Donald Trampın tezliklə həbs olunacağı ehtimal edilir
Eks-prezidentə qarşı rəsmi olaraq cinayət işi açılması barədə qərar verilib
Donald Tramp ABŞ-nin barəsində rəsmən cinayət işi açılan ilk eks-prezidenti kimi tarixə düşdü. Bu qərarın lehinə Manhettenin Böyük Münsiflər heyəti səs verib.
Xəbəri ilk olaraq Amerika qəzetləri yayıb və yalnız üç saat sonra bu faktı Manhetten dairəsinin prokuroru Elvin Breqqin ofisi təsdiqləyib. Breqq yanvar ayında Trampın mühakimə olunmasına qərar vermək üçün Böyük Münsiflər heyətini toplayıb.
Martın 31-də isə bununla bağlı prokurorluq elan edib: "Bu gecə biz cənab Trampın vəkili ilə əlaqə saxladıq ki, onun gələcəkdə məhkəmə qarşısına çıxarılması üçün Manhetten dairə prokurorluğuna təslim olmasını təşkil edək".
İttihamın təfərrüatları hələlik açıqlanmayıb.
Bu, Trampa qarşı aktrisa Stormi Danielsə (əsl adı Stefani Kliffords) susqunluq pulunun ödənilməsi ilə bağlı bir neçə araşdırmadan biridir. İş materiallarına görə, 2016-cı il seçkilərindən əvvəl Tramp vəkil Maykl Koen vasitəsilə Stormi Danielsə on il əvvəl 130 min dollar ödəyib. Bu ödəniş özlüyündə qeyri-qanuni olmasa da, Trampın vəkili həmin vəsaiti məhkəmə xərcləri kimi sənədləşdirib və bu, artıq maliyyə sənədlərinin saxtalaşdırılması, yəni cinayət kimi qiymətləndirilir.
Xatırladaq ki, vəkil Maykl Koen 2018-ci ildə üç il həbs cəzasına məhkum edilib, amma o vaxt prezident olan Donald Trampa rəsmi ittiham irəli sürülməyib.
İndi münsiflər heyətinin qərarından sonra Manhetten dairəsinin prokuroru Elvin Breqqin eks-prezidentə qarşı rəsmi ittiham irəli sürəcəyi gözlənilir.
Trampın özü Danielslə yaxın münasibətdə olduğunu inkar edir, lakin həbs olunacağını gözlədiyini deyib. CNN telekanalının xəbərinə görə, keçmiş prezident tərəfdarlarını nümayişə çağırdıqdan sonra Nyu Yorkun və Vaşinqtonun polis qüvvələri həyəcan təbili çalıb.
Hazırda Florida ştatında yaşayan Trampın yaxın vaxtlarda Nyu Yorkdakı məhkəmə qarşısına çıxması və rəsmi həbs olunacağı ehtimal edilir. Cinayət işlərində şübhəli bilinən bütün şəxslər kimi onun fotosu çəkiləcək və barmaq izləri götürüləcək, daha sonra iş üzrə ilk məhkəmə iclası keçiriləcək.
ABŞ-nin CBS telekanalı Trampın vəkillərinə istinadən xəbər verir ki, o, gələn həftə özünü prokurorlara təslim edəcək. Trampın vəkili Syuzan Neçeles eks-prezidentin aprelin 4-də məhkəməyə yollanacağını bildirib.
Böyük Münsiflər heyətinin qərarı ilə bağlı verdiyi açıqlamada Donald Tramp bu jürini toplayan demokrat prokuror Breqqi Co Baydenin çirkin işini görməkdə ittiham edib.
2024-cü ildə yenidən prezidentliyə namizədliyini irəli sürmək niyyətində olan Tramp bildirib: "Trampın axırına çıxmaq fikrində olan demokratlar yalan danışır, fırıldaqçılıq və oğurluq edirdilər, lakin indi ağlasığmaz bir iş gördülər - seçkiqabağı kampaniyaya həyasızcasına müdaxilə edərək tamamilə günahsız bir insanı ittiham etdilər".
Eyni zamanda Tramp prokuror Breqqi Corc Sorosun əlaltısı adlandırıb.
Trampın siyasi rəqibi, ABŞ Konqresinin Nümayəndələr Palatasında demokratların təmsilçisi Adam Şiff də Böyük Münsiflər heyətinin qərarını dəstəkləyib: "Keçmiş prezidentə qarşı rəsmi ittiham görünməmiş bir hadisədir. Amma Trampın qeyri-qanuni davranışının da presedenti olmayıb. Qanunu rəhbər bilən bir millət zəngin və güclüləri, hətta yüksək vəzifələr tutsalar belə, ciddi şəkildə sorğu-sual etməyə borcludurlar".
Bir çox şərhçinin fikrincə, Trampa qarşı digər iddialar kimi, Stormi Daniels işi həqiqətən də onun yenidən prezidentliyə namizəd olmaq planlarına təsir edə bilər.
Bu günlərdə "Röyter" agentliyinin sifarişi ilə keçirilən sorğuya görə, hətta Respublikaçılar Partiyasının üzvləri arasında təxminən 44 faiz hesab edir ki, rəsmi ittiham irəli sürüləcəyi təqdirdə Tramp seçkidən çəkilməlidir.
Respublikaçıların prezidentliyə namizədliyi üçün Trampın əsas rəqibi olacağı gözlənilən Florida ştatının qubernatoru Ron Desantis NyuYork Böyük Münsiflər heyətinin qərarını pisləyib və Florida ştatının sabiq dövlət başçısının ekstradisiyasında əməkdaşlıq etməyəcəyini bildirib.
Rizvan CƏFƏROV,
"Azərbaycan"
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Mərkəzi Seçki Komissiyasının növbəti iclası keçirilib
27 Iyul
İstanbulda PKK-nın 13 tərəfdarı saxlanılıb
27 Iyul
İranın yeni seçilən prezidenti sabah and içəcək
27 Iyul
Mask Olimpiadanın açılış mərasimini xristianlara qarşı hörmətsizlik adlandırıb
27 Iyul
Viktor Orban: Avropa sülh siyasətini qəbul etməlidir
27 Iyul
Olimpiadada jurnalistləri daşıyan avtobus qəzaya düşüb
27 Iyul
AKAF-ın baş katibi: Parisdə yaxşı nəticə göstərəcəyimizə inanıram
27 Iyul
Paris-2024-də ilk medalçılar bəlli olub
27 Iyul
Paris-2024: Azərbaycanın daha bir cüdoçusu mübarizəni dayandırıb
27 Iyul
Rəssam dronun ilk əsəri nümayiş olunub
27 Iyul
DİQQƏT ÇƏKƏNLƏR
ÇOX OXUNANLAR
Həqiqətə çağırış25 Iyul 2024
Uzaqgörənlik24 Iyul 2024
Azərbaycan iqlim dəyişikliyi ilə mübarizədə qlobal səviyyədə tanınır23 Iyul 2024
Azərbaycan Qlobal Cənubla Qlobal Şimal arasında təmasları gücləndirir YENİLƏNİB - 2 VİDEO...21 Iyul 2024
Avropanın Azərbaycana ehtiyacı artır20 Iyul 2024
Bütün yollar Qarabağa aparır18 Iyul 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!