TDT-yə üzv ölkələrin Məhkəmə-Hüquq şuraları sədrlərinin növbəti toplantısı Azərbaycanda keçiriləcək
“Türk Dövlətləri Təşkilatına (TDT) üzv və müşahidəçi ölkələrin Məhkəmə-Hüquq şuralarının sədrlərinin növbəti toplantısının 2025-ci ilin may ayında Azərbaycanda keçirilməsi ilə bağlı təklif etdik və təklif qəbul olundu. Gələn il hər birinizi Azərbaycanda görməkdən məmnun olarıq.
AZƏRTAC xəbər verir ki, bu fikirləri İstanbulda keçirilən Türk Dövlətləri Təşkilatına (TDT) üzv və müşahidəçi ölkələrin Məhkəmə-Hüquq Şuralarının sədrlərinin ikinci toplantısında çıxışı zamanı Azərbaycan Ali Məhkəməsinin və Məhkəmə-Hüquq Şurasının sədri İnam Kərimov bildirib.
Tədbir çərçivəsində keçirilən “Ölkələrin təqdimatı: Hüquq-məhkəmə orqanlarının strukturu, vəzifəsi, səlahiyyətləri” mövzusunda panel iclasla çıxış edən İnam Kərimov belə tədbirlərin keçirilməsinin qarşılıqlı təcrübələrindən faydalanmaq, əməkdaşlığın gücləndirilməsi və ümumi maraqlar üçün fəaliyyətin birgə təşkili baxımından əhəmiyyətini vurğulayıb, Azərbaycan Respublikası Məhkəmə-Hüquq Şurasının fəaliyyəti haqqında iştirakçılara geniş məlumat verib.
Azərbaycanda hakimlərin seçimi prosesinə toxunan sədr bildirib ki, hələ 2005-ci ildən ölkəmizdə hakimliyə namizədlərin mütərəqqi və şəffaf üsullarla seçilməsi qaydası tətbiq olunur.
“Ən mühüm yeniliklərdən biri də ondan ibarətdir ki, artıq namizədlər bütün imtahanlar üzrə topladıqları ballara uyğun sıralanır və gələcək iş yerlərini mövcud vakansiyalar çərçivəsində özləri seçirlər. Prosesin obyektivliyi və şəffaflığına əlavə dəyər qatan məhz bu yeni qaydalarla keçirilmiş müsabiqə əsasında qısa müddətə 59 nəfər hakim vəzifəsinə təyin edilib. Hakim vəzifəsinə təyin edilən həmin namizədlərin yarısından çoxunu qadınlar təşkil edir”, - deyə İnam Kərimov bildirib.
Beynəlxalq əməkdaşlığın genişləndirilməsi, xüsusilə türkdilli dövlətlərlə qarşılıqlı təcrübə mübadiləsinin daha da gücləndirilməsinin ölkəmizin əsas prioritetlərdən biri olduğunu diqqətə çatdıran sədr deyib: “Hesab edirəm ki, hazırda dünyada gedən regionallaşma mühiti dövlətlərarası əlaqələrin dərinləşməsini və region ölkələrinin inteqrasiyasını şərtləndirir.
Ötən il bizim təşəbbüsümüzlə Şuşada Türk Dövlətləri Təşkilatına üzv və müşahidəçi ölkələrin məhkəmə orqanları arasında əlaqələrin genişləndirilməsi, ümumi maraq doğuran məsələlər üzrə fikir və təcrübə mübadiləsinin aparılması məqsədilə Türk Dövlətləri Ali Məhkəmələrinin Konfransı təsis edilib”.
İnam Kərimov İstanbulda keçirilən bu tədbirin də qardaş dövlətlərimiz arasında münasibətlərin dərinləşdirilməsi, yeni əməkdaşlıq sahələrinin yaradılması baxımından müstəsna rol oynadığını bildirərək, görüşün olduqca faydalı nəticələr hasil edəcəyinə əminliyini ifadə edib.
Qeyd edək ki, Türk Dövlətləri Təşkilatına üzv və müşahidəçi ölkələrin Məhkəmə-Hüquq Şuralarının sədrlərinin növbəti toplantısının Azərbaycanda keçirilməsi ilə bağlı qərar İstanbul görüşündə qəbul edilib.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Rəssam dronun ilk əsəri nümayiş olunub
27 Iyul
Yeni buz forması kəşf edilib
27 Iyul
Yeni axtarış sistemi işə salınır
27 Iyul
Parlament seçkilər ilə əlaqədar 6 milyon 516 min 567 seçki bülleteni çap ediləcək
27 Iyul
Azərbaycanın güllə atıcısı Paris olimpiadasında 24-cü olub
27 Iyul
Parlament seçkilərində müşahidəçi qismində iştirak etmək üçün indiyədək 2794 nəfər akkreditasiyadan ...
27 Iyul
Gəncədə sənaye müəssisələrinin rəhbərlərilə görüş keçirilib
27 Iyul
Milli Məclisə növbədənkənar seçkilərdə iştirak üçün 1255 nəfər müraciət edib
27 Iyul
Rövzət Qasımov: Ombudsman Aparatı və MSK parlament seçkiləri ilə əlaqədar birgə maarifləndirmə tədbi...
27 Iyul
Sorğu: Almaniyalıların 73 faizi hökumətin işindən narazıdır
27 Iyul
DİQQƏT ÇƏKƏNLƏR
ÇOX OXUNANLAR
Həqiqətə çağırış25 Iyul 2024
![](/uploads/img/posts/2024/07/25/Clip_23jpg-1721862946.jpg)
Uzaqgörənlik24 Iyul 2024
![](/uploads/img/posts/2024/07/24/1 copyjpg-1721771921.jpg)
Azərbaycan iqlim dəyişikliyi ilə mübarizədə qlobal səviyyədə tanınır23 Iyul 2024
![](/uploads/img/posts/2024/07/23/Clip_2jpg-1721686526.jpg)
Azərbaycan Qlobal Cənubla Qlobal Şimal arasında təmasları gücləndirir YENİLƏNİB - 2 VİDEO...21 Iyul 2024
![](/uploads/img/posts/2024/07/20/1721480194305007127_1200x630jpg-1721495783.jpg)
Avropanın Azərbaycana ehtiyacı artır20 Iyul 2024
![](/uploads/img/posts/2024/07/20/Clipjpg-1721423683jpg-1721453251.jpg)
Bütün yollar Qarabağa aparır18 Iyul 2024
![](/uploads/img/posts/2024/07/18/Clip_8jpg-1721248442.jpg)
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!