Azərbaycan və Türkiyənin ombudsmanları ŞKTR parlamentində olublar
Azərbaycan Respublikasının insan hüquqları üzrə müvəkkili (ombudsman) Səbinə Əliyeva və Türkiyə Respublikasının baş ombudsmanı Şeref Malkoç Lefkoşaya səfərləri çərçivəsində Şimali Kipr Türk Respublikasının (ŞKTR) parlamentində olublar.
AZƏRTAC xəbər verir ki, iki qardaş ölkənin ombudsmanları ŞKTR parlamentinin spikeri Zorlu Töre ilə görüşüblər. Görüşdə ŞKTR ombudsmanı İlkan Varol da iştirak edib.
Qonaqları salamlayan Zorlu Töre üç qardaş ölkə arasında əlaqələrin bundan sonra da yüksələn xətlə inkişaf edəcəyinə əminliyini ifadə edib.
“Ölkələrimizin sakinləri vahid tarixi irsin varisləridir. Biz hamımız türkük, bununla fəxr edirik. Dövlətlərimizin maraqlarını qorumaq üçün ümumi səyləri davam etdirmək vacibdir”, - deyə Z.Töre bildirib.
ŞKTR ali qanunverici orqanının spikeri türk dövlətlərinin və xalqlarının yaxınlaşmasında Türk Dövlətləri Təşkilatının roluna diqqət çəkib.
Türkiyənin baş ombudsmanı Şeref Malkoç, öz növbəsində, ŞKTR xalqının on illərdir mübarizə apardığı ədalətsizliyi aradan qaldırmaq üçün türk dövlətlərinin səylərinin birləşdirilməsinin vacibliyini vurğulayıb. “Həmrəylik və informasiya mübadiləsinin yaradılması ombudsman təsisatlarının fəaliyyətinin mühüm prioritetləridir. Bütün bunlar ŞKTR-in bütün problemlərinin həlli gününü yaxınlaşdıracaq”, - deyə Ş.Malkoç bildirib.
Azərbaycanın insan hüquqları üzrə müvəkkili Səbinə Əliyeva uzun illər Ermənistanın işğalı altında olan ərazilərin azad edilməsi ilə əlamətdar olan Vətən müharibəsi zamanı Türkiyənin ölkəmizə göstərdiyi dəstəyi yüksək qiymətləndirib.
Səbinə Əliyeva Azərbaycanın Ombudsman təsisatı tərəfindən ermənilərin işğal dövründə törətdikləri cinayətlər mövzusunda hazırlanmış və respublikamızın itkin düşmüş sakinləri ilə bağlı məlumatları əks etdirən sənədi ŞKTR parlamentinin sədrinə təqdim edib.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Turizmin əhəmiyyəti
27 Iyul
Qəbələdə turizm infrastrukturu genişlənir
27 Iyul
Azərbaycan qazının Türkiyəyə tədarükü avqust ayında müvəqqəti dayandırılacaq
27 Iyul
Səfir: Azərbaycanla Niderland su problemlərinin idarə edilməsi mövzusunda bənzər sistemlərə malikdir...
27 Iyul
BMT nümayəndəsi: Azərbaycan beynəlxalq səviyyədə Vahid Sağlamlıq yanaşmasının tətbiqi sahəsində gücl...
27 Iyul
Sülh sazişini imzalamağın vaxtı çatıb
27 Iyul
Azərbaycan Respublikası Maliyyə Monitorinqi Xidmətinin informasiya sisteminə inteqrasiya edilən info...
27 Iyul
Bərpaolunan enerji mənbələrindən istifadə sahəsində layihələrin həyata keçirilməsinə dair Komissiyan...
27 Iyul
Ertuğruloğlu: Azərbaycan, Türkiyə və ŞKTC bir-birilərini dəstəkləməli, ümumi maraqları müdafiə etməl...
27 Iyul
"Azərbaycan Respublikası Hökuməti il ə Türkiyə Respublikası Hökuməti arasında miqrasiya sahəsində əm...
27 Iyul
DİQQƏT ÇƏKƏNLƏR
ÇOX OXUNANLAR
Həqiqətə çağırış25 Iyul 2024
![](/uploads/img/posts/2024/07/25/Clip_23jpg-1721862946.jpg)
Uzaqgörənlik24 Iyul 2024
![](/uploads/img/posts/2024/07/24/1 copyjpg-1721771921.jpg)
Azərbaycan iqlim dəyişikliyi ilə mübarizədə qlobal səviyyədə tanınır23 Iyul 2024
![](/uploads/img/posts/2024/07/23/Clip_2jpg-1721686526.jpg)
Azərbaycan Qlobal Cənubla Qlobal Şimal arasında təmasları gücləndirir YENİLƏNİB - 2 VİDEO...21 Iyul 2024
![](/uploads/img/posts/2024/07/20/1721480194305007127_1200x630jpg-1721495783.jpg)
Avropanın Azərbaycana ehtiyacı artır20 Iyul 2024
![](/uploads/img/posts/2024/07/20/Clipjpg-1721423683jpg-1721453251.jpg)
Bütün yollar Qarabağa aparır18 Iyul 2024
![](/uploads/img/posts/2024/07/18/Clip_8jpg-1721248442.jpg)
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!