Şəki-Zaqatala bölgəsində Milli Məclisə 8 mandat uğrunda 67 namizəd mübarizə aparır
Sentyabrın 1-də ölkəmizin hər yerində olduğu kimi, Şəki-Zaqatala bölgəsində də Azərbaycan Respublikasının Milli Məclisinə növbədənkənar seçkilərə start verilib.
AZƏRTAC-ın bölgə müxbiri xəbər verir ki, səhər saat 8.00-dan etibarən bölgəyə daxil olan Balakən, Zaqatala, Qax, Şəki, Oğuz və Qəbələ rayonlarında fəaliyyət göstərən 8 seçki dairəsinin 439 seçki məntəqəsi qapılarını seçicilərin üzünə açıb.
Dairə seçki komissiyalarından verilən məlumata görə, bu seçki dairələri üzrə adları seçici siyahılarına daxil edilən seçicilərin ümumi sayı 423 min 397 nəfərdir. Onlardan 3 min 946 nəfəri seçkilərdə ilk dəfə səs verir. Yaşı 80-dən yuxarı olan seçicilərin sayı isə 6 min 356 nəfərdir. Seçkilərdə bu dairələr üzrə Milli Məclisə 8 mandat uğrunda 67 namizəd mübarizə aparır. Onlardan 18 nəfəri müxtəlif siyasi partiyaları təmsil edir. 49 nəfərin namizədliyi isə öz təşəbbüsləri ilə irəli sürülüb. Namizədlərin 20-si qadındır.
Səsvermənin şəffaf və demokratik keçməsi üçün bütün seçki məntəqələrində lazımi şərait yaradılıb, məntəqələr zəruri avadanlıq və texniki vasitələrlə, o cümlədən etibarlı rabitə sistemi və elektrik generatorları ilə təmin olunub. Bu dairələr üzrə seçkilərin gedişini 6 min 815 nəfər yerli müşahidəçi, həmçinin beynəlxalq təşkilatların nümayəndələri izləyirlər.
113 saylı Qax-Şəki seçki dairəsinin seçki məntəqələrində də Milli Məclisə növbədənkənar seçkilər seçicilərin fəallığı şəraitində davam edir. Səsvermə hüququ olan vətəndaşlar səhər saatlarından etibarən seçki məntəqələrinə gəlir, öz vətəndaşlıq borclarını yerinə yetirərək seçimlərini edirlər.
AZƏRTAC-ın bölgə müxbiri dairənin 4 saylı seçki məntəqəsində səsvermə prosesinin gedişini izləyib. Qax rayon Mədəniyyət Mərkəzində yerləşən seçki məntəqəsində səsvermə prosesini müxtəlif siyasi partiyaları və ictimai birlikləri təmsil edən 9 nəfər yerli müşahidəçi izləyir.
Səsvermənin azad, demokratik və şəffaf keçirilməsi üçün məntəqədə lazımi şərait yaradılıb. Seçici şəxsiyyətini təsdiqləyən müvafiq sənədi təqdim etdikdən sonra ultrabənövşəyi lampa vasitəsilə sol əlinin baş barmağının gözə görünməyən mürəkkəblə işarələnib-işarələnmədiyi yoxlanılır. Sonra seçicinin barmağı gözə görünməyən mürəkkəblə işarələnir və ona bülleten verilir.
Əvvəlki seçkilərdə olduğu kimi, yenə də ilk olaraq məntəqəyə Qax şəhər sakini, rayon ağsaqqalı, 84 yaşlı Mais Şabanov gəlib. O, ölkəmiz üçün mühüm əhəmiyyət daşıyan bu seçkidə ruh yüksəkliyi ilə iştirak etdiyini bildirib: “Səsvermə yaxşı səviyyədə keçir. Hamı sərbəst şəkildə öz seçimini edir, istədiyi namizədə səs verir. Mən də öz seçimimi etdim, arzuladığım namizədə səs verdim”.
Digər seçicilər də məntəqədə yaradılan şəraitdən razı qaldıqlarını, səsvermənin şəffaf və demokratik keçirildiyini vurğulayıblar.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
158 PUA məhv edilib - Rusiyadan açıqlama
01 Sentyabr
Pakistan Senatının üzvü: Seçkilərin azad və qərəzsiz keçdiyini müşahidə edirik
01 Sentyabr
Xarici müşahidəçi: Parlament seçkilərində gənclərin səsi çox önəmlidir
01 Sentyabr
Sabah Bakıda 37, rayonlarda 38 dərəcə isti olacaq
01 Sentyabr
Azərbaycan XİN Slovakiyanı Milli Günü münasibətilə təbrik edib
01 Sentyabr
MDB-dən olan beynəlxalq müşahidəçi: Səsvermə prosesi qanunvericiliyə uyğun şəkildə keçirilir...
01 Sentyabr
Seçki məntəqəsinin sədri: Suqovuşanda seçkilərin şəffaf və demokratik keçirilməsi üçün lazımi şərait...
01 Sentyabr
İsrail ordusu məhv edilən terrorçuların sayını açıqladı
01 Sentyabr
Rusiyada helikopterin axtarışları davam edir
01 Sentyabr
İƏT nümayəndəsi: Müşahidələr parlament seçkilərinin şəffaf keçirildiyini deməyə əsas verir...
01 Sentyabr
DİQQƏT ÇƏKƏNLƏR
Azərbaycan-Özbəkistan münasibətləri yeni mərhələdə: Strateji müttəfiqlik iki ölkəni daha da gücləndi...30 Avqust 2024
![](/uploads/img/posts/2024/08/30/17244104092088730123 Копированиеjpg-1724969916.jpg)
Strateji tərəfdaşlıq güclənir, qlobal nüfuz artır 28 Avqust 2024
![](/uploads/img/posts/2024/08/28/manset Копированиеjpg-1724791281.jpg)
Mehriban Əliyeva - Azərbaycan humanizminin simvolu26 Avqust 2024
![](/uploads/img/posts/2024/08/26/17246441985346750166_1200x630jpg-1724646204.jpg)
"Gəl sənə Laçınımı göstərim..."25 Avqust 2024
![](/uploads/img/posts/2024/08/25/16930664043345830467jpg-1724536246.jpg)
"Mehriban xanım ürəyimizdə elə bir saray qurub ki..."24 Avqust 2024
![](/uploads/img/posts/2024/08/24/16930632301761151988jpg-1724463695.jpg)
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!