“Fransa prezidenti Emmanuel Makronun bəyanatı gürcülərin müxtəlif ölkələrin hakimiyyətlərinə inamını sarsıdan yalan rəvayətə əsaslanır. Hər bir kəs gürcü xalqının iradəsinə hörmət etməlidir”.
AZƏRTAC xəbər verir ki, bu sözləri jurnalistlərə açıqlamasında Gürcüstan parlamentinin sədri Şalva Papuaşvili söyləyib.
Onun sözlərinə görə, Gürcüstanda yeni seçkilərdən danışmaq ilk növbədə gürcü xalqına, ən azı 1 milyon 120 min insana hörmət edilmədiyini göstərir.
“Bir-birimizin suverenliyinə hörmət etmək BMT-nin əsas prinsipdir. Ona görə də yeni seçkilərlə bağlı danışıqlar gürcü xalqının suveren seçiminə müdaxilədir.
Biz bu və ya digər Avropa liderinin və ya siyasi gücünün legitimlik böhranlarını görürük. Əgər onlar başqa ölkələrin hakimiyyətlərindən danışmaq istəyirlərsə, o zaman biz də başqa dövlətlərin hakimiyyətlərindən danışacağıq. Onların bəziləri etibarını itirmiş Almaniyadakı kimi keçici hökumətlərdir. Onlar öz xalqının etimadını qaytarmaqla məşğul olmaq əvəzinə, Gürcüstan xalqının iradəsinə müdaxilə etməklə məşğuldurlar. Prezident Makronun Rusiyanın Gürcüstandakı seçkilərə müdaxiləsi barədə bəyanatının da yalan rəvayətə əsaslandığını görürük. Bu, ilk növbədə Fransanın Gürcüstandakı səfirliyinin üzərinə düşür. Prezidentlə söhbətində yalan danışıq bu səviyyəyə qalxır” – deyə, Papuaşvili bildirib.
O, daha sonra deyib: “Prezident Makronun dünənki açıqlaması yalan rəvayətə əsaslanır. Fransa prezidentinin yalan rəvayətə əsaslanan qənaətləri gürcü xalqının müxtəlif ölkələrin hakimiyyət orqanlarına inamını sarsıdır. Ona görə də hamı gürcü xalqının iradəsinə tabe olmalı və ona hörmət etməlidir”.
Prezident Emmanuel Makron Fransa səfirlərinin illik toplantısında deyib ki, son illərdə Rusiya təcavüzünü artırıb, avropalılara və dünyanın digər hissələrinə qarşı bu təcavüzün xarakterini dəyişib: “Biz bunu Rusiyanın birdən-birə müttəfiqliyini dəyişdiyi Ermənistanda görürük. Onlar Gürcüstanda seçki proseslərini pozaraq, bülletenləri qutulara ataraq müqavimət göstərdilər”.
jpg_1736333333.jpg)
jpeg_1736315054.jpeg)
