2022-2023-cü illər arasında ardıcıl olaraq Malidən, Burkina Fasodan və Nigerdən qovulduqdan, 2024-cü ilin noyabr ayında Seneqalı və Çadı da tərk etmək tələb olunduqdan sonra fransız ordusu Fil Dişi Sahilindəki hərbi qüvvələrini kəskin şəkildə azaldır. Kot d'İvuar (Abidjan şəhərinin ətrafı) Fransa hərbi bazası yanvarın sonuna qədər Fil Dişi Sahilinə təhvil veriləcək. Fransız və Fil Dişi Sahili hakimiyyəti tərəfindən uzun müddət planlaşdırılan bu məsələ barədə məlumat prezident Alassane Uattaranın çıxışı zamanı rəsmiləşdirilib.
AZƏRTAC xəbər verir ki, Kot d'İvuar 43-cü dəniz piyada batalyonunun (BIMA) düşərgəsində fransız hərbiçilərin sayının azaldılması və iki ordu arasında vəzifələrin ötürülməsi Afrikada fransız hərbi sisteminin yeni mərhələsini əks edir.
Mali, Burkina Faso və Niger presedentlərindən, eləcə də Seneqalın və Çadın fransız əsgərlərini sürpriz şəkildə qovmaq qərarından fərqli olaraq, Abicandakı fransız hərbi bazasının Fil Dişi Sahili ordusuna təhvil verilməsinin hər iki ölkənin birgə qərarı olduğu bildirilir.
Fransa diplomatik mənbəsinə görə isə bu, Fransa ilə Fil Dişi Sahili arasında tərəfdaşlığın yenilənməsinə işarə edən tarixi təşəbbüsdür. Fransız qüvvələrinin bu razılaşdırılmış və mütəşəkkil çıxarılması, həmçinin Kot d'İvuar düşərgəsinin təhvil verilməsi bir il yarım ərzində birgə aparılan dialoq və iş prosesinin bir hissəsidir. Yenə həmin mənbəyə görə Fil Dişi Sahili bu bölgədə Fransanın güclü müttəfiqi olaraq qalacaq və Fransa ordusu ölkəni tərk etməyəcək. Onun mövcudluğu sadəcə olaraq daha təmkinli olmalıdır.
Yanvar ayının sonunda Fransa və Fil Dişi Sahili müdafiə ilə mərasim keçiriləcəyi və bu mərasim zamanı düşərgənin üstündə dalğalanan Fransa və Fil Dişi bayraqları endiriləcək və yalnız Fil Dişi bayrağının qaldırılacağı qeyd edilir. Düşərgənin adının dəyişdirilərək Fil Dişi ordusunun ilk qərargah rəisi general Tomas d’Akən Uattaranın adını daşıyacağı bildirilir.
Fil Dişi Sahilində bu mövzu daha həssasdır, çünki Fransa ordusu keçmişdə ölkənin keçdiyi siyasi-hərbi böhranlara müdaxilə edib. 2004-cü ildə fransız əsgərləri Abicanda iştiraklarına etiraz edən nümayişçilərə atəş açaraq bir neçə nəfəri öldürüb. 2010-2011-ci illərdəki seçkidən sonrakı böhran zamanı isə onlar Alassane Ouattaranın mübahisəli şəkildə hakimiyyətə gəlməsində həlledici rol oynamaqda günahlandırıldılar.
