09 Iyul 2024 15:13
339
DÜNYA
A- A+

Türkiyə Prezidenti: Ankara türk Kiprinin TDT-də tamhüquqlu üzv olmasına çalışır

 

Türkiyə Şimali Kipr Türk Cümhuriyyətini (ŞKTC) Türk Dövlətləri Təşkilatının (TDT) tamhüquqlu üzvü kimi qəbul edir. Digər ölkələrin, xüsusən də Azərbaycanın mövqeyi bizim istəklərimiz ilə böyük ölçüdə üst-üstə düşür.

Bu sözləri Türkiyə Prezidenti Rəcəb Tayyib Ərdoğan NATO-nun Vaşinqtonda keçirilən sammitinə yola düşməzdən əvvəl keçirdiyi brifinqdə deyib.

Prezident Ərdoğan ŞKTC nümayəndə heyətinin də iştirak etdiyi Şuşada keçirilən TDT-nin qeyri-rəsmi Zirvə görüşündə Türkiyənin vitse-prezidenti və xarici işlər nazirinin iştirakına diqqət çəkib. “Türkiyə diqqətini Lefkoşanın Türk Dövlətləri Təşkilatına tamhüquqlu üzvlüyü ilə bağlı qərar üzərində cəmləyib. Biz bu istiqamətdə hər cür səy göstəririk. Türk dövlətləri ilə bu məsələni müzakirə edirik”, -deyə o bildirib.

Türkiyə Prezidentinin sözlərinə görə, Ankara həm də ŞKTC Prezidenti Ersin Tatar ilə TDT-yə üzv olan digər dövlətlərin başçıları arasında dialoqu təşviq etməyə çalışır.

Rəcəb Tayyib Ərdoğan ABŞ-da keçiriləcək NATO sammitindən gözləntilər ilə bağlı deyib: “Ümid edirik ki, müzakirələr nəticəsində Alyans daxilində həmrəylik və birlik ruhunu gücləndirmək üçün konkret qərarlar qəbul ediləcək”.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video