Prezident
Səfərlər
Birinci vitse-prezident
Qəbullar
Fərmanlar
Sərəncamlar
Məktublar
Qanunlar
Tədbirlər
Əlaqə
Azərbaycan Respublikası, Bakı ş., Mətbuat pr. 529-cu məhəllə, 4-cü mərtəbə
(+994 12) 539 49 20, 538-31-11
Birgə Bəyannamə səmimi və qarşılıqlı etimada söykənən Azərbaycan Çin münasibətlərini yeni inkişaf müstəvisinə yüksəltdi
Azərbaycanın xarici siyasət kursunda dünyanın nəhənglərindən olan Çinlə əlaqələr hər zaman prioritet təşkil edib. İki dost ölkə arasında daim yüksələn xətlə inkişaf edən ikitərəfli münasibətlər strateji tərəfdaşlıq müstəvisinə yüksəlib.
Tarixi İpək yolunun birləşdirdiyi bu iki ölkə Şanxay Əməkdaşlıq Təşkilatının (ŞƏT) Astanada keçirilən zirvə toplantısı çərçivəsində Birgə Bəyannamə qəbul edərək həm də bununla gələcək əməkdaşlıqlarına geniş imkanlar açıblar.
Astanada Çin Xalq Respublikasının sədri Si Cinpin ilə görüşdə "Ölkələrimiz yaxın tərəfdaşlardır və bu gün qəbul ediləcək bəyannamə Çin Xalq Respublikasını və Azərbaycanı rəsmi olaraq strateji tərəfdaşlara çevirir", - deyə, Prezident İlham Əliyev hesab etdiyini bildirdi ki, bu, böyük nailiyyətdir, həmçinin yüksək məsuliyyətdir. Dövlətimizin başçısı qeyd etdi ki, biz gələcəkdə də fəal qarşılıqlı fəaliyyət göstərmək, ikitərəfli əlaqələri bütün istiqamətlər üzrə möhkəmləndirmək niyyətindəyik.
Qarşılıqlı dəstək
Dünyada etibarlı və güvənilən tərəfdaş kimi tanınan Azərbaycan həyata keçirdiyi düzgün siyasət nəticəsində təkcə Qərb ölkələri ilə deyil, Asiya regionu ilə də uğurla inkişaf edən münasibətlərə malikdir. Xüsusilə də respublikamızın Çinlə yüksəksəviyyəli münasibətləri mövcuddur. İki ölkə liderləri - İlham Əliyev və Si Cinpin arasında olan qarşılıqlı inam və etimada əsaslanan yüksəksəviyyəli dostluq münasibətləri əlaqələrin möhkəmlənməsinə böyük töhfələr verir. Çin liderinin Prezident İlham Əliyevi son prezident seçkilərində qələbə münasibətilə ilk təbrik edən dövlət başçılarından biri olması da bunun bariz göstəricisidir.
İki ölkə lideri arasında keçirilmiş görüşlər də əlaqələrin inkişafında mühüm əhəmiyyət kəsb edib. Astanada keçirilən ŞƏT-in zirvə toplantısı çərçivəsində Prezident İlham Əliyevin Çin lideri Si Cinpin ilə görüşü isə ikitərəfli münasibətlərin strateji tərəfdaşlıq səviyyəsinə yüksəlməsi və əməkdaşlığın yeni inkişaf perspektivlərinin müəyyənləşdirilməsi baxımından çox əhəmiyyətli oldu.
Görüş zamanı Azərbaycan Prezdenti beynəlxalq strukturlarda qarşılıqlı dəstəyi, ikitərəfli səviyyədə qəbul edilən müxtəlif sənədlərdə ölkələrimizin ərazi bütövlüyünün və suverenliyinin dəstəklənməsinin ifadə olunmasını xüsusi vurğuladı.
İki ölkə arasında əmtəə dövriyyəsi 3 milyard dollara çatıb
Azərbaycanla Çin arasında iqtisadi əlaqələrin ürəkaçan olması da görüşdə bəhs olunan məsələlərdən oldu. Artıq iki ölkə arasında əmtəə dövriyyəsi 3 milyard dollara çatıb. Çinin 6 şəhərində isə Azərbaycan 6 ticarət evi açıb.
Azərbaycan "Bir kəmər, bir yol" layihəsini dəstəkləyən və buna qoşulan ilk dövlətlərdən biridir. Astanada keçirilən görüşdə bildirildi ki, nəqliyyat-logistika imkanları, bu sahəyə investisiyalar qoyulması və daim onu təkmilləşdirilməsi sayəsində respublikamız xeyli uğurlar qazanıb. Bu xüsusda Bakı-Tbilisi-Qars dəmir yolu xəttinin ötürücülük imkanlarının 5 milyon tona, Ələt Beynəlxalq Dəniz Ticarət Limanının yükaşırma qabiliyyətinin 15 milyon tondan 25 milyon tona çatdırılması vurğulanıb.
Eləcə də Orta dəhliz çərçivəsində Azərbaycan ilə Çin arasında əməkdaşlığa toxunularaq, bu dəhlizin rəqəmsallaşdırılmasının onun Mərkəzi Asiya ölkələrindən Qərb istiqamətinə, eyni zamanda Qərbdən Çinə və Mərkəzi Asiyaya yüklərin həcminin artmasına müsbət təsir göstərməsi ilə bağlı fikir mübadiləsi aparıldı.
Çinlə təkcə iqtisadi deyil, siyasi əlaqələr də uğurla inkişaf edir. Ölkələrimiz qarşılıqlı olaraq bir-birilərinin suverenliyini dəstəkləyirlər. Sözügedən görüşdə də ekstremizmə və separatizmə qarşı mübarizədə ölkələrimizin mövqelərinin üst-üstə düşdüyü xüsusi vurğulandı. Prezident İlham Əliyev bildirdi ki, Azərbaycan daim "Vahid Çin" siyasətini dəstəkləyir.
Dövlətimizin başçısı Azərbaycanın multilateralizmə - çoxtərəfli diplomatiyaya böyük əhəmiyyət verdiyini vurğulayaraq qeyd etdi ki, Azərbaycan ölkələrin daxili işlərinə qarışmamaq prinsipinin tərəfdarıdır. İkili standartlardan əziyyət çəkmiş ölkəmiz də daxili işlərimizə qarışmaq cəhdlərini qəbul etmir.
Mühüm tarixi-siyasi hadisə
ŞƏT çərçivəsində keçirilən görüşdə Azərbaycan Prezidenti İlham Əliyev və Çin Xalq Respublikasının Sədri Si Cinpin tərəfindən "Azərbaycan Respublikası ilə Çin Xalq Respublikası arasında strateji tərəfdaşlığın qurulması haqqında Birgə Bəyannamə"nin qəbul olunması isə mühüm tarixi-siyasi əhəmiyyətə malik oldu.
Birgə Bəyannaməyə əsasən, tərəflər beynəlxalq və regional vəziyyətin tektonik və mürəkkəb inkişafı fonunda siyasi, iqtisadi və mədəni sahələrdə əməkdaşlığı genişləndirməyə, beynəlxalq məsələlərdə qarşılıqlı fəaliyyəti gücləndirməyə, iki ölkənin ümumi maraqlarını birgə qorumağa, həmçinin regional və qlobal sülh, sabitlik və inkişaf fəaliyyətini birlikdə irəlilətməyə dair razılıq əldə ediblər.
Tərəflər həmçinin ərazi bütövlüyünə və suverenliyə qarşılıqlı hörmət, hücum etməmək, daxili işlərə qarışmamaq, bərabərlik, qarşılıqlı fayda və dinc birgəyaşayışa sadiqliyi təsdiqləyib.
Birgə Bəyannamə ilə Azərbaycan və Çin terrorizm, separatizm və ekstremizmin bütün beynəlxalq ictimaiyyət üçün ciddi təhdidlər yaratdığını və bu çağırışların qarşısını almaq və onlara qarşı mübarizə aparmaq üçün ümumi səylərin birləşdirilməsini tələb etdiyini vurğulayırlar.
Göründüyü kimi, Azərbaycanla Çin arasındakı əlaqələr tarixindəki ən yüksək pilləyə qalxıb. İki ölkə arasında Birgə Bəyannamənin qəbul olunması ilə ölkələrimizin münasibətləri strateji tərəfdaşlıq səviyyəsinə yüksəlib.
Dünyanın iqtisadi və siyasi güc mərkəzlərindən olan Çinlə bu cür səmimi və qarşılıqlı etimada əsaslanan münasibətlərin qurulması Azərbaycanın dünyada böyük nüfuz sahibi olduğunun göstəricisi, Prezident İlham Əliyevin yürütdüyü uğurlu xarici siyasətin əyani təzahürüdür.
Yasəmən MUSAYEVA,
"Azərbaycan"
"Neftçi" yeni baş məşqçisinin gəlişindən nə qazandı?
Mahir Emreli: "Vurduğum qol mənə böyük motivasiya verdi"
Prezident İlham Əliyev “MAN Truck&Bus” şirkətinin baş direktorunu qəbul edib YENİLƏNİB
Səfirlik nümayəndəsi: Azərbaycan və Ermənistan arasında imzalanacaq sülh nəticəsində yeni nəqliyyat dəhlizləri yarana bilər
Azərbaycanla Belçika arasında minatəmizləmə ilə bağlı əməkdaşlıq perspektivləri müzakirə edilib
FHN: Bakı şəhəri və Abşeron rayonunda su basmış ərazilərdən 31 vətəndaş təxliyə edilib
Ötən gün təhvil götürülən silah-sursatın sayı açıqlanıb
Britaniyanın Lordlar palatasının üzvləri Ulu Öndərin məzarını ziyarət ediblər
Azərbaycan neftinin qiyməti artıb
Azərbaycan parlamentində 19 məsələnin müzakirəsinə başlanılıb
Əksər bölgələrdə yağıntılı hava şəraitində fasilə yaranıb
Mask aksiya iştiraçkısına 1 milyon dollarlıq çek verdi
Venesuelada keçmiş sənaye naziri həbs edilib
"Ayaks" bu hücumçunu Bakıya gətirmir - AÇIQLANDI
“Crew Dragon”-un Yerə qayıdışı yenidən təxirə salınıb
Mask ABŞ-nin gələcəyi ilə bağlı proqnoz verdi
Pekində Çin şirkətləri ilə yaşıl enerji əməkdaşlığının genişləndirilməsi müzakirə edilib
Ölkə ərazisində müşahidə olunan faktiki hava
Ağ Evdən açıqlama: BRİKS bizim üçün təhlükə deyil
FHN: Yağış Bakı və Abşeronda fəsadlar yaradıb, 8 vətəndaş təxliyə edilib
DİN: Hava şəraiti ilə əlaqədar xidmətə əlavə qüvvə və naryad qrupları çıxarılıb
Gözlərindəki tiri görməyənlər11 Oktyabr 2024
Tarixi əməkdaşlıq və müttəfiqlik10 Oktyabr 2024
İlham ƏLİYEV: "Artıq status-kvo deyilən məsələ və təmas xətti yoxdur"09 Oktyabr 2024
Milli Məclisdən ABŞ-yə etiraz09 Oktyabr 2024
Moskvada MDB Dövlət Başçıları Şurasının iclası keçirilib Azərbaycan Prezidenti İlham Əliyev tədbirdə iştirak edib YENİLƏNİB-408 Oktyabr 2024
Həqiqətlər və oyunbazlıqlar08 Oktyabr 2024
"Azərbaycan"-ın 1918-1920-ci illərdə dərc olunan nömrələrinin transliterasiyası
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!