Azərbaycan Respublikası Prezidentinin Fərmanı

Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq,"Azərbaycan Respublikasının Vergi Məcəlləsində dəyişiklik edilməsi haqqında" Azərbaycan Respublikasının 2024-cü il 16 dekabr tarixli 98-VIIQD nömrəli Qanununun icrası ilə əlaqədar qərara alıram:

1. "Fiziki şəxs olan istehlakçılar tərəfindən Azərbaycan Respublikasının ərazisində pərakəndə ticarət, ictimai iaşə və tibb fəaliyyəti göstərən, o cümlədən özəl tibbi praktika ilə məşğul olan şəxslərdən alınmış mallara (neft və qaz məhsulları, avtomobillər, alkoqollu içkilər və tütün məmulatları istisna olmaqla) və xidmətlərə, eləcə də işğaldan azad edilmiş ərazilər daxilində yerləşmə vasitələri hesab edilən mehmanxanalar (hotellər) tərəfindən göstərilən gecələmə və qalma xidmətlərinə görə ödənilmiş ƏDV-nin qaytarılması Qaydası"nın təsdiq edilməsi haqqında" Azərbaycan Respublikası Prezidentinin 2020-ci il 21 mart tarixli 969 nömrəli Fərmanında (Azərbaycan Respublikasının Qanunvericilik Toplusu, 2020, № 3, maddə 245 (Cild I) aşağıdakı dəyişikliklər edilsin:

1.1.adına, 1-ci hissəyə və 2.3-cü bəndə "iaşə" sözündən sonra ", teatr tamaşaları, film nümayişi, muzey ziyarəti və simfonik orkestrin konserti sahəsində fəaliyyət" sözləri əlavə edilsin;

1.2. həmin Fərmanla təsdiq edilmiş "Fiziki şəxs olan istehlakçılar tərəfindən Azərbaycan Respublikasının ərazisində pərakəndə ticarət, ictimai iaşə və tibb fəaliyyəti göstərən, o cümlədən özəl tibbi praktika ilə məşğul olan şəxslərdən alınmış mallara (neft və qaz məhsulları, avtomobillər, alkoqollu içkilər və tütün məmulatları istisna olmaqla) və xidmətlərə, eləcə də işğaldan azad edilmiş ərazilər daxilində yerləşmə vasitələri hesab edilən mehmanxanalar (hotellər) tərəfindən göstərilən gecələmə və qalma xidmətlərinə görə ödənilmiş ƏDV-nin qaytarılması Qaydası" üzrə:

1.2.1. adına, 1.1-ci bəndə, 2.0.1-ci, 2.0.7-ci və 4.2.2-ci yarımbəndlərə "iaşə" sözündən sonra ",teatr tamaşaları, film nümayişi, muzey ziyarəti və simfonik orkestrin konserti sahəsində fəaliyyət" sözləri əlavə edilsin;

1.2.2. 5.6-cı bəndə "təşkil edir" sözlərindən əvvəl ", teatr tamaşaları, film nümayişi, muzey ziyarəti və simfonik orkestrin konserti sahəsində göstərilən xidmətlərə görə isə yalnız nağdsız qaydada ödənilmiş ƏDV-nin 50 faizini" sözləri əlavə edilsin və həmin bənddən "isə" sözü çıxarılsın. 

2. "Əcnəbilər və vətəndaşlığı olmayan şəxslər tərəfindən Azərbaycan Respublikasının ərazisində alınmış istehsal, yaxud kommersiya məqsədləri üçün nəzərdə tutulmayan mallara görə ödənilmiş əlavə dəyər vergisinin qaytarılması Qaydası"nın təsdiq edilməsi haqqında" Azərbaycan Respublikası Prezidentinin 2016-cı il 12 iyul tarixli 985 nömrəli Fərmanında (Azərbaycan Respublikasının Qanunvericilik Toplusu, 2016, № 7, maddə 1256 (Cild I); 2024, № 4, maddə 393, № 5 (I kitab), maddə 529, № 6, maddə 647) aşağıdakı dəyişikliklər edilsin:

2.1.  adına, 1-ci hissəyə və 4.3-cü bəndə "mallara" sözündən sonra ", habelə tibb müəssisələri və özəl tibbi praktika ilə məşğul olan fiziki şəxslər tərəfindən əcnəbilərə və vətəndaşlığı olmayan şəxslərə göstərilən tibbi xidmətlərə" sözləri əlavə edilsin;

2.2. 7.1-ci bəndə "yoxlanılmasının" sözündən sonra ", tibbi xidmətlər göstərilməsinin" sözləri əlavə edilsin;

2.3. həmin Fərmanla təsdiq edilmiş "Əcnəbilər və vətəndaşlığı olmayan şəxslər tərəfindən Azərbaycan Respublikasının ərazisində alınmış istehsal, yaxud kommersiya məqsədləri üçün nəzərdə tutulmayan mallara görə ödənilmiş əlavə dəyər vergisinin qaytarılması Qaydası" üzrə:

2.3.1. adına "mallara" sözündən sonra ", habelə tibb müəssisələri və özəl tibbi praktika ilə məşğul olan fiziki şəxslər tərəfindən əcnəbilərə və vətəndaşlığı olmayan şəxslərə göstərilən tibbi xidmətlərə" sözləri əlavə edilsin;

2.3.2. 1-ci hissə üzrə:

2.3.2.1. 1.1-ci bənd aşağıdakı redaksiyada verilsin:

"1.1. Bu Qayda Azərbaycan Respublikası Vergi Məcəlləsinin 165.3-cü maddəsinə uyğun olaraq, əcnəbilər və vətəndaşlığı olmayan şəxslər tərəfindən istehsal, yaxud kommersiya məqsədləri üçün nəzərdə tutulmayan mallara, habelə tibb müəssisələri və özəl tibbi praktika ilə məşğul olan fiziki şəxslər tərəfindən onlara göstərilən tibbi xidmətlərə görə ödənilmiş əlavə dəyər vergisinin (bundan sonra - ƏDV) həmin mallar gömrük qanunvericiliyinə uyğun olaraq Azərbaycan Respublikasının ərazisindən hava və su nəqliyyatı vasitəsilə aparılarkən və əcnəbilər və vətəndaşlığı olmayan şəxslər Azərbaycan Respublikasının ərazisini hava və su nəqliyyatı vasitəsilə tərk edərkən geri qaytarılması qaydasını tənzimləyir.";

2.3.2.2.  1.2-ci bəndə aşağıdakı məzmunda ikinci cümlə əlavə edilsin:

"Tibb müəssisələri və özəl tibbi praktika ilə məşğul olan fiziki şəxslər tərəfindən əcnəbilərə və vətəndaşlığı olmayan şəxslərə göstərilən tibbi xidmətlərə isə həmin şəxslər tibbi xidmətlərin göstərilməsi tarixindən 90 gün müddətində ölkə ərazisini tərk etdikləri halda şamil edilir və müvafiq xidmətlərə görə ödənilmiş ƏDV yalnız nağdsız ödənişlər üzrə qaytarılır.";

2.3.2.3.  1.4-cü bəndə "malların" sözündən sonra ", tibbi xidmətlərin" sözləri əlavə edilsin;

2.3.3. 2-ci hissə üzrə:

2.3.3.1.  2.0.1-ci yarımbəndə "malları" sözündən sonra ", habelə tibb müəssisələri və özəl tibbi praktika ilə məşğul olan fiziki şəxslər tərəfindən göstərilən tibbi xidmətləri" sözləri əlavə edilsin;

2.3.3.2. 2.0.2-ci yarımbəndə "keçirmək" sözündən sonra "və ya tibbi xidmətlər göstərmək" sözləri əlavə edilsin;

2.3.4. 3-cü hissə üzrə:

2.3.4.1.  3.2.2-ci və 3.2.3-cü yarımbəndlərə "ticarət" sözündən sonra "və ya tibb" sözləri əlavə edilsin;

2.3.4.2. 3.10-cu bəndə "satışının" sözündən sonra "və ya tibbi xidmətlər göstərilməsinin" sözləri əlavə edilsin;

2.3.5.  4.2.2-ci yarımbəndin 1-ci abzasına "mallar" sözündən sonra "və göstərilmiş tibbi xidmətlər" sözləri əlavə edilsin;

2.3.6. 5-ci hissə üzrə:

2.3.6.1. 5.1-ci bəndə "malların" sözündən sonra "və ya göstərilmiş tibbi xidmətlərin" sözləri əlavə edilsin;

2.3.6.2. aşağıdakı məzmunda 5.2.6-1-ci yarımbənd əlavə edilsin:

"5.2.6-1. göstərilmiş tibbi xidmətin adı, qiyməti və həmin qiymətin tərkibindəki ödənilmiş ƏDV-nin məbləği və ödənişin forması (nağd və ya nağdsız);";

2.3.6.3. 5.2.7-ci yarımbəndə "mala" sözündən sonra "və ya göstərilmiş tibbi xidmətə" sözləri əlavə edilsin;

2.3.6.4. 5.2.8-ci yarımbəndə "rekvizitləri" sözündən sonra ", etibarlılıq (istifadə) müddəti" sözləri əlavə edilsin;

2.3.7. 6-cı hissə üzrə:

2.3.7.1. 6.1-ci bəndin birinci abzasına "mallar" sözündən sonra "və ya alıcı Azərbaycan Respublikasının ərazisini tərk etdikdə ona göstərilmiş tibbi xidmətlər" sözləri əlavə edilsin;

2.3.7.2. 6.1.1-ci yarımbəndə "mallara" sözündən sonra "və göstərilmiş tibbi xidmətlərə" sözləri əlavə edilsin;

2.3.7.3. 6.1.3-cü yarımbəndin üçüncü cümləsinə "mallarla" sözündən sonra "və göstərilmiş tibbi xidmətlərlə" sözləri əlavə edilsin;

2.3.7.4. 6.2-ci bəndin dördüncü cümləsinə "mövcudluğu" sözündən sonra ", müvafiq tibbi xidmətlərin təqdim edilib-edilməməsi" sözləri əlavə edilsin.

3. Azərbaycan Respublikasının Dövlət Gömrük Komitəsi bu Fərmanın 2-ci hissəsindən irəli gələn məsələləri həll etsin.

4. Bu Fərmanın 1-ci hissəsi 2025-ci il iyulun 1-dən qüvvəyə minir.

5. Bu Fərmanın 2-ci hissəsi  2025-ci il yanvarın 1-dən qüvvəyə minir.

İlham ƏLİYEV,  

Azərbaycan Respublikasının Prezidenti 

Bakı şəhəri, 7 yanvar 2025-ci il