05 Dekabr 2023 15:05
247
DÜNYA
A- A+

Son altı ayda Türkiyədə FETÖ-ya qarşı 2839 əməliyyat keçirilib

 

Son altı ayda Türkiyənin daxilinə sızan FETÖ üzvlərinə qarşı 2 839 əməliyyat keçirilib. Nəticədə 4 482 nəfər saxlanılıb. Onlardan 994-ü həbs edilib, 933-ü barəsində isə məhkəmə nəzarəti qərarı verilib.

AZƏRTAC xəbər verir ki, bunu Türkiyənin daxili işlər naziri Ali Yerlikaya son altıaylıq fəaliyyət hesabatını təqdim edərkən deyib.

Terror təşkilatları ilə mübarizə haqqında danışan nazir bildirib ki, bu müddət ərzində İŞİD-ə qarşı isə 728 əməliyyat keçirilib. Bu əməliyyatlar nəticəsində 98 terrorçu zərərsizləşdirilib, 1254 şübhəli saxlanılıb, 317 nəfər həbs edilib. Onlardan 37-si müxtəlif kateqoriyalarda axtarışda olan terrorçulardır.

Türkiyədə həyata keçirilən “NARVAS” xəbərvermə və analiz tətbiqi layihəsi haqqında danışan Yerlikaya deyib ki, təkcə noyabr ayı ərzində 30 böyük şəhərdə narkotik maddələrin qanunsuz dövriyyəsi və istifadəsi ilə bağlı 9675 məlumat daxil olub. Bunların 3 945-i İstanbuldadır. Narkotik cinayətlərə görə 124 nəfər məsuliyyətə cəlb edilib, onlardan 503-ü müxtəlif cinayətlərə görə axtarışda olub.

Qeyri-qanuni miqrasiyaya da toxunan nazir bunun təkcə Türkiyədə deyil, bütün dünyada ən mühüm qlobal problemlərdən biri olduğunu deyib.

Qeyd edilib ki, hazırda Türkiyədə ümumilikdə 4 milyon 613 min 984 miqrant var. Müvəqqəti qoruma altında olan suriyalıların sayı 3 milyon 237 min 585 nəfər, yaşayış icazəsi ilə qalanların sayı 1 milyon 113 min 761 nəfər, beynəlxalq qoruma altında olanların sayı isə 262 min 638 nəfərdir.

Bildirilib ki, hesabat dövründə Türkiyə daxilində immiqrant qaçaqçılığına qarşı 3 801 əməliyyat keçirilib. Bu əməliyyatlar nəticəsində 6 min 108 nəfər saxlanılıb, onlardan 2 min 110 nəfəri həbs edilib.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video