15 Iyun 2024 21:36
299
SİYASƏT
A- A+

ŞKTR parlamentinin spikeri Heydər Əliyevin Azərbaycanın xilasında tarixi rolunu vurğulayıb


Heydər Əliyev şəxsiyyəti sayəsində Azərbaycan dövlətçiliyi xilas edildi, möhkəm sabitliyin əsasları və respublikanın gələcək inkişafı üçün zəmin formalaşdı.

AZƏRTAC xəbər verir ki, bu barədə 15 İyun - Azərbaycanın Milli Qurtuluş Günü münasibətilə Şimali Kipr Türk Respublikası (ŞKTR) parlamentinin sədri Zorlu Törenin agentliyə daxil olan təbrikində deyilir.

ŞKTR parlamentinin sədri Azərbaycan xalqının Ümummilli Liderinin kursunun tarixi rolunu və əhəmiyyətini vurğulayıb.

Təbrik mesajında deyilir: “Heydər Əliyev xaos və Azərbaycan əhalisinin rifahının ciddi şəkildə aşağı düşdüyü bir dövrdə hakimiyyət sükanı arxasına qayıtdı. O, çoxsaylı daxili və xarici çağırışlar, təhdidlər qarşısında ağsaqqal müdrikliyi, güclü dövlət xadimi mətanəti göstərdi ki, bu da Azərbaycanı dərin böhran vəziyyətindən çıxarmağa, ölkədə sabitliyi bərpa etməyə imkan verdi”.

ŞKTR parlamentinin sədri vurğulayıb ki, Azərbaycanın yüksəlişinin başlanğıcı, respublikanın siyasi, iqtisadi, mədəni inkişafı Heydər Əliyevin adı ilə bağlıdır.

O qeyd edib ki, Milli Qurtuluş Günü qardaş Azərbaycan xalqı üçün sadəcə növbəti bayram deyil, həm də həyatın bütün sahələrində tarixi dönüş günüdür: “15 İyun dost dövlətin qürur günüdür. Həqiqətən əlamətdar olan bu gündə Azərbaycanın xilaskarı Heydər Əliyevin xatirəsini dərin ehtiramla yad edirəm”.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video