Bahar Muradova: Təzyiqə məruz qalan şəxslərin sosial şəbəkədə görüntüləri paylaşılarkən onların gələcək taleyi düşünülmür
Azyaşlılar, həmçinin sosial psixoloji xarakterli təzyiqə məruz qalan insanlar ilə bağlı bu və ya digər hüquqazidd əməl törədildikdə həmin məlumatların mediada yayımlanması zamanı mətbuat nümayəndələri qanunun tələblərinə əməl etməlidirlər. Cəmiyyətin sürətli inkişafı ilə əlaqədar yeni texnologiyaların meydana gəlməsi nəticəsində rəsmi media qurumlarından fərqli olaraq, sosial şəbəkə istifadəçiləri bu məsələyə fərqli prizmadan yanaşır. Sosial şəbəkələrdən istifadə edənlər digərləri ilə müqayisədə daha üstün mövqeyə sahibdirlər. Belə ki, onlar istədikləri informasiyanı paylaşmaqda sərbəstdirlər. Çünki sosial şəbəkələrin fəaliyyəti qanunla tənzimlənmir.
Bu gün Azərbaycanda demək olar hər kəs sosial şəbəkə istifadəçisidir. Sosial şəbəkələrdə informasiya paylaşarkən heç bir mənəvi meyarlara əməl etməyən şəxslər məhz bu qarışıqlığın yaranmasına səbəb olurlar. Onlar təzyiqə məruz qalan azyaşlıların, eləcə də digər yaş kateqoriyasından olan şəxslərin fotolarını və ya videolarını paylaşarkən həmin şəxslərin gələcək taleyini düşünmürlər.
Bu sözləri AZƏRTAC-a məxsusi açıqlamasında Ailə, Qadın və Uşaq Problemləri üzrə Dövlət Komitəsinin sədri Bahar Muradova söyləyib.
Komitə sədri sosial şəbəkə istifadəçilərinin də məsuliyyəti dərindən anlayaraq hər kəsin şəxsi həyatına dair məsələləri açıq şəkildə paylaşmaqdan çəkinməyi tövsiyə edib. B.Muradova qeyd edib ki, onlar adətən bu və ya digər hadisələrin başvermə səbəblərini və nəticələrini qiymətləndirməyə çalışırlar
Həmin istifadəçilərin bir qismi ictimai qınaq prosesində iştirak edir, yaxud istənilən mövzuya münasibət bildirməyə haqlarının olduğunu düşünür. Ancaq heç kəs unutmamalıdır ki, təzyiqə məruz qalan şəxslərin özləri də məlumatlarının paylaşılmasına etiraz etmək hüququna malikdirlər.
“Eyni zamanda, baş vermiş hadisədə cinayət əməli varsa, cinayət törətməkdə şübhəli bilinən şəxsin məlumatlarının yayılmasında da müəyyən meyarlar gözlənilməlidir. Xüsusilə də şiddətə məruz qalmış şəxslərin görüntüləri açıq şəkildə paylaşılmamalıdır. Bu kontekstdə sosial şəbəkə istifadəçiləri də qaydalara əməl etməlidirlər. Onlar nəzərə almalıdırlar ki, şiddətə və ya hər hansı təzyiqə məruz qalan insanlar gələcək həyatlarına davam etməlidirlər. Çünki onların hər birinin işlədiyi, oxuduğu, təhsil aldığı, yaşadığı məkanlar var və cəmiyyət arasında nüfuzlarına zərər gələ bilər. Bundan əlavə, məlumatlarının açıq şəkildə paylaşıldığını görən insanların psixoloji vəziyyətində ağırlaşma halları da müşahidə edilir. Həm media mənsubları, həm də sosial şəbəkə istifadəçiləri bu və ya digər məsələyə münasibət bildirərkən özlərini başqalarının yerinə qoymağı bacarmalı, insanların gələcək həyatını çətinləşdirməməlidirlər. Çünki hər hansı bir işi görərkən mütləq onun məsuliyyətini anlayaraq hərəkət etmək lazımdır”, - deyə B.Muradova vurğulayıb.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Türkiyə telekanalı: Xankəndi inkişafının yeni səhifəsinə hazırlaşır
27 Iyul
Mərkəzi Seçki Komissiyasının növbəti iclası keçirilib
27 Iyul
İstanbulda PKK-nın 13 tərəfdarı saxlanılıb
27 Iyul
İranın yeni seçilən prezidenti sabah and içəcək
27 Iyul
Mask Olimpiadanın açılış mərasimini xristianlara qarşı hörmətsizlik adlandırıb
27 Iyul
Viktor Orban: Avropa sülh siyasətini qəbul etməlidir
27 Iyul
Olimpiadada jurnalistləri daşıyan avtobus qəzaya düşüb
27 Iyul
AKAF-ın baş katibi: Parisdə yaxşı nəticə göstərəcəyimizə inanıram
27 Iyul
Paris-2024-də ilk medalçılar bəlli olub
27 Iyul
Paris-2024: Azərbaycanın daha bir cüdoçusu mübarizəni dayandırıb
27 Iyul
DİQQƏT ÇƏKƏNLƏR
ÇOX OXUNANLAR
Həqiqətə çağırış25 Iyul 2024
Uzaqgörənlik24 Iyul 2024
Azərbaycan iqlim dəyişikliyi ilə mübarizədə qlobal səviyyədə tanınır23 Iyul 2024
Azərbaycan Qlobal Cənubla Qlobal Şimal arasında təmasları gücləndirir YENİLƏNİB - 2 VİDEO...21 Iyul 2024
Avropanın Azərbaycana ehtiyacı artır20 Iyul 2024
Bütün yollar Qarabağa aparır18 Iyul 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!