14 Iyun 2024 23:57
1183
Mədəniyyət
A- A+

Gəncədə Mir Cəlal irsinə həsr edilmiş ədəbi-bədii tədbir keçirilib

 

XX əsr Azərbaycan ədəbiyyatının görkəmli nümayəndələrindən biri, “kiçik hekayənin böyük ustası” kimi tanınan Mir Cəlal yazıçının Gəncədəki ev-muzeyində anılıb.

AZƏRTAC xəbər verir ki, tədbirə toplaşan ədəbiyyatsevərlər, o cümlədən Mədəniyyət Nazirliyinin Gəncə-Daşkəsən regional idarəsinin rəsmiləri, Azərbaycan Yazıçılar Birliyinin Gəncə bölməsinin üzvləri, Gəncə şəhərində yerləşən mədəniyyət və ali təhsil ocaqlarının nümayəndələri “Azərbaycan ədəbiyyatında hekayəçilik janrı” mövzusunda fikir mübadiləsi apararaq bu ədəbi istiqamətin yaranma və inkişaf tarixinə nəzər salıb, Əbdürrəhim bəy Haqverdiyev, Cəlil Məmmədquluzadə kimi ədiblərin məktəbinin davamçısı olan Mir Cəlalın hekayəçilikdəki özünəməxsus irsini xatırlayıblar. Bildirilib ki, üzərindən uzun illər keçməsinə baxmayaraq yazıçının qələmə aldığı mövzular və obrazlar, bu gün də aktuallığını itirmir - hekayələrdə aşılanan insanlıq fəlsəfəsi, mütərəqqi ideyalar, azərbaycanlı kimliyinə məxsus bəşəri dəyərlər ədəbi qızıl fondumuzdan həyatımıza işıq salır.

Tədbirdə çıxış edən “Ədibin Evi” Ədəbiyyata Dəstək Fondunun direktoru Şəfəq Mehrəliyeva Mir Cəlalın hekayəçilik irsini davam etmək məqsədi daşıyan ənənəvi hekayə müsabiqəsi barədə məlumat verib. O, qeyd edib ki, 2017-ci ildən bəri keçirilən müsabiqədə Azərbaycanın qərb bölgəsindən kifayət sayda müəllif iştirak edib. Qələmi ilə seçilən Gəncə müəlliflərdən Ümbülbanu Hacıyevanın “Sükutun harayı” hekayəsi Mir Cəlal adına 3-cü hekayə müsabiqəsinin seçilmiş hekayələr toplusunda yer alıb.

“Gəncənin səsi” qəzetinin baş redaktoru, tanınmış jurnalist Mir Cəlalın tələbəsi olmuş Rəfiqə Sadıqova müəllimini tək görkəmli yazıçı, alim və pedaqoq deyil, həm də yüksək insani keyfiyyətlərə məxsus şəxsiyyət kimi təsvir edib, onun barəsində xatirələrini bölüşüb.

Tədbirdə Gəncə şəhər Uşaq İncəsənət Məktəbinin müəllim və şagirdləri Azərbaycan bəstəkar mahnılarından ibarət konsert proqramı ilə çıxış ediblər.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video