Əlverişsiz hava şəraiti ilə əlaqədar respublika yollarında hərəkətin fasiləsizliyinin təmin olunması üçün görülən işlər açıqlanıb.
Bu barədə Azərbaycan Avtomobil Yolları Dövlət Agentliyinin (AAYDA) məlumat yayıb.
• Qax-Zaqatala, Şəki-Qax, Qax-İlisu avtomobil yollarında, həmçinin Qax şəhəhərinin giriş yolunda qarın yolun hərəkət hissəsindən təmizlənməsi tədbirləri davam etdirilir,
• Qəbələ-Laza avtomobil yolunda qarın yolun hərəkət hissəsindən təmizlənməsi işləri aparılır,
• Bakı-Şamaxı-Yevlax avtomobil yolunda, həmçinin ərazi üzrə yerli əhəmiyyətli avtomobil yollarında körpülərin üzərində buzlaşma qeydə alınıb. Agentlik tərəfindən körpülərin üzərində buzlaşmaya qarşı tədbirlər görülür,
• Quba-Qusar və Qusar-Şahdağ avtomobil yollarında qarın yolun hərəkət hissəsindən təmizlənməsi, buzlaşmaya qarşı tədbirlər davam etdirilir,
• Respublika əhəmiyyətli Muğanlı-İsmayıllı avtomobil yolunda qarın yolun hərəkət hissəsindən təmizlənməsi, buzlaşmaya qarşı tədbirlər davam etdirilir. Həmçinin ərazi üzrə yerli əhəmiyyətli Lahıc-Burovdal avtomobil yolunda qarın və qaya parçalarının yolun hərəkət hissəsindən təmizlənməsi, buzlaşmaya qarşı tədbirlər aparılır,
• Xızı-Altıağac avtomobil yolunda hərəkətin təhlükəsizliyi və fasiləsizliyi təmin edilməsi üçün qarın yolun hərəkət hissəsindən təmizlənməsi işləri aparılır,
• “Zəfər Yolu” (Əhmədbəyli-Füzuli-Şuşa) avtomobil yolunda qarın yolun hərəkət hissəsindən təmizlənməsi, buzlaşmaya qarşı tədbirlər aparılıb,
• Ötən gün gecə saatlarında güclü külək nəticəsində ağac aşaraq Lənkəran-Lerik avtomobil yolunda hərəkətdə məhdudiyyətlərə səbəb olub. Dərhal əraziyə Azərbaycan Avtomobil Yolları Dövlət Agentliyinin xüsusi texnikası və canlı qüvvəsi cəlb olunub. Qısa müddət ərzində ağac yolun hərəkət hissəsindən kənarlaşdırılaraq yol boyu hərəkət bərpa olunub,
• Quba-Qəçreş avtomobil yolunda qarın yolun hərəkət hissəsindən təmizlənməsi, buzlaşmaya qarşı tədbirlər davam etdirilir,
• Respublika əhəmiyyətli Gəncə-Kəlbəcər avtomobil yolunda qarın yolun hərəkət hissəsindən təmizlənməsi, buzlaşmaya qarşı tədbirlər aparılıb,
• Respublika əhəmiyyətli Şəmkir-Gədəbəy avtomobil yolunda qarın yolun hərəkət hissəsindən təmizlənməsi, buzlaşmaya qarşı tədbirlər aparılır,
• Qəbələ-Laza və Qəbələ-Durca avtomobil yollarında qarın yolun hərəkət hissəsindən təmizlənməsi istiqamətində tədbirlər davam etdirilir.
Qeyd olunan yollar üzrə hərəkətin təhlükəsizliyi və fasiləsizliyi təmin edilib.
