Müqəddəs Taxt-Tacın Dinlərarası Dialoq üzrə Dikasteriyasının prefekti Corc Ceykob Kuvakad və onu müşayiət edən Müqəddəs Taxt-Tacın Dinlərarası Dialoq Dikasteriyasının İslam Bürosunun rəhbəri Ata Laurent Basanese iyunun 16-da İçərişəhərdə yerləşən Tolerantlıq Evini ziyarət ediblər.
AZƏRTAC xəbər verir ki, qonaqlara Tolerantlıq Evi haqqında ətraflı məlumat verilib. Bildirilib ki, bina Azərbaycanın zəngin tolerantlıq ənənələrini əks etdirən eksponatlarla seçilir.
Daha sonra qonaqlar Ümummilli Lider Heydər Əliyevin, Prezident İlham Əliyevin və Birinci vitse-prezident Mehriban Əliyevanın ölkədə dinlərarası dialoq, tolerantlıq və multikultural dəyərlərin təşviqinə göstərdikləri diqqət və qayğını əks etdirən fotoqalereya ilə tanış olublar.
Tolerantlıq Evində nümayiş etdirilən tarixi dini eksponatlara baxış zamanı qonaqlara Azərbaycanın üç ənənəvi dininə aid atributlar, müqəddəs dini kitablar, etnoqrafik eksponatlar, dini liderlərə məxsus təltiflər, şəxsi hədiyyələr, dövlət mükafatları və müxtəlif xarici ölkələrdən hədiyyə olunmuş əşyalar barədə ətraflı məlumat verilib.
Qafqaz Müsəlmanları İdarəsinin (QMİ) sədri şeyxülislam Allahşükür Paşazadə ilə keçirilən görüşdə qonaqlar Azərbaycanda tolerantlıq və dinlərarası harmoniyanın yüksək səviyyədə təmin olunmasını yüksək qiymətləndiriblər.
Şeyxülislam Allahşükür Paşazadə isə bildirib ki, Azərbaycanda tolerantlıq və multikulturalizm siyasətinin əsası Ulu Öndər Heydər Əliyev tərəfindən qoyulub və bu siyasət hazırda Prezident İlham Əliyev tərəfindən uğurla davam etdirilir.
Görüşün sonunda qarşılıqlı hədiyyələr təqdim olunub.
Sonda Müqəddəs Taxt-Tacın Dinlərarası Dialoq üzrə Dikasteriyasının prefekti Corc Ceykob Kuvakad Tolerantlıq Evinin Xatirə kitabına ürək sözlərini yazıb.
677jpg_1781134810.jpg)
