03 Aprel 2024 14:12
199
DÜNYA
A- A+

Türkiyə Prezidenti son 12 ildə İraqa ilk dəfə səfər edəcək

 

Türkiyə Prezidenti Rəcəb Tayyib Ərdoğanın aprelin 22-də İraqa səfəri planlaşdırılır.

AZƏRTAC A Haber telekanalına istinadla xəbər verir ki, bu, Türkiyə dövlət başçısının 12 ildən sonra İraqa ilk səfəri olacaq.

Telekanalın məlumatına görə, hazırda Türkiyə liderinin Bağdad səfərinə fəal hazırlıq gedir. Rəcəb Tayyib Ərdoğanın İraqda səfəri zamanı terrorla mübarizə də daxil olmaqla, bir sıra saziş və memorandumların imzalanacağı gözlənilir.

Analitiklərin sözlərinə görə, Türkiyə Silahlı Qüvvələri İraqın şimalında PKK-ya qarşı yeni hərbi əməliyyat keçirə bilər və Ankara bunun üçün İraq hakimiyyətinin dəstəyini qazanmağa çalışır.

Eyni zamanda, aprelin 24-də Almaniya Prezidenti Frank-Valter Ştaynmayerin Ankaraya səfəri gözlənilir. Bu, Almaniya prezidentinin son 10 ildə Türkiyəyə ilk səfəri olacaq. Danışıqların gündəliyinə Avropaya inteqrasiya və təhlükəsizlik məsələləri, həmçinin ticarət-iqtisadi əməkdaşlıq daxil ediləcək. “Eurofighter” qırıcılarının Türkiyəyə satılması məsələsi də hələlik həll olunmamış qalır. Belə ki, Almaniya konsorsiumun iştirakçısı kimi bu sövdələşməyə razılıq verməyib.

Rəcəb Tayyib Ərdoğan mayın 9-da ABŞ-da Prezident Cozef Baydenlə görüşəcək. Eyni zamanda, Misir prezidenti Əbdül-Fəttah əs-Sisi və Yunanıstanın Baş naziri Kiriakos Mitsotakis may ayında Türkiyəyə səfər edəcək.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video