Qlobal nüfuzun və ehtiramın nümunəsi
Bu günlərdə 28 May - Müstəqillik Günü ilə bağlı Prezident İlham Əliyevin ünvanına təbrik məktubları gəlməkdə davam edir. Nəzər yetirdikdə görürük ki, qlobal siyasətdə aparıcı rol oynayan bütün dövlətlərin rəhbərləri, hökumət başçıları Azərbaycan Prezidentini təbrik edirlər. Bu təbriklərin hər biri ilk növbədə nüfuzlu siyasi liderlərin İlham Əliyevə və Azərbaycana olan ehtiram və rəğbətinin təcəssümüdür.
Regionun iqtisadi gücü
Bir neçə gün əvvəl isə Prezident İlham Əliyev Moskvada Ali Avrasiya İqtisadi Şurasının geniş tərkibdə iclasında iştirak edib. Azərbaycan 2014-cü ildə yaradılmış bu təşkilatın üzvü deyil. Amma Ermənistan istisna olmaqla, Azərbaycanın bu təşkilatın digər üzv dövlətləri ilə sıx iqtisadi və siyasi münasibətləri var.
İclasda çıxışında bu barədə danışan Prezident İlham Əliyev ötən il Azərbaycanın Avrasiya İqtisadi Birliyi ilə əmtəə dövriyyəsinin 31 faiz artdığını və 4,7 milyard dollar təşkil etdiyini bildirdi. Bu ilin yanvar-aprel aylarında isə qarşılıqlı ticarətin həcmi daha 38 faiz artıb. Ötən il Avrasiya İqtisadi Birliyinə üzv ölkələrin Azərbaycanın xarici ticarət dövriyyəsində payı 9 faizə yaxın olub. İlham Əliyev həmçinin əmtəə dövriyyəsinin gələcək artımında böyük potensialın olduğunu diqqətə çatdırıb.
İlham Əliyevin qeyd etdiyi kimi, Azərbaycan "Şərq-Qərb" və "Şimal-Cənub" nəqliyyat yollarının coğrafi kəsişməsində yerləşir. Ölkəmiz Xəzərdə 50 gəmidən ibarət ən böyük ticarət donanmasına malikdir. On beş milyon ton yükün daşınmasına hesablanmış Ələt Dəniz Limanı yaxın vaxtlarda modernləşdiriləcək və yükaşırmaların həcmi 25 milyon tona çatacaq. Ölkəmizin nəqliyyat-logistika infrastrukturu bütün istiqamətlərdə daşımaları həyata keçirməyə imkan verir. Respublikamızda 8 beynəlxalq aeroport fəaliyyət göstərir. Ölkəmiz illik 500 min ton yük dövriyyəsi ilə regionda ən iri hava yük donanmasına malikdir. Bakı-Tbilisi-Qars dəmir yolu isə Avropaya, həmçinin Türkiyənin Aralıq dənizi limanlarına çıxışı təmin edir. Respublikamızın əsas hissəsini Naxçıvanla birləşdirəcək Zəngəzur dəhlizinin yaradılması isə Azərbaycanın nəqliyyat-logistik imkanlarını daha da artıracaq. Bütün bunlar onu göstərir ki, Azərbaycanın Avrasiya İqtisadi Birliyi ilə iqtisadi dövriyyəsinin daha da artırılması üçün geniş imkanlar var.
Təbii ki, ayrı-ayrılıqda götürdükdə təşkilata üzv dövlətlərlə Azərbaycanın iqtisadi əməkdaşlığında ildən-ilə artan dinamizmi görmək mümkündür. Ermənistan isə bu təşkilatın üzvü olsa da, onun təşkilatda təmsil olunan dövlətlərlə iqtisadi-ticari dövriyyəsi bu rəqəmdən qat-qat azdır. Bu da öz növbəsində Azərbaycanın regionun iqtisadi gücü olduğunu, Avrasiya İqtisadi Birliyi üzvlərinin Azərbaycanla sıx iqtisadi əməkdaşlığını təsdiq edən mühüm faktordur. Elə Rusiya Prezidenti Vladimir Putin də Azərbaycanın ikitərəfli formatda təşkilata üzv ölkələrlə iqtisadi əməkdaşlığının müntəzəm artdığını qeyd edərək, bunun həm Azərbaycan üçün, həm də təşkilatın hər bir iştirakçı ölkəsi üçün əhəmiyyət kəsb etdiyini diqqətə çatdırdı.
Rəğbətlə qarşılanan siyasət
Dövlətimizin başçısı bu təşkilatın iclasında Rusiya Prezidentinin dəvəti əsasında qonaq qismində iştirak edirdi. Bu dəvətin özü ilk növbədə Prezident İlham Əliyevin yüksək siyasi nüfuzunü təsdiq edən mühüm siyasi amildir.
Xatırladaq ki, Prezident İlham Əliyev ötən il Azərbaycanın üzv olmadığı Şanxay Əməkdaşlıq Təşkilatının sammitində iştirak etmişdi. Prezident İlham Əliyevin "dəmir yumruğu"nun növbəti zəfəri olan 2022-ci ilin sentyabr döyüşlərindən sonraya təsadüf edən bu sammitə dəvət alması və bu çərçivədə keçirdiyi görüşlər dövlətimizin başçısına və Azərbaycana göstərilən qlobal ehtiramın və dəstəyin növbəti nümunəsi olmuşdu. Bu təşkilata üzv dövlətlərin də əksəriyyəti ilə Azərbaycanı yaxın dostluq, bir qismi ilə müttəfiqlik və strateji tərəfdaşlıq münasibətləri birləşdirir.
Ümumiyyətlə, Azərbaycan Prezidenti İlham Əliyevin hadisələrə və proseslərə baxışı, münasibəti hər bir beynəlxalq tədbirin diqqətlə izlənilən məqamlarındandır. Ali Avrasiya İqtisadi Şurasının geniş tərkibdə iclası da bu baxımdan xüsusi qeyd edilməlidir. Təbii ki, bunun əsas səbəbləri ilk növbədə Prezident İlham Əliyevin özünün yüksək siyasi nüfuzu və həyata keçirdiyi siyasətin məzmunudur. Azərbaycan Prezidentinin qətiyyətli və müstəqil siyasəti, qlobal və regional əməkdaşlıqda konkret, aydın və dəqiq mövqe ortaya qoyması bütün siyasi müstəvilərdə təqdir olunur, rəğbətlə qarşılanır.
Bütövlükdə, Prezident İlham Əliyevin Moskvada Ali Avrasiya İqtisadi Şurasının geniş tərkibdə iclasında iştirakı Azərbaycanın güclü qlobal mövqelərinin növbəti təsdiqi oldu. Eyni zamanda bu iclas Ermənistanın diplomatik müstəvidə növbəti dəfə fiaskoya uğradılması ilə yadda qalan mühüm siyasi hadisə oldu.
Rəşad CƏFƏRLİ,
"Azərbaycan"
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Bakıda Qırğızıstanın müstəqillik günü təntənə ilə qeyd edilib
01 Sentyabr
Parisdə keçirilən aksiyada Avropa İttifaqının bayrağı cırılıb
31 Avqust
Naxçıvanda parlament seçkiləri 331 məntəqədə keçiriləcək
31 Avqust
Vuçiç: Serbiya 2030-cu ilədək Aİ-yə üzv ola bilməyəcək
31 Avqust
Birinci vitse-prezident Mehriban Əliyeva Paralimpiya Oyunlarında gümüş medal qazanan Raman Saleyi tə...
31 Avqust
Premyer Liqa: “Sabah” “Kəpəz”ə qalib gəlib
31 Avqust
“Paris-2024”: Azərbaycan paraüzgüçüsü gümüş medal qazanıb
31 Avqust
Yəməndə yanacaqdoldurma məntəqəsində partlayış olub
31 Avqust
Premyer Liqa: "Neftçi" Şamaxıda xal itirib
31 Avqust
Dmitri Kobitski: Azərbaycanda seçki prosesləri bütün qəbul edilmiş beynəlxalq normalara uyğundur...
31 Avqust
DİQQƏT ÇƏKƏNLƏR
Azərbaycan-Özbəkistan münasibətləri yeni mərhələdə: Strateji müttəfiqlik iki ölkəni daha da gücləndi...30 Avqust 2024
![](/uploads/img/posts/2024/08/30/17244104092088730123 Копированиеjpg-1724969916.jpg)
Strateji tərəfdaşlıq güclənir, qlobal nüfuz artır 28 Avqust 2024
![](/uploads/img/posts/2024/08/28/manset Копированиеjpg-1724791281.jpg)
Mehriban Əliyeva - Azərbaycan humanizminin simvolu26 Avqust 2024
![](/uploads/img/posts/2024/08/26/17246441985346750166_1200x630jpg-1724646204.jpg)
"Gəl sənə Laçınımı göstərim..."25 Avqust 2024
![](/uploads/img/posts/2024/08/25/16930664043345830467jpg-1724536246.jpg)
"Mehriban xanım ürəyimizdə elə bir saray qurub ki..."24 Avqust 2024
![](/uploads/img/posts/2024/08/24/16930632301761151988jpg-1724463695.jpg)
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!