Türkiyə üzrə fəlakət risklərinə qarşı təhlükəsiz və dayanıqlı şəhərlərin yaradılması məqsədilə həyata keçirilən şəhərsalma (kentsel dönüşüm) işləri çərçivəsində 130 min riskli və ehtiyat (rezerv) tikinti sahəsində reallaşdırılan layihələr çərçisində 2 milyon 333 min mənzil yenidənqurma prosesinə cəlb edilib.
AZƏRTAC xəbər verir ki, Türkiyənin Ətraf Mühit, Şəhərsalma və İqlim Dəyişikliyi Nazirliyindən verilən məlumata görə, şəhərsalma dönüşüm layihələri fəlakət riski daşıyan tikililərin təhlükəsiz hala gətirilməsi, can və mal itkilərinin qarşısının alınması, şəhərlərin dayanıqlı, planlı və davamlı bir quruluşa çevrilməsi baxımından kritik əhəmiyyət daşıyır.
Vətəndaşların təhlükəsiz mənzillərdə daha sağlam və davamlı şəhər mühitində yaşamalarını təmin etmək məqsədilə nazirlik 2012-ci ildən indiyədək 130 min riskli və ehtiyat tikinti sahəsində həyata keçirilən layihələrlə 2 milyon 333 min mənzili yenidənqurma prosesinə daxil edib. Bu çərçivədə 2 milyon 84 min mənzilin yenilənməsi tamamlanıb, 249 min mənzildə isə işlər davam edir.
Bundan əlavə, şəhərsalma yenidənqurma layihələri çərçivəsində kirayə yardımı, layihələndirmə, xidmət satınalmaları və faiz dəstəyi üçün ümumilikdə təxminən 112,10 milyard lirə ayrılıb.
Ölkənin Şəhərsalma Yenidənqurma Baş İdarəsinin koordinasiyası ilə həyata keçirilən işlər çərçivəsində İstanbulda da 924 min mənzilin yenilənməsi tamamlanıb, 132 min mənzildə isə işlər davam edir. Xüsusilə yüksək riskli tikili fondunun mövcud olduğu bölgələrdə icra edilən layihələrlə mümkün fəlakətlərə qarşı daha təhlükəsiz və planlı şəhər mühitinin formalaşdırılması hədəflənir.
