15 Yanvar 2022 16:42
299
CƏMİYYƏT

Şəhid Elçin Nəsirovun xatirəsi anılıb

Vətən müharibəsində qəhrəmanlıqla döyüşərək şəhid olan Elçin Nəsirovun ad günündə xatirəsi anılıb. Şəhidin 34 yaşının tamam olması münasibətilə keçirilən mərasimdə Füzuli Rayon İcra Hakimiyyətinin, Səfərbərlik və Hərbi Xidmətə Çağırış üzrə Dövlət Xidmətinin rayon şöbəsinin əməkdaşları, döyüş yoldaşları, məktəb və bağça kollektivi, Qarabağ müharibəsi qaziləri və Əhmədalılar kənd sakinləri iştirak ediblər.

AZƏRTAC-ın bölgə müxbiri xəbər verir ki, şəhidin məzarı ziyarət olunub, üzərinə gül çiçəklər düzülüb, ruhuna dualar oxunub. Daha sonra şəhid Elçin Nəsirovun adına inşa olunan bulaq ziyarət edilib. Məktəblilər Vətənə, qəhrəmanlara həsr edilən şeirlər səsləndiriblər. Çıxış edənlər Elçinin həyat yolundan, vətənpərvərliyindən söhbət açıblar. Bildirilib ki, Nəsirov Elçin Ramiz oğlu 1988-ci il yanvarın 13-də Füzulinin Əhmədalılar kəndində anadan olub. Hələ azyaşlı vaxtlarından hərbçi olmağı arzu edib. Əsgərliyini ön cəbhədə keçən Elçin xidmətini fəxri fərmanlarla bitirib. Aprel döyüşlərindən sonra ordu sıralarında müddətdən artıq hərbçi kimi xidmətə başlayıb. Hərb sirlərinə peşəkarcasına yiyələn Elçin kəşfiyyatçı snayperçi olub. Vətən müharibəsi zamanı Hadrut qəsəbəsinin və Füzulinin azadlığı uğrunda gedən döyüşlərdə şücaəti ilə seçilib. Açdığı dəqiq atəşlə düşmənin xeyli qüvvəsini məhv edib. Elçin Nəsirov oktyabrın 25-də Füzuli ərazisində Qorqan istiqamətində gedən gərgin döyüşlər zamanı qəhrəmancasına şəhid olub.

Elçin Nəsirov döyüşlərdə göstərdiyi şücaətə görə ölümündən sonra “Vətən uğrunda”, “Cəsur döyüşçü”, “Füzulinin azad olunmasına görə”, “Xocavəndin azad olunmasına görə” medalları ilə təltif edilib.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video