№ 239
Azərbaycan Respublikası Nazirlər Kabinetinin QƏRARI
Azərbaycan Respublikası Konstitusiyasının 119-cu maddəsinin səkkizinci abzasını rəhbər tutaraq, “Yol hərəkəti haqqında” Azərbaycan Respublikasının Qanununda dəyişiklik edilməsi barədə” Azərbaycan Respublikasının 2025-ci il 9 dekabr tarixli 307-VIIQD nömrəli Qanununun tətbiqi və bununla əlaqədar Azərbaycan Respublikası Prezidentinin bəzi fərmanlarında dəyişiklik edilməsi haqqında” Azərbaycan Respublikası Prezidentinin 2025-ci il 26 dekabr tarixli 559 nömrəli Fərmanının 2.2-ci bəndinin icrasını təmin etmək məqsədilə Azərbaycan Respublikasının Nazirlər Kabineti qərara alır:
1. “Mexaniki nəqliyyat vasitələrinin və onların qoşqularının müəyyən edilmiş qaydada dövlət qeydiyyatından keçirilməsi və dövlət qeydiyyatı üzrə uçota alınması haqqında Əsasnamənin və Nəqliyyat vasitəsinin özgəninkiləşdirilməsi və girov qoyulması qaydasının təsdiq edilməsi barədə” Azərbaycan Respublikası Nazirlər Kabinetinin 1999-cu il 15 mart tarixli 39 nömrəli Qərarında (Azərbaycan Respublikasının Qanunvericilik Toplusu, 1999, № 3, maddə 195 (Cild I); 2024, № 2, maddə 210, № 9, maddə 1090; 2025, № 2, maddə 180, № 9, maddə 858; Azərbaycan Respublikası Nazirlər Kabinetinin 2026-cı il 6 may tarixli 132 nömrəli Qərarı) aşağıdakı dəyişikliklər edilsin:
1.1. adına və 1-ci hissəsinə “qoşqularının” sözündən sonra “, habelə mopedlərin” sözləri əlavə edilsin;
1.2. həmin Qərarla təsdiq edilmiş “Mexaniki nəqliyyat vasitələrinin və onların qoşqularının müəyyən edilmiş qaydada dövlət qeydiyyatından keçirilməsi və dövlət qeydiyyatı üzrə uçota alınması haqqında Əsasnamə” üzrə:
1.2.1. adına və 1.1-ci bəndinə “qoşqularının” sözündən sonra “, habelə mopedlərin” sözləri əlavə edilsin;
1.2.2. 1.2-ci bəndin 1-ci yarımbəndinə “yarımqoşqularını” sözündən sonra “, habelə mopedləri” sözləri əlavə edilsin;
1.2.3. 1.3-cü bəndin ikinci abzasının ikinci cümləsinə “motosikl,” sözündən sonra “moped,” sözü əlavə edilsin;
1.3. həmin Qərarla təsdiq edilmiş “Nəqliyyat vasitəsinin özgəninkiləşdirilməsi və girov qoyulması Qaydası”nın 1.1-ci bəndinə “yarımqoşqularının” sözündən sonra “, habelə mopedlərin” sözləri əlavə edilsin.
2. Azərbaycan Respublikası Nazirlər Kabinetinin 1999-cu il 15 mart tarixli 40 nömrəli Qərarı (Azərbaycan Respublikasının Qanunvericilik Toplusu, 1999, № 3, maddə 196 (Cild I); 2024, № 1, maddə 111, № 2, maddə 210; 2025, № 2, maddə 196, № 9, maddə 858) ilə təsdiq edilmiş “Nəqliyyat vasitələrinə və onların qoşqularına dövlət texniki baxışının keçirilməsi qaydaları haqqında Nümunəvi Əsasnamə”nin 1.1-ci bəndinin 1-ci yarımbəndinə “yarımqoşqularına” sözündən və 1.4-cü bəndinə “(yarımqoşqularına)” sözündən sonra “, habelə mopedlərə” sözləri əlavə edilsin.
3. Azərbaycan Respublikası Nazirlər Kabinetinin 1999-cu il 15 mart tarixli 41 nömrəli Qərarı (Azərbaycan Respublikasının Qanunvericilik Toplusu, 1999, № 3, maddə 197 (Cild I); 2024, № 1, maddə 111, № 3, maddə 328, № 9, maddə 1090; 2025, № 2, maddə 180, № 3, maddə 282, № 5, maddə 507, № 9, maddə 858) ilə təsdiq edilmiş “Nəqliyyat vasitəsini idarə etmək hüququ verən sürücülük vəsiqəsi almaq istəyən şəxslərdən imtahanların qəbul edilməsi və onlara sürücülük vəsiqəsinin verilməsi qaydaları haqqında Əsasnamə”də aşağıdakı dəyişikliklər edilsin:
3.1. 1.3-cü bəndin 1-ci yarımbəndinə (birinci halda) “mühərrikinin” sözündən əvvəl “mopedləri, habelə elektrik mühərriki olan və ya” sözləri əlavə edilsin;
3.2. 1.5-ci bəndin 2-ci yarımbəndindən “, mopedi” sözü çıxarılsın;
3.3. 3.2-ci bənd üzrə:
3.3.1. birinci abzasda “Mexaniki nəqliyyat” sözləri “Nəqliyyat” sözü ilə əvəz edilsin;
3.3.2. ikinci abzasa “motosikletləri,” sözündən sonra “mopedləri,” sözü əlavə edilsin;
3.4. Əsasnaməyə 4 nömrəli əlavə - “Təcrübi imtahanın keçirilmə Metodikası” üzrə:
3.4.1. 5-ci hissənin adına “MOTOSİKLETDƏ” sözündən sonra “VƏ MOPEDDƏ” sözləri əlavə edilsin;
3.4.2. 5.1-ci bəndə “motosikletdə,” sözündən sonra “mopedlərdə,” sözü əlavə edilsin.
4. Azərbaycan Respublikası Nazirlər Kabinetinin 1999-cu il 6 aprel tarixli 60 nömrəli Qərarı (Azərbaycan Respublikasının Qanunvericilik Toplusu, 1999, № 4, maddə 267, (Cild I); 2025, № 1, maddə 88; Azərbaycan Respublikası Nazirlər Kabinetinin 2024-cü il 9 dekabr tarixli 519 nömrəli Qərarı) ilə təsdiq edilmiş “Yol hərəkətinin təhlükəsizliyi göstəricilərinin siyahısı, uçot və hesabat Qaydası”nda aşağıdakı dəyişikliklər edilsin:
4.1. 3.1-ci bəndə “qoşqularının” sözündən sonra “, habelə mopedlərin” sözləri əlavə edilsin;
4.2. 3.6.1-ci yarımbənddə “vasitəsi ilə” sözləri “vasitəsi, habelə mopedlərlə” sözləri ilə əvəz edilsin.
5. “Sürücülük vəsiqəsinin təsvirinin, spesifikasiyasının və nümunəsinin təsdiq edilməsi haqqında” Azərbaycan Respublikası Nazirlər Kabinetinin 2019-cu il 2 aprel tarixli 145 nömrəli Qərarında (Azərbaycan Respublikasının Qanunvericilik Toplusu, 2019, № 4, maddə 742 (Cild I); 2024, № 3, maddə 328) aşağıdakı dəyişikliklər edilsin:
5.1. həmin Qərarla təsdiq edilmiş 1 nömrəli əlavə - “Sürücülük vəsiqəsinin təsviri”nin birinci abzasına və 1.1-ci bəndinə “Motosikletləri,” sözündən sonra “mopedləri,” sözü əlavə edilsin;
5.2. həmin Qərarla təsdiq edilmiş 2 nömrəli əlavə - “Sürücülük vəsiqəsinin spesifikasiyası”nın birinci abzasına və 1.1-ci bəndinə “Motosikletləri,” sözündən sonra “mopedləri,” sözü əlavə edilsin;
5.3. həmin Qərarla təsdiq edilmiş 3 nömrəli əlavə - “Sürücülük vəsiqəsinin nümunəsi”nin birinci abzasına “Motosikletləri,” sözündən sonra “mopedləri,” sözü əlavə edilsin.
Əli Əsədov
Azərbaycan Respublikasının Baş naziri
Bakı şəhəri, “ 27 ” “ iyul ” 2026-cı il
