Bakı sülh şərtlərini bir daha bəyan etdi
Ermənistan konstitusiyası dəyişilməli, Minsk qrupu ləğv edilməlidir
Ermənistanın konstitusiyasında Azərbaycana qarşı ərazi iddiaları var. Bununla bağlı rəsmi Bakı dəfələrlə bəyan edib ki, Ermənistanın hazırkı konstitusiyası dəyişməz qaldığı halda iki ölkə arasında sülh sazişinin bağlanması mümkün deyil.
Lakin İrəvan absurd bəhanələr edərək konstitusiyasında dəyişiklik etməkdən yayınır. Bununla da sülh bağlansa belə, Azərbaycana qarşı ərazi iddiasından əl götürmək istəmir. Dayanıqlı sülhdə maraqlı olmayan İrəvan çalışır ki, gələcəkdə yenidən Azərbaycana qarşı təcavüzə başlamaq üçün ehtiyat variantı olsun.
Ötən cümə Türkiyə Böyük Millət Məclisinin üzvlərindən ibarət nümayəndə heyətini qəbul edən zaman Prezident İlham Əliyev regional vəziyyətə toxunaraq dedi ki, Azərbaycan bölgədə davamlı sülhün təmin olunmasının tərəfdarıdır. Dövlət başçısı vurğuladı ki, bunun üçün Ermənistan konstitusiyasında Azərbaycana qarşı olan ərazi iddiaları aradan qaldırılmalıdır və konstitusiya dəyişdirilməlidir.
"Keçmişin qalığı olan Minsk qrupunun saxlanmasına nə ehtiyac var?!"
Ermənistanın digər bir təcavüzkar planı ATƏT-in keçmiş Minsk qrupunun ləğvinə qol qoymamasıdır. Faktdır ki, Minsk qrupunun 28 illik fəaliyyətinin nəticəsi danışıqlar prosesinin dalana dirənməsi olub. İşlərini yalnız bölgəyə turist səfərləri etməklə bitmiş hesab edən həmsədrlər bu müddətdə münaqişənin Ermənistanın xeyrinə sonsuzadək dondurulmasına çalışıblar. İkilistandartlı səbəblər ucbatından Qarabağ münaqişəsinin həlli yalnız müharibə yolu ilə mümkün oldu. Buna görə Minsk qrupunun ləğvinə hüquqi cəhətdən də son qoyulmasının vaxtı, əslində, çoxdan çatmışdı. Bu qrupun ləğvi üçün Azərbaycanla Ermənistan birgə ATƏT-ə müraciət etməlidirlər. Lakin Ermənistan birgə müraciətdən yayınır, bununla da ölkəmizə qarşı gələcəkdə də ərazi iddiası irəli sürmək niyyətində olduğunu açıq şəkildə ortaya qoyur.
Sözügedən görüşdə Prezident İlham Əliyev vurğuladı ki, artıq keçmişin qalığı olan ATƏT-in Minsk qrupu və onunla əlaqədar olan təsisatlar tamamilə ləğv edilməlidir. Dövlətimizin başçısı Minsk qrupunun ləğv edilməməsi ilə bağlı Ermənistanın mövqeyinin heç bir halda başadüşülən olmadığını dedi: "Çünki əgər münaqişə keçmişdə qalıbsa və Ermənistanın baş naziri Azərbaycanın ərazi bütövlüyünü dəstəklədiyini ifadə edirsə, onda keçmişin qalığı olan Minsk qrupunun saxlanmasına nə ehtiyac var?!"
Bununla bağlı əsasnamə imzalanıb
Azərbaycan hər zaman regionda normallaşmaya nail olunması, davamlı sülhün əldə edilməsi üçün təşəbbüslərlə çıxış edir, bu istiqamətdə əməli işlər gerçəkləşdirir. Bu ilin əvvəlindən Azərbaycan ilə Ermənistan arasında sərhədlərin delimitasiya və demarkasiya işlərinə başlanılması, ikitərəfli danışıqlara start verilməsi kimi müsbət addımlar da Bakının səylərinin mühüm nəticəsidir.
Avqustun 30-da Azərbaycan və Ermənistan arasında dövlət sərhədinin delimitasiyası üzrə komissiyaların birgə fəaliyyəti haqqında əsasnamə imzalanıb. Məlumata görə, Azərbaycan ilə Ermənistan arasında dövlət sərhədinin delimitasiyası üzrə Dövlət Komissiyası və Ermənistan ilə Azərbaycan arasında dövlət sərhədinin delimitasiyası və sərhəd təhlükəsizliyi məsələləri üzrə komissiyanın 2024-cü il aprelin 19-da imzalanmış 8-ci görüşünün Protokoluna uyğun olaraq, komissiyaların birgə fəaliyyəti haqqında əsasnamənin razılaşdırılması ilə bağlı işlər yekunlaşıb. Vurğulanıb ki, hazırda Azərbaycan və Ermənistan dövlətdaxili prosedurların keçirilməsinə başlayıblar.
Göründüyü kimi, Azərbaycanın münasibətlərin normallaşdırılması istiqamətində təşəbbüsləri müsbət nəticə verir. Lakin Ermənistan Qərb himayədarlarının qızışdırması ilə müharibə eyforiyasına qapılaraq sülhdən yayınır. Bu məqamla bağlı dövlətimizin başçısı da söylədi ki, görünür, Ermənistan sülh müqaviləsində və regionda davamlı sülhün əldə edilməsində maraqlı deyil: "Ermənistan qəsdən vaxt uzadır, Fransadan, digər Qərb ölkələrindən və başqa tərəflərdən yeni silahlar alır, öz ərazisində üçüncü tərəflərlə hərbi təlimlər keçirir".
Amma revanşa qapılması, Azərbaycana qarşı ərazi iddiasından əl çəkməməsi Ermənistanı bir dövlət olaraq uçuruma aparır.
Yasəmən MUSAYEVA,
"Azərbaycan"
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Füzuli şəhərində seçici fəallığı müşahidə olunur
01 Sentyabr
Paris-2024: Azərbaycan medal sıralamasında 24-cü pilləyə yüksəlib
01 Sentyabr
Banqkok-Vyana reysini yerinə yetirən təyyarə Bakı hava limanına təcili eniş edib
01 Sentyabr
İşğaldan azad olunan Füzuli şəhərində səsvermə prosesi 4 seçki məntəqəsində təşkil edilib ...
01 Sentyabr
Məntəqə sədri: Seçki prosesinin mütəşəkkil və şəffaf keçirilməsi üçün hərtərəfli şərait yaradılıb...
01 Sentyabr
Şəki-Zaqatala bölgəsində Milli Məclisə 8 mandat uğrunda 67 namizəd mübarizə aparır
01 Sentyabr
Şimal bölgəsinin seçiciləri yeddi dairə üzrə 53 namizəd arasında seçim edir
01 Sentyabr
Prezident İlham Əliyev, birinci xanım Mehriban Əliyeva və qızları Leyla Əliyeva səs veriblər YENİLƏN...
01 Sentyabr
Qırğız parlamentari: Seçkilərdə bütün partiyaların fəallığı müşahidə olunur
01 Sentyabr
Lənkəran seçki dairəsinin 24 saylı məntəqəsində səsvermənin şəffaf keçirilməsi üçün lazımi şərait ya...
01 Sentyabr
DİQQƏT ÇƏKƏNLƏR
Azərbaycan-Özbəkistan münasibətləri yeni mərhələdə: Strateji müttəfiqlik iki ölkəni daha da gücləndi...30 Avqust 2024
![](/uploads/img/posts/2024/08/30/17244104092088730123 Копированиеjpg-1724969916.jpg)
Strateji tərəfdaşlıq güclənir, qlobal nüfuz artır 28 Avqust 2024
![](/uploads/img/posts/2024/08/28/manset Копированиеjpg-1724791281.jpg)
Mehriban Əliyeva - Azərbaycan humanizminin simvolu26 Avqust 2024
![](/uploads/img/posts/2024/08/26/17246441985346750166_1200x630jpg-1724646204.jpg)
"Gəl sənə Laçınımı göstərim..."25 Avqust 2024
![](/uploads/img/posts/2024/08/25/16930664043345830467jpg-1724536246.jpg)
"Mehriban xanım ürəyimizdə elə bir saray qurub ki..."24 Avqust 2024
![](/uploads/img/posts/2024/08/24/16930632301761151988jpg-1724463695.jpg)
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!