Yubileylə bağlı elmi konfrans keçirilmişdir
Ölkə Prezidenti İlham Əliyevin xalq yazıçısı Mirzə İbrahimovun anadan olmasının 100 illiyinin keçirilməsi ilə əlaqədar imzaladığı sərəncama uyğun olaraq, Azərbaycan Dövlət Mədəniyyət və İncəsənət Universitetində görkəmli ədiblə bağlı elmi konfrans keçirildi. Mirzə İbrahimovun həyat və yaradıcılığı ilə bağlı sənədli filmin nümayişi tədbir iştirakçıları tərəfindən maraqla qarşılandı.
Məclisi giriş sözü ilə sözügedən ali təhsil müəssisəsinin prorektoru, professor Rafiq Sadıqov açaraq Mirzə İbrahimovun Azərbaycan ədəbiyyatında və ictimai-siyasi həyatdakı uğurlarından və mövqeyindən danışdı. Filologiya elmləri doktoru, professor Aqşin Babayev "Mirzə İbrahimov şəxsiyyəti" mövzusunda məruzə etdi. "Ədəbiyyat" qəzetinin baş redaktoru Ayaz Vəfalı, "Azərbaycan" qəzetinin şöbə redaktoru Flora Xəlilzadə, əməkdar jurnalist Zakir Abbas, universitetin tələbəsi Aysel Abbasova çıxış edərək Mirzə İbrahimov yaradıcılığının məziyyətlərinə toxundular. Onlar bildirdilər ki, unudulmaz ədib, alim, tərcüməçi, publisist, dramaturq həm Azərbaycan ədəbiyyatında, həm də ictimai-siyasi həyatda böyük hadisə idi. Qələmə aldığı əsərlərində yaşadığı dövrün ziddiyyətlərinin mənzərəsini dolğun yaradan Mirzə İbrahimov həm də vətəndaş qeyrətli bir ustad idi. Onun dramları vaxtilə Azərbaycan teatr səhnəsinin uğurlu əsərlərindən sayılardı. Mirzə İbrahimov ədəbiyyatımızın deyil, həm də teatr sənətinin, ədəbi tənqidin görkəmli nümayəndələrindən biri idi. Təkcə Azərbaycan dili uğrunda apardığı mübarizə bəs edər ki, Mirzə İbrahimov bu xalqın yaddaşında əbədi heykələ dönsün.
Sonda yazıçının qızı, xalq artisti, bəstəkar Sevda İbrahimova çıxış edərək həm dövlətimizin, həm də bu ali məktəbin görkəmli ədibə göstərdiyi diqqət və qayğıya görə minnətdarlığını bildirərək atası ilə bağlı xatirələrini danışdı.
"Azərbaycan"
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
“Dəmiryol nəqliyyatı təyinatlı torpaqların sərhədlərinin kağız üzərində və elektron formada (ArcGİS ...
27 Aprel
Mərakeş Kralı COP29-a dəvət olunub
27 Aprel
"Ədibin evi"ndə Mir Cəlal Paşayevin 116 illik yubileyinə həsr olunmuş tədbir keçirilib
26 Aprel
Dmitri Savelyev: Cənubi Qafqazda sülhün və sabitliyin qorunması bütün Avrasiya üçün qlobal təhlükəsi...
26 Aprel
TBMM-in üzvü: Şuşa özünün dəyərləri və mədəniyyəti ilə çox fərqli bir yerdir
26 Aprel
Monteneqro Baş nazirinin müavini: Ölkələrimiz arasındakı əlaqələr strateji tərəfdaşlıq xarakteri daş...
26 Aprel
Qırğız Mədəniyyəti Günlərinin bağlanış mərasimi keçirilib
26 Aprel
Almaniyadakı Azərbaycan diasporunun üzvləri Prezident İlham Əliyevi böyük coşqu ilə qarşılayıblar...
26 Aprel
Azərbaycan və Monteneqro parlamentləri arasında əlaqələr müzakirə olunub
26 Aprel
Hidayət Heydərov dördqat Avropa çempionu olub
26 Aprel
DİQQƏT ÇƏKƏNLƏR
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!