Azərbaycan əsla güzəştə getməyəcək
Erməni lobbisinin təsiri ilə Avropa Parlamenti, AŞPA və digər qurumlar ölkəmizə qarşı yeni bədnam kampaniyaya başlayıblar
Azərbaycan torpaqlarının 30 ilə yaxın işğal altında qalmasının əsas səbəblərindən biri də bəzi beynəlxalq təşkilatların problemə ədalətsiz yanaşması, ikili standartlardan çıxış etməsi idi. İki gün əvvəl Alman İqtisadiyyatının Şərq Komitəsinin sədri Mixael Harmsın rəhbərlik etdiyi nümayəndə heyətini qəbul edən Prezident İlham Əliyev bir daha buna diqqət çəkərək ikili standartların bir sıra beynəlxalq institutlar, o cümlədən Avropa İttifaqı üçün adi hala çevrildiyini bildirdi.
Xüsusilə torpaqlarımızda erməni separatizminə son qoyulmasından sonra erməni lobbisinin təsiri ilə həm Avropa Parlamenti, həm AŞPA və digər qurumlar ölkəmizə qarşı yeni bədnam kampaniyaya başlayıblar. Fransanın Azərbaycana qarşı təxribatı, Avropa İttifaqının Xarici Siyasət və Təhlükəsizlik məsələləri üzrə Ali komissarı Cozep Borelin Azərbaycanın Ermənistana hücum edəcəyini bəyan etməsi, AŞPA-da Azərbaycan nümayəndə heyətinin səs hüququndan məhrum edilməsi barədə qərarın qəbulu göstərir ki, Qərb Azərbaycana qarşı total şəkildə təzyiq etməyə çalışır.
Lakin torpaqlarını işğaldan azad etməklə yalnız Ermənistanı deyil, Fransanın və digər Qərb dairələrinin timsalında dünya erməniliyini diz çökdürən Azərbaycanı öz yolundan döndərmək mümkün deyil. Azərbaycana qarşı edilən riyakarlıqlara qarşı ölkəmiz qətiyyətli mövqe ortaya qoyur. Alman İqtisadiyyatının Şərq Komitəsinin nümayəndə heyəti ilə görüşdə Prezident İlham Əliyev xəbərdarlığını da edərək bildirdi ki, əgər bir il ərzində nümayəndə heyətimizin hüquqları bərpa olunmazsa, biz Avropa Şurasından tamamilə çıxmağımız barədə məsələyə ciddi şəkildə baxa bilərik.
Qərbin siyasi dairələri arasında elələri də var ki, Azərbaycana qarşı həm işğal, həm də sonrakı dövrdə nəinki ikili standartlardan, ümumiyyətlə, qərəzli və məkrli mövqedən çıxış ediblər və etməkdədirlər. Bu baxımdan Avropa Parlamenti (AP) Azərbaycana qarşı münasibətində və mövqeyində hər zaman qərəzli olub. Azərbaycana qarşı nifrət və düşmənçilik dolu qətnamələr qəbul etmək, qarayaxma kampaniyası aparmaq, ölkəmizin uğurlarına ləkə yaxmaq sanki bu təşkilatın əsas təməl prinsipidir.
Avropa Parlamentinin bu günlərdə yenidən qətnamə qəbul edərək Avropa İttifaqını Azərbaycana qarşı sanksiyalara çağırması bir daha AP-nin riyakarlığını ortaya qoydu. İlk dəfə deyil ki, AP Azərbaycana qarşı hansısa bədnam sənəd qəbul edir. Əvvəlkilər kimi bu qətnamə də Azərbaycan üçün adi kağız parçasından başqa bir şey deyil. Azərbaycanın hansısa təzyiq qarşısında güzəştə getməsi mümkün deyil. Bu barədə bir nümunə belə göstərmək olmaz. Digər tərəfdən, heç Aİ özü və üzv dövlətlər də sənəddə əks olunan xülyaları qəbul etmirlər. Çünki həmin qətnamədə yer alan çağırışar Aİ-nın prinsiplərinə uyğun deyil.
O da məlumdur ki, AP yeni seçkilərə hazırlaşır. Azərbaycana qarşı çağırışları isə erməni lobbisinin pulu ilə işləyən deputatlar səsləndirirlər. Araşdırmalar göstərir ki, bu maliyyələşmənin arxasında Brüsseldə yaşayan erməniəsilli Kaspar Karapetyan dayanır. Xatırlayırsınızsa, 2022-ci ilin sonlarında Brüsseldə AP-nin Yunanıstandan olan vitse-prezidenti Eva Kailinin adının hallandığı milyonlarla dollarlıq korrupsiya skandalı baş vermişdi. Araşdırmalar göstərir ki, Eva Kaili AP-nin Avropa İttifaqı-Ermənistan dostluq qrupunun üzvü olub. Həmin qrup isə K.Karapetyanın prezidenti olduğu Ədalət və Demokratiya uğrunda Ümumavropa Erməni Federasiyası təşkilatı ilə sıx əlaqəlidir. Məhz bu yolla AP-nin deputatlarına rüşvət verilib və bu mexanizm indi də işləyir. Azərbaycana qarşı çıxan deputatlar bundan əvvəl də AP-də eyni mövqedən çıxış edən və almaz qaçaqmalçısı olan K.Karapetyanın pulla ələ aldığı parlamentarilərdir. Bütün bu oyunların arxasında isə Makron kimiləri, islamafob, rasist və türkofob dairələr dayanır.
Azərbaycanın AP qarşısında heç bir öhdəliyi yoxdur. AP-də də yaxşı bilirlər ki, bu sənədlərin heç bir hüquqi qüvvəsi yoxdur və Azərbaycanı öz yolundan döndərə bilməz. Həm də korrupsiyalaşdığı sübut olunmuş bir qurumun qəbul etdiyi sənədlər heç Avropanın özündə belə artıq ciddi qəbul edilmir.
Rəşad CƏFƏRLİ,
"Azərbaycan"
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Sorğu: Almaniyalıların 73 faizi hökumətin işindən narazıdır
27 Iyul
“Paris-2024”: Azərbaycan avarçəkəni 1/4 finala vəsiqə qazanıb
27 Iyul
“SpaceX” orbitə daha 23 internet peyki çıxarıb
27 Iyul
Gənc əsgərlərin hazırlığı daim diqqət mərkəzindədir
27 Iyul
Dünya səyyahları Füzulidə minaların zərərsizləşdirilməsini izləyiblər
27 Iyul
Paris-2024: Azərbaycan cüdoçusu mübarizəni dayandırıb
27 Iyul
Sabahın hava proqnozu
27 Iyul
Türkiyə nəşri: Azərbaycan musiqi festivalı ilə dünyanı heyran edir
27 Iyul
İqtisadiyyat naziri Yevlax Pilot Aqroparkındakı müəssisələrin fəaliyyəti ilə tanış olub
27 Iyul
Faktiki hava: Bəzi çaylardan sel keçib
27 Iyul
DİQQƏT ÇƏKƏNLƏR
ÇOX OXUNANLAR
Həqiqətə çağırış25 Iyul 2024
![](/uploads/img/posts/2024/07/25/Clip_23jpg-1721862946.jpg)
Uzaqgörənlik24 Iyul 2024
![](/uploads/img/posts/2024/07/24/1 copyjpg-1721771921.jpg)
Azərbaycan iqlim dəyişikliyi ilə mübarizədə qlobal səviyyədə tanınır23 Iyul 2024
![](/uploads/img/posts/2024/07/23/Clip_2jpg-1721686526.jpg)
Azərbaycan Qlobal Cənubla Qlobal Şimal arasında təmasları gücləndirir YENİLƏNİB - 2 VİDEO...21 Iyul 2024
![](/uploads/img/posts/2024/07/20/1721480194305007127_1200x630jpg-1721495783.jpg)
Avropanın Azərbaycana ehtiyacı artır20 Iyul 2024
![](/uploads/img/posts/2024/07/20/Clipjpg-1721423683jpg-1721453251.jpg)
Bütün yollar Qarabağa aparır18 Iyul 2024
![](/uploads/img/posts/2024/07/18/Clip_8jpg-1721248442.jpg)
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!