Xaricdə təhsil almaq qərarı bir çox gənc üçün yeni həyatın başlanğıcıdır. Yeni ölkə, yeni universitet, fərqli mühit və böyük planlar... Ancaq tələbənin yola düşərkən hesablamadığı bir məsələ var: gözlənilməz tibbi xərc.
Çünki başqa ölkədə adi görünən bir xəstəlik və ya bədbəxt hadisə belə tələbənin təhsil planlarını dəyişə, ailəsinin büdcəsinə isə əlavə yük gətirə bilər. Xüsusilə də tibbi xidmətlərin baha olduğu ölkələrdə belə xərclər heç də kiçik məbləğlərlə məhdudlaşmır. Bu səbəbdən xaricdə təhsil almağa gedən tələbələr üçün səyahət sığortası yalnız əlavə təminat deyil, səfərə hazırlığın vacib hissələrindən biri kimi qiymətləndirilir.
“PAŞA Sığorta”nın xaricdə təhsil almağa gedən tələbələr üçün hazırladığı “Tələbə-səfər sığortası” proqramı da məhz belə gözlənilməz hallarda maliyyə yükünü azaltmağa hesablanıb. Proqram çərçivəsində illik 60 manatdan başlayan ödənişlə tələbənin 50-60 min manatadək tibbi xərclərinin qarşılanması nəzərdə tutulur. Beləliklə, tələbə xaricdə gözlənilməz xəstəlik və ya bədbəxt hadisə ilə qarşılaşdıqda tibbi xərcləri təkbaşına qarşılamaq məcburiyyətində qalmır.
Əslində, sığortanın mahiyyəti də burada ortaya çıxır: o, xəstəliyin və ya bədbəxt hadisənin baş verməsinin qarşısını almır, amma həmin hadisənin ailə büdcəsində yaratdığı maliyyə riskini azaldır.
Xaricdə təhsil üçün yola çıxan tələbənin çantasında kitabları, sənədləri, noutbuku və şəxsi əşyaları ilə yanaşı, sığorta təminatının olması da məhz buna görə önəmlidir. Çünki yeni ölkədə əsas məqsəd gözlənilməz xərcləri düşünmək deyil, təhsil almaq və gələcək üçün qurulan planlara fokuslanmaqdır.
Züleyxa ƏLİYEVA,
“Azərbaycan”
