26 May 2023 09:51
408
SİYASƏT
A- A+

Vladimir Orliç: Azərbaycan və Serbiya suverenlik, ərazi bütövlüyü məsələlərində həmrəylik nümayiş etdirir  

 

Mayın 25-də Milli Məclisin sədri Sahibə Qafarova Serbiya Respublikasının Milli Assambleyasının sədri Vladimir Orliçlə görüşüb.

Milli Məclisin Mətbuat və ictimaiyyətlə əlaqələr şöbəsindən AZƏRTAC-a bildiriblər ki, Azərbaycan ilə Serbiya arasında dostluq və strateji tərəfdaşlıq münasibətlərinin inkişaf etdiyini deyən Vladimir Orliç iki ölkənin dövlət başçıları arasında münasibətlər və qarşılıqlı səfərlər əlaqələrimizin daha da genişlənməsinə imkan verdiyini vurğulayıb.

Serbiya parlamentinin spikeri qeyd edib ki, müxtəlif sahələri əhatə edən əməkdaşlıq münasibətlərinə malik ölkələrimiz suverenlik və ərazi bütövlüyü məsələlərində həmrəylik nümayiş etdirir.

Parlamentlərarası münasibətlərin inkişaf perspektivlərindən danışan Assambleya sədri bu səfərin münasibətlərimizin daha da dərinləşməsinə xidmət edəcəyini söyləyib. O qeyd edib ki, Serbiya Milli Assambleyası ilə Azərbaycan Milli Məclisi arasında imzalanan anlaşma memorandumu qanunverici orqanlarımız arasındakı əlaqələri yeni səviyyəyə qaldıracaq.

Milli Məclisin sədri Sahibə Qafarova öz növbəsində bildirib ki, Azərbaycan ilə Serbiya arasında dostluq və strateji tərəfdaşlıq münasibətləri məmnunluq doğurur. Prezident İlham Əliyevin qeyd etdiyi kimi, Serbiya Azərbaycanın Avropadakı ən yaxın dostlarından biridir. Dövlət başçıları arasındakı dostluq münasibətləri ölkələrimizin əlaqələrinin sürətli inkişafında önəmli rol oynayır.

Söhbət zamanı Azərbaycan və Serbiyanın prinsipial məsələlərdə həm beynəlxalq təşkilatlarda, həm də ikitərəfli əlaqələrdə bir-birini daim qarşılıqlı şəkildə dəstəklədiyi, həmrəylik nümayiş etdirdiyi diqqətə çatdırılıb.

Qeyd edilib ki, Azərbaycan və Serbiya xalqları arasında dostluq əlaqələri dövlətlərarası münasibətlərin inkişafı üçün möhkəm əsasdır.

Görüşdə 44 günlük Vətən müharibəsi başa çatdıqdan sonrakı dövrdə regionda mövcud olan vəziyyət, azad olunmuş ərazilərimizdə həyata keçirilən irimiqyaslı bərpa və quruculuq işləri barədə də məlumat verilib. Bildirilib ki, Azərbaycan hazırda Qarabağda və Şərqi Zəngəzurda müasir şəhər və kəndlər inşa edir. Artıq Böyük Qayıdış proqramına start verilib.

Eyni zamanda, Azərbaycanın regionda dayanıqlı sülhün və sabitliyin təmin olunması üçün səy göstərdiyi, Ermənistana sülh sazişi imzalamağı təklif etdiyi vurğulanıb.

Görüşdə qarşılıqlı maraq doğuran digər məsələlər ətrafında da fikir mübadiləsi aparılıb.

Sonra Milli Məclisin nümayəndə heyəti Serbiya Milli Assambleyasının binası ilə tanış olub, Sahibə Qafarova Assambleyanın xatirə kitabını imzalayıb.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video