22 Sentyabr 2023 12:02
291
CƏMİYYƏT
A- A+

Şəhər təsərrüfatındakı vəziyyət və infrastruktur layihələrin icrası müzakirə olunub


Şirvan ŞİH-də idarə, müəssisə və təşkilatların, xidmət sahələrinin rəhbərlərinin iştirakı ilə şəhər təsərrüfatında vəziyyət və infrastruktur layihələr müzakirə edilib. 

Şəhər icra hakimiyyətinin başçısı İlqar Abbasov regionların sosial-iqtisadi inkişafı dövlət proqramı çərçivəsində Şirvanda da xeyli işlərin görüldüyünü, su-kanalizasiya sisteminin yenidən qurulması, küçələrin işıqlandırılması, nümunəvi məhəllələrin, yaşıllıqların salınması işlərinin davam etdirildiyini qeyd etmişdir. Bildirmişdir ki, şəhərin 2024-2028-ci illər üçün "Yeniləşən Şirvan" sosial-iqtisadi inkişaf konsepsiyasında nəzərdə tutulmuş tədbirlərin icrası şəhərin sosial-iqtisadi inkişafında keyfiyyətcə yeni mərhələnin başlanğıcının qoyulmasında, müasirləşməsində, kommunal, xidmət və sosial infrastruktur təminatının həcminin və keyfiyyətinin artırılmasında əhəmiyyətli rol oynayacaq. Əhalinin yaşayış sahələrinə olan ehtiyacının ödənilməsi və mənzil-məişət şəraitinin yaxşılaşdırılması ilə əlaqədar şəhərdə Mənzil İnşaatı Dövlət Agentliyi (MİDA) tərəfindən inşa ediləcək "Yeni Şirvan" yaşayış kompleksinin tikintisinə hazırlıq işlərinin başlanıldığını diqqətə çatdıran İ.Abbasov hazırda ərazidə səyyar beton zavodunun quraşdırıldığını və elektrik xətlərinin çəkildiyini demişdir. 

Sonra şəhər təsərrüfatında vəziyyət və infrastruktur layihələr barədə məlumat verilmişdir. Qeyd olunmuşdur ki, "Heydər Əliyev İli" çərçivəsində Ulu Öndərin adını daşıyan park və meydanda yenidənqurma, əsaslı və cari təmir işləri aparılmış, 125 küçə, 5 park, 4 xiyaban, 

8 məhəllə, 3 meydan və 2 dairədə işıqlandıma işləri başa çatdırılmışdır. Daha 71 küçənin işıqlandırılması da nəzərdə tutulmuşdur. Bunlardan əlavə, müxtəlif ərazilərdə digər abadlıq və yenidənqurma işləri də həyata keçirilmişdir. 

Sonra müzakirələr olmuşdur. Çıxış edənlər şəhərdə sosial-iqtisadi sahədə görülmüş işlərdən danışaraq mövcud problemlərin həlli ilə bağlı təkliflərini bildirmişlər.
 


Seyran CAVADOV,
"Azərbaycan"

 

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video