Türkiyənin "İqliməsaslı ağıllı kənd təsərrüfatı" üzrə təcrübəsi öyrənilir
İslam Əməkdaşlıq Təşkilatının İqtisadi və Ticarət Əməkdaşlığı üzrə Daimi Komitəsinin (COMCEC) layihəsi çərçivəsində Azərbaycan Respublikasının Kənd Təsərrüfatı Nazirliyi yanında Aqrar Kredit və İnkişaf Agentliyi tərəfindən təqdim edilmiş "İqliməsaslı ağıllı kənd təsərrüfatı (CSA)" layihəsi uğurlu hesab edilərək təsdiq olunub.
Layihə çərçivəsində qlobal iqlim dəyişikliyinin kənd təsərrüfatı məhsuldarlığına, ərzaq təhlükəsizliyinə və kənd əhalisinin yaşam standartlarına mənfi təsirlərinin azaldılması, beynəlxalq təcrübədə istifadə olunan innovativ alətlərin tətbiqi sahəsində müzakirələrin aparılması və müvafiq sahələrə səfərlərin həyata keçirilməsi məqsədilə Azərbaycan və Türkiyənin kənd təsərrüfatı ekspertləri arasında təcrübə mübadiləsi proqramı təşkil edilib.
Proqramla bağlı Kənd Təsərrüfatı Nazirliyinin Torpaqdan istifadəyə nəzarət şöbəsinin müdiri Firidun Tağıyev və həmin şöbənin Kənd təsərrüfatının ekologiyası və iqlim məsələləri sektorunun aparıcı məsləhətçisi Samirə Qurbanlı cari ilin 4-11 avqust tarixlərində Türkiyə Respublikasının Ankara şəhərinə səfər ediblər.
Səfər ərzində Türkiyənin Kənd Təsərrüfatı və Meşəçilik Nazirliyinin Avropa İttifaqı və Xarici Əlaqələr Baş İdarəsinin müdiri Ferhat Çolak və şöbə müdiri Özge İmamoğlu, Aqrar İslahatlar Baş İdarəsinin müdiri Mustafa Gezici, Su Təsərrüfatı Baş İdarəsinin müdiri Afire Sever, Dövlət Su İşləri Xarici Əlaqələr İdarəsinin müdiri Özlem İritaş və rumların təmsilçiləri ilə görüşlər təşkil edilib və müvafiq istiqamətlərdə müzakirələr aparılıb.
Müzakirələrin əsas mövzusu hazırda iqlim dəyişikliyinin Türkiyənin kənd təsərrüfatı sektoru üçün yaratdığı riskləri, bu riskləri azaltmaqla bağlı kənd təsərrüfatı sektorunda iqlim dəyişikliyinə uyğunlaşma (adaptasiya) və təsirlərin yumşaldılması (mitiqasiya) istiqamətində aparılan fəaliyyətlərini öyrənmək və uğurlu faəliyyətlərin Azərbaycanın kənd təsərrüfatı sektorunda da tətbiqi üçün əməkdaşlıqları gücləndirməkdir.
Türk ekspertləri tərəfindən təqdim edilən layihələr içərisində ən çox maraq doğuran layihələr - Dünya bankı tərəfindən icrası üçün yüksək maliyyə resursları ayrılmış Türkiyə iqlim ağıllı və rəqabət qabiliyyətli kənd təsərrüfatı inkişaf layihəsi olan TUCSAP, su resurslarının səmərəli və düzgün istifadəsi üçün yaradılmış və artıq icra edilməyə başlanılan HİDROTÜRK, suvarma qurğularının məkan məlumat sistemi olan SUTEM, kənd təsərrüfatı fəaliyyətləri nəticəsində suda çirklənmənin monitorinqi tədqiqatlarında istifadə üçün hazırlanmış nitrat məlumat sistemi NIBIS olub. Azərbaycanın kənd təsərrüfatı sektoru üçün yaradılmış elektron kənd təsərrüfatı informasiya sistemi olan EKTİS də türk ekspertləri tərəfindən uğurlu layihə hesab edilib.
Nümayəndə heyəti proqram çərçivəsində daşqın və meşə yanğınlarından mühafizə mərkəzləri, Türkiyənin Kənd Təsərrüfatı və Meşə Təsərrüfatı Nazirliyinin təbii göl və landşaft bitkiləri olan ərazilərini ziyarət edib.
Sonda hər iki ölkə nümayəndələri COMCEC layihəsi vasitəsilə "İqliməsaslı ağıllı kənd təsərrüfatı (CSA)" istiqamətində paylaşılan təcrübə və biliklərin, əməkdaşlıqların Azərbaycan və Türkiyənin iqlim dəyişikliyinə daha dayanıqlı kənd təsərrüfatı sisteminin qurulmasında mühüm rol oynayacağını vurğulayıb və bu kimi layihələrin davam etdirilməsinin zəruri olduğunu bildiriblər.
"Azərbaycan"
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
İzmirdə meşə yanğını yaşayış yerlərinə çatıb, əhali təxliyə edilib
17 Avqust
Türkiyənin "İqliməsaslı ağıllı kənd təsərrüfatı" üzrə təcrübəsi öyrənilir
17 Avqust
İşğaldan azad edilmiş ərazilərdə yaradılan sənaye parklarında bu il bir neçə müəssisə fəaliyyətə baş...
17 Avqust
7 ayda Azərbaycana 1,5 milyon turist gəlib
17 Avqust
Yeni yerüstü piyada keçidinin inşası sürətlənir
17 Avqust
Dayanıqlı gələcək üçün irəliləyiş təşəbbüsləri: beynəlxalq təşkilatlar COP-u necə dəstəkləyir...
17 Avqust
COP29 könüllüləri "Təkrar emal fəalları" adlı təmizlik aksiyası keçiriblər
17 Avqust
COP29 Radiospektrin idarə edilməsi portalı fəaliyyətə başlayıb
17 Avqust
Qazaxda "Yaşıl dünya naminə həmrəylik ili" çərçivəsində növbəti təmizlik aksiyası təşkil olunub...
17 Avqust
Azərbaycanda "yaşıl binalar" niyə tikilmir?
17 Avqust
DİQQƏT ÇƏKƏNLƏR
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!