15 Iyun 2024 15:56
410
SİYASƏT
A- A+

Səməd Seyidov: Bu gün tamamilə başqa bir Azərbaycanın, Türk dünyasının şahidiyik

 

Bu gün tarixi gündür. Bu gün tamamilə başqa bir Azərbaycanın, Türk dünyasının şahidiyik. Təsadüfü deyil ki, bizim bu üçüncü sessiyamız “Türk dünyası-2040”: gələcəyə konseptual baxış” adlandırılır. Bundan öncəki hər iki sessiya gələcəyə baxışla bağlı idi. Hər iki sessiyada dərin, məzmunlu, vacib əhəmiyyətli məsələlər müzakirə edildi.

AZƏRTAC xəbər verir ki, bunu “Türk Dövlətləri Təşkilatı: geosiyasi reallıqlar və qlobal kataklizmlər fonunda yeni strateji hədəflərə doğru” mövzusunda iyunun 15-də Şuşada keçirilən beynəlxalq konfrans çərçivəsində təşkil edilən “Türk dünyası-2040”: gələcəyə konseptual baxış” mövzusunda üçüncü plenar sessiyanın moderatoru, Milli Məclisin Beynəlxalq münasibətlər və parlamentlərarası əlaqələr komitəsinin sədri Səməd Seyidov deyib.

O qeyd edib ki, bu gün dünya öz istiqamətində, öz inkişafında, öz çağırışlarında, öz təhdidlərində, öz problemlərində strateji təhlil və konseptual baxış tələb edir: “Atdığımız hər bir addım, hər bir nəticə məhz strateji təhlil nöqteyi-nəzərdən həyata keçirilir. Bunun da kökü var: Ümummilli Lider Heydər Əliyevin, Prezident İlham Əliyevin siyasəti. Türk dövlətləri rəhbərlərinin, prezidentlərinin görüşləri, gələcəyə baxışları”.

Səməd Seyidov deyib ki, 2009-cu ildə yaradılmış qurum məhz strateji və konseptual baxış nəticəsində 2021-ci ildə Türk Dövlətləri Təşkilatı zirvəsinə yüksəlib.

“Müharibədə 44 gün ərzində qalib gələn Azərbaycan illər boyu strateji siyasət aparırdı, konseptual yanaşmalar gündəmə gətirirdi. Təsəvvür edin, müharibə qutarandan, cəmi bir neçə ay keçəndən sonra müqəddəs Şuşada Şuşa Bəyannaməsi imzalandı. Bu Bəyannamə strateji baxış fəlsəfəsidir. Gələcəyə baxış fəlsəfəsidir. Konseptual yanaşma fəlsəfəsidir. Bu, mənzərəni tamamilə dəyişir. Dünyada Türk dünyasının mövcudluğunu dəyişir. Üstündən bir neçə müddət keçəndən sonra İstanbulda Zirvə toplantısında “2040 – dünyaya strateji baxış” adlandırılan, mühüm strateji əhəmiyyət kəsb edən sənəd qəbul olunur. O sənədin içərisində bu gün müzakirə etdiyimiz demək olar ki, bütün mövzular əhatəsini tapıb. Orada dörd əsas istiqamət tapa bilərsiniz. Birincisi, xarici siyasət, ümumiyyətlə, siyasət və təhlükəsizlik. Bu gün bu haqa bütün məsələlər müzakirə olundu. İkincisi, iqtisadiyyat, bu məsələlər də müzakirə olunacaq. Üçüncüsü, xalqlarımız arasında əlaqələr, onların yaxınlaşması, bu gün Şimali Kiprin burada olması, bizim ailəmizin üzvü kimi fəaliyyət göstərməsi, çıxış etməsi bu siyasətin, bu strategiyanın nəticəsidir. Nəhayət, dördüncüsü, dünya dillərində danışmaq, dünya ilə ünsiyyət qurmaq, dünyanı Türk dünyasına yaxınlaşdırmaq və Türk dünyasını dünyaya açmaq siyasətidir”, - deyə S.Seyidov bildirib.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video