Türkiyə Cüdo Federasiyasının prezidenti: Azərbaycanın Parisdə qazandığı medallar bizi də həvəsləndirir
Azərbaycan idmançılarını Paris Olimpiadasındakı möhtəşəm çıxışı münasibətilə səmimi qəlbdən təbrik edirəm. Dördilliyin ən mötəbər turnirində iki qızıl medal qazanmaq doğrudan da böyük uğurdur. Qardaş ölkə olaraq daim Azərbaycanımızı dəstəkləyir və sizinlə qürur duyduğumuzu bilməyinizi istəyirik.
Bu sözləri AZƏRTAC-a eksklüziv müsahibəsində Türkiyə Cüdo Federasiyasının prezidenti Sezər Huysuz deyib.
Federasiya rəhbəri bildirib ki, Azərbaycanın “Paris-2024”də əldə etdiyi medallar onlara xüsusi motivasiya verir: “Bu, hər zaman belədir. Bizim uğurumuz Azərbaycanı, Azərbaycanın uğuru isə bizləri həvəsləndirir. Olimpiya kəndində azərbaycanlı qardaşlarımızla eyni binada qalırıq. Eyni sevinci, eyni kədəri yaşayırıq. Türk millətinin əldə etdiyi hər qələbə bizim xoşbəxtliyimizə səbəb olur. Türk dünyasının idman aləmində söz sahibi olduğunu görmək bizi qürurlandırır. Cüdo üzrə Özbəkistan, Qazaxıstan və Azərbaycan milli komandalarının hazırda aktivində qızıl medallar var. Türklər hər zaman birlikdə hərəkət etsə, uğurlarımızın sayı daha da artacaq”.
S.Huysuzun sözlərinə görə, Azərbaycan Cüdo Federasiyası (ACF) son 3-4 ildə xeyli inkişaf edib: “Rəşad Nəbiyev prezident, Elnur Məmmədli vitse-prezident təyin olunduqdan sonra ACF-nin uğurlarına tez-tez şahidlik edirik. Rəhbər şəxsləriniz idmançılarla çox yaxşı dioloq qura bilirlər. Bu federasiya ilə əməkdaşlığımız həmişə davam edir. Azərbaycan cüdosunun hazırda gəldiyi səviyyə gözardı edilə bilməz. İldən-ilə artan uğurların səbəbi idman təhsilinə verilən önəm və infrastrukturun güclü olmasıdır”.
Federasiya rəhbəri Türkiyənin cüdo yığmasının Olimpiadadakı çıxışını da dəyərləndirib: “İdmançılarımız hələ ki yüksək nailiyyətlər eldə edə bilməyiblər. Qadın cüdoçumuz Kayra Sayit yarımfinaldadır. Ümid edirik ki, o, mərhələ adlayaraq finaldakı rəqibini məğlub edər və biz də nəhayət ilk medalımıza qovuşarıq. Hazırda istəyimiz budur. Sabah isə komanda yarışları var. Bu yarışlarda da ölkəmizi ən yaxşı şəkildə təmsil edib, Vətənə qayıtmaq istəyirik”.
Qeyd edək ki, hazırda Azərbaycanın aktivində üç medal var. Cüdoçular Hidayət Heydərov (73 kiloqram) və Zelim Kotsoyev (100 kiloqram) Olimpiya çempionu olublar, boksçu Alfonso Dominqes (92 kiloqram) isə yarımfinala vəsiqə qazanmaqla ən azı bürünc mükafatı təmin edib. Bu göstərici ilə Azərbaycan medal sıralamasında hələlik 15-ci sıradadır. Türkiyə isə əldə etdiyi 1 gümüş və 1 bürünc mükafatla 35-ci pillədə yer alır.
Paris Olimpiadasına avqustun 11-də yekun vurulacaq.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Fransa XİN öz vətəndaşlarını İranı tərk etməyə çağırıb
02 Avqust
Pentaqon Yaxın Şərqdəki qüvvələrinin yerini dəyişəcək
02 Avqust
Kamala Harris prezidentliyə namizədlik üçün kifayət səs toplayıb
02 Avqust
Paris-2024: 3x3 basketbol millimiz Çinə qalib gəlib
02 Avqust
“New York Times”da Azərbaycanın COP29-a Sədrliyinə həsr olunmuş məqalə dərc edilib
02 Avqust
Banqladeşdə yenidən tələbə etirazları başlayıb
02 Avqust
"Qarabağ" mövsümə böyükhesablı qələbə ilə başlayıb
02 Avqust
Məhkəmə Gürcüstanın keçmiş prezidenti Mixeil Saakaşvilinin təkrar həbsinə qərar verib
02 Avqust
“Paris-2024”: Azərbaycanın basketbol millisi Çini məğlub edib
02 Avqust
Boksçumuz medalın bir addımlığında mübarizəni dayandırıb
02 Avqust
DİQQƏT ÇƏKƏNLƏR
ÇOX OXUNANLAR
Qarabağ zəfərinin müəllifi Müzəffər Ali Baş Komandan və Azərbaycan Ordusudur 01 Avqust 2024
Qarşılıqlı maraqlara xidmət edən xarici siyasət28 Iyul 2024
Zəfər parkı qəhrəmanlıq simvoludur26 Iyul 2024
Həqiqətə çağırış25 Iyul 2024
Uzaqgörənlik24 Iyul 2024
Azərbaycan iqlim dəyişikliyi ilə mübarizədə qlobal səviyyədə tanınır23 Iyul 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!