bu hadisə, eləcə də Qırmızı dənizdə təhlükəsizlik problemləri alternativ ticarət yolunun zəruriliyini önə çəkdi”, - deyə Uraloğlu bildirib.
Onun sözlərinə görə, Türkiyə nəqliyyat sektorunda Gürcüstan və Azərbaycanla sıx əməkdaşlıq edir və bu, Xəzər dənizi vasitəsilə Mərkəzi Asiya ölkələri ilə ticarət üçün geniş imkanlar açır.
Türkiyə Nəqliyyat Nazirliyinin rəhbəri, həmçinin İraqın Bəsrə şəhərindən Türkiyə ilə sərhədə qədər 1200 kilometr uzunluğunda yükdaşıma marşrutunun yaradılması və daha sonra Avropaya çıxışı olan yeni nəqliyyat layihəsini xatırladıb.
Nazir qeyd edib ki, müasir Türkiyə daxili logistika və nəqliyyat infrastrukturunun, o cümlədən dəniz limanları və dəmir yollarının inkişafına arxalanır. “Biz 2053-cü ilə qədər yükdaşımaların ümumi həcmində dəmir yollarının payını hazırkı 5 faizdən 20 faizə çatdırmağı planlaşdırırıq”, - deyə Uraloğlu bildirib.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Sabahımıza bu gün sahib çıxaq
26 Iyun
Azərbaycan ailə modelini necə qorumalıyıq?
26 Iyun
Avro-2024: Daha iki yığma 1/8 finala vəsiqə qazanıb
26 Iyun
Fuentə rəqib tanımır
26 Iyun
Prezident İlham Əliyev Milli Qəhrəman Natiq Qasımovla bağlı paylaşım edib
26 Iyun
Spaletti futbolçulara xəbərdarlıq etdi
26 Iyun
"Azarkeşlərə görə məyusam"
26 Iyun
"Ronaldudan qorxmuram"
26 Iyun
SÜRPRİZ
26 Iyun
GDU-da yaz semestr imtahanlarına ictimai baxış olmuşdur
26 Iyun
DİQQƏT ÇƏKƏNLƏR
İlham Əliyevin əməkdaşlıq modeli qlobal platformaya çevrilir21 Iyun 2024
Bakıda “COP29-a Aparan Yol: Dayanıqlı və Davamlı Gələcək” mövzusunda Yüksək Səviyyəli 29-cu Toplant...19 Iyun 2024
Qurtuluş missiyası15 Iyun 2024
Qurtuluşun Zəfər təntənəsi14 Iyun 2024
Qurtuluşdan başlayan yeni neft strategiyası13 Iyun 2024
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!