30 May 2023 18:14
441
SİYASƏT
A- A+

Səməd Seyidov: Azərbaycanın göstərdiyi bütün səylər regionda təhlükəsizliyin təmin olunmasına yönəlib

 

Azərbaycanın Avropa İttifaqı ilə əməkdaşlıq əlaqələri inkişaf edərək genişlənir. Avropa İttifaqı Şurasının Prezidenti Şarl Mişel Azərbaycan ilə Ermənistan arasında münasibətlərin normallaşması istiqamətində səylərini əsirgəmir. Biz bunu yüksək qiymətləndiririk.

AZƏRTAC xəbər verir ki, bu fikirləri Milli Məclisin Beynəlxalq münasibətlər və parlamentlərarası əlaqələr komitəsinin sədri Səməd Seyidov mayın 30-da Avropa İttifaqı Şurasının Şərqi Avropa və Mərkəzi Asiya üzrə işçi qrupunun nümayəndə heyəti ilə görüşdə səsləndirib.

Azərbaycan ilə Avropa İttifaqı arasında enerji sahəsində əməkdaşlıqla bağlı Anlaşma Memorandumunun imzalanmasının əlaqələrin inkişafında xüsusi rolunu qeyd edən komitə sədri ölkəmizlə Ermənistan arasında sülh sazişi məsələsinə də toxunub.

“Bizim Qarabağ, Laçın dəhlizi ilə bağlı mövqeyimiz aydındır. Azərbaycanın göstərdiyi bütün səylər ərazi bütövlüyünün, təhlükəsizliyin təmin olunmasına yönəlib. Ölkəmiz Qarabağ ermənilərinə bütün hüquqları verir. Ermənistan hər vəchlə sülh sazişini imzalamaqdan yayınır və regionda sülhün, təhlükəsizliyin təmin olunmasına mane olur”, - deyə Səməd Seyidov diqqətə çatdırıb.

Azərbaycanın tolerant ölkə olduğunu xatırladan komitə sədri ölkəmizdə müxtəlif millətlərin nümayəndələrinin dostluq şəraitində yaşadıqlarını qeyd edib.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video