Cənubi Koreya Prezidenti Li Çje Myon ABŞ Prezidenti ilə Şimali Koreya rəhbəri arasında görüş keçirməyi təklif edib. Li hesab edir ki, bu, Trampın APEC forumunda iştirak etmək üçün Cənubi Koreyaya səfəri zamanı baş verə bilər.
ABŞ Prezidenti Donald Tramp Şimali Koreyanın rəhbəri Kim Çen Inla şəxsi görüş keçirməyin əleyhinə deyil. Bu, Trampın özünün Vaşinqtonda Cənubi Koreya Prezidenti Li Çje Myonla sammiti zamanı verdiyi bəyanatdan irəli gəlir.
Linin Tramp və Kim arasında görüş təşkil etməyi təklif etdiyi bildirilir. Cənubi Koreya liderinin dediyinə görə, bu, oktyabr ayında Donald Trampın iştirakı ilə ölkəsində keçirilən Asiya-Sakit Okean İqtisadi Əməkdaşlıq Təşkilatının (APEC) forumu zamanı baş verə bilər. “Reuters” agentliyi bu təklifə cavab olaraq Ağ Ev rəhbərinin dediyini sitat gətirir: "Mən bu il onunla görüşməkdən məmnun olardım".
Donald Tramp ilk prezidentliyi dövründə Kim Çen In ilə üç dəfə görüşüb. Ağ Ev rəhbərinin avqustun 25-də dediyi kimi, o, Şimali Koreya liderini yaxşı tanıyır. “Bacısı istisna olmaqla, demək olar ki, hamıdan yaxşı. Onu görməyə məmnun olaram. O, mənimlə çox mehriban idi", - AFP agentliyi ABŞ Prezidentinin sözlərindən sitat gətirib.
“Reuters”in jurnalistlərinin bildirdiyinə görə, Li Çje Myon Cənubi Koreya dövlətinin başçısı kimi vəzifəyə başladıqdan sonra Ağ Evə ilk səfəri zamanı “açıqcasına yaxşı atmosfer yaratmağa çalışıb”. Belə ki, o, Trampa Vaşinqtona səfərindən əvvəl xüsusi olaraq “Sövdələşmə sənəti” kitabını oxuduğunu və ümid etdiyini bildirib ki, Tramp “Koreya yarımadasına sülh gətirə” və beləliklə, Amerika prezidentinin özü və Kim Çen In görüş keçirmək və özünün qolf oynaması üçün “Şimali Koreyada Tramp Dünyası Kompleksi “Tramp Dünya Kompleksi” (yəqin ki, Manhettend “Trump World Сomplex” yaşayış göydələninə bənzəyən) inşa edə bilsin. Tramp öz növbəsində Cənubi Koreyada 28 min 500 amerikalı əsgərin yerləşdiyi ABŞ hərbi bazasının ərazisinin icarəsindən qurtulmaq və həmin torpaqları almaq istədiyini qeyd edib.
Bundan əvvəl ABŞ Prezidenti özünün “Truth Social” sosial şəbəkəsində yazıb ki, Cənubi Koreyada baş verənlər indi ona “siyasi təmizləmə və ya inqilab”ı xatırladır və belə şəraitdə ABŞ orada heç nə edə bilməz.
Rizvan CƏFƏROV,
“Azərbaycan”
