Prezident qətiyyəti
İlham ƏLİYEV: "Ərzaq təhlükəsizliyi məsələləri əminəm ki, Azərbaycanda maksimum dərəcədə təmin olunacaq"
Azərbaycan iqtisadiyyatı dünya iqtisadiyyatının ayrılmaz hissəsidir. Odur ki, dünyada gedən iqtisadi proseslər ölkəmizə də təsir edir. O cümlədən ərzaq məhsullarının bahalaşması da ölkəmizə təsirsiz qalmır.
Bu gün dünyada ərzaq təhlükəsizliyi ilə bağlı böyük narahatlıq olduğuna görə Azərbaycan bu istiqamətdə fəal iş aparır. Məqsəd görülmüş və görüləcək işlər nəticəsində ölkədə ərzaq təhlükəsizliyini maksimum dərəcədə təmin etməkdir. Doğrudur, kənd təsərrüfatının inkişafı ilə bağlı əvvəlki illərdə qəbul edilmiş qərarlar müsbət nəticəsini verir. Lakin dünyadakı ərzaq bahalaşması bu sahədə yeni, ardıcıl tədbirlərin həyata keçirilməsini tələb edir.
Xüsusilə taxıl qıtlığı bu gün müzakirə olunan başlıca mövzulardan birinə çevrilib. Təsadüfi deyil ki, Prezident İlham Əliyev İsmayıllı rayonuna səfəri zamanı Basqal qəsəbəsində Azərbaycan televiziyasına verdiyi müsahibədə bu məsələyə xüsusi olaraq toxunub: "Əfsuslar olsun ki, biz özümüzü taxılla hələ uzun illər tam təmin edə bilməyəcəyik. Özümüzü buğda ilə təminetmə əmsalı Azərbaycanda bu ilin əvvəlinə 62 faiz idi. Məhz bu məqsədlə xüsusi proqram işlənib hazırlandı, yeni növ subsidiyaların tətbiq edilməsinə start verildi və bunun nəticəsində əminəm ki, ərzaqlıq buğdanın Azərbaycanda istehsalı kəskin artacaq. Ancaq bu, vaxt tələb edəcək. Mən hesab edirəm ki, təqribən 3-4 il ərzində biz özümüzü ərzaqlıq buğda ilə 80 faiz səviyyəsində təmin edə bilsək, bu, çox böyük nəticə olacaqdır".
Lakin bu gün söhbət təkcə qiymətdən getmir. Eyni zamanda taxıl qıtlığı yaşanır. Rusiya-Ukrayna müharibəsi nəticəsində bir çox ölkələr fiziki cəhətdən öz əhalisini buğda ilə, taxılla təmin edə bilmirlər.
Çünki taxılın əsas ixracatçıları Rusiya və Ukraynadır. Ona görə də bu məsələdə böyük problemlər yaranmışdır. Ancaq ölkəmiz həmin sahədə problem yaşamır. Prezident bildirib ki, biz ənənəvi olaraq taxılı da, gübrəni də Rusiyadan alırıq. Rusiyalı tərəfdaşlarımızla əldə edilmiş razılaşmalar nəticəsində ölkəmizə istədiyimiz qədər həm gübrə, həm taxıl ixrac edilir və ediləcək. Gübrəyə gəldikdə, artıq özümüzdə də gübrə istehsal olunur. Karbamid gübrəsini hətta ixrac edirik. Digər gübrələr isə ölkəmizə kənardan gətirilir.
Yeri gəlmişkən qeyd edək ki, torpaqlarımız erməni işğalçılardan azad olunandan sonra Prezident dərhal vaxt itirmədən həmin yerlərdə əkin-biçinlə məşğul olmaq barədə göstəriş vermişdir. Bu il 50 min hektarda taxıl əkilmişdir və məhsul yığımı artıq yekunlaşır. Dövlət başçısı məhsuldarlığın aşağı olduğunu qeyd edərək demişdir: "Bu da təbiidir. Çünki uzun illər bu torpaqlar istifadəsiz qalmışdır, suvarma da yoxdur, dəmyə şəraitində taxıl yetişdirilir və birinci ildir ki, əkin aparılmışdır. Ona görə hektardan orta məhsuldarlıq təqribən 1 tondan aşağıdır. Ancaq əminəm ki, növbəti illərdə məhsuldarlıq daha da artacaq, əkin sahələri artacaq. Mən hesab edirəm ki, biz azad edilmiş torpaqlarda taxılçılıq üçün ən azı 100 min hektarı dövriyyəyə buraxmalıyıq və əlbəttə ki, bütün müasir aqrotexniki tədbirlərin görülməsi, o cümlədən suvarma məsələlərinin düzgün təşkil edilməsi şərtilə".
Xatırladaq ki, Qarabağdakı və Şərqi Zəngəzurdakı çaylarımız da 30 il erməni işğalında olmuşdu. Düşmənin bəd əməlləri bizi suyumuzdan da məhrum etmişdi. Tərtər çayının suyundan faktiki olaraq istifadə edə bilmirdik. Həkəri çayı, Bazar çayı və bir çox digər çaylar eyni taleyi yaşamışlar.
Lakin şübhə yoxdur ki, gələcəkdə Qarabağda və Şərqi Zəngəzurda yetişdiriləcək məhsullar ərzaq təhlükəsizliyinin təmin edilməsinə öz töhfələrini verəcək. Bunun üçün praktiki işlər aparılır. Torpaqlar minalardan təmizlənir. Növbəti illərdə əkin sahələrindən daha bol məhsul götürmək üçün suvarma layihələri, aqrotexniki tədbirlər həyata keçiriləcək, subsidiyalar işə böyük dərəcədə kömək edəcək. Çünki azad edilmiş ərazilərimizdə kənd təsərrüfatının - həm bitkiçiliyin, həm də heyvandarlığın inkişafı üçün münbit iqlim və təbii şərait var. Dövlət bundan maksimum dərəcədə səmərəli şəkildə istifadə etməyi qarşıya məqsəd qoyub. Nəzərə alsaq ki, hələ özümüzü tam, yəni 100 faiz əsas ərzaq məhsulları ilə təmin edə bilmirik, bunun necə böyük əhəmiyyət daşıdığı daha aydın olar.
İndi bu istiqamətdə ardıcıl işlər aparılır. Əvvəllər ölkə üçün ənənəvi olmayan, yəni sovetlər dönəmində az inkişaf edən heyvandarlıq sahəsinə diqqət getdikcə artırılır. Nəticə odur ki, bu gün özümüzü ət məhsulları ilə 90, quş əti ilə 80, süd və süd məhsulları ilə 85 faiz səviyyəsində təmin edirik. Dövlət başçısı növbəti 3-5 il ərzində bu sahədə 100 faiz səviyyəsinə çıxacağımıza əmin olduğunu bildirir. Baxmayaraq ki, əhali çoxalması ilə təlabat da artır. Başqa sözlə, ərzaq təhlükəsizliyi ilə bağlı məsələlər daim gündəmdədir.
Azad edilmiş torpaqlarda kənd təsərrüfatının müasir, planlı şəkildə ixtisaslaşma əsasında təşkili həmçinin oraya qayıdacaq insanların əkin-biçinlə məşğul olmasına, dolanışıqlarını özlərinin təmin etməsinə, yaxşı qazanc götürməsinə imkan verəcək. Eyni zamanda ölkəmizin ərzaqla təminatı və ixrac imkanları da xeyli artacaq.
İlk nəticələr artıq görünür. İkinci ildir çobanlar qoyun sürüləri ilə heyvandarlığın inkişafı üçün böyük perspektivləri olan Kəlbəcər, Laçın, Zəngilan rayonlarına göndərilib. Kəlbəcər və Laçında arıçılar öz təsərrüfatlarını quraraq fəaliyyətə başlayıblar və artıq şirin nemət istehsal edirlər. Bu rayonlar tezliklə bal ixracatçıları sırasına qoşulacaq. Füzuli, Ağdam, Cəbrayıl, Qubadlı rayonlarında isə taxılçılıq, eləcə də üzümçülük, meyvəçilik, fındıqçılıq sahələri inkişaf etdiriləcək. Görülən kompleks tədbirlər nəticəsində ən böyük məhsuldarlıq məhz Qarabağ və Şərqi Zəngəzur torpaqlarında olacaq.
Göründüyü kimi, kənd təsərrüfatının inkişafı ilə bağlı əvvəlki illərdə qəbul edilmiş qərarlar artıq öz bəhrəsini verir. O ki, qaldı ərzaq təhlükəsizliyi ilə bağlı dünyada yaranmış narahatlığa, dövlət başçısı qətiyyətli şəkildə vurğuladı ki, Azərbaycan da bu istiqamətdə fəal iş aparır. Görülmüş və görüləcək işlər nəticəsində Cənubi Qafqazın lider dövləti bu sahədə də özünü təmin etmiş ölkəyə çevriləcək: "Ərzaq təhlükəsizliyi məsələləri, əminəm ki, Azərbaycanda maksimum dərəcədə təmin olunacaq".
Flora SADIQLI,
"Azərbaycan"
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Bakıda Qırğızıstanın müstəqillik günü təntənə ilə qeyd edilib
01 Sentyabr
Parisdə keçirilən aksiyada Avropa İttifaqının bayrağı cırılıb
31 Avqust
Naxçıvanda parlament seçkiləri 331 məntəqədə keçiriləcək
31 Avqust
Vuçiç: Serbiya 2030-cu ilədək Aİ-yə üzv ola bilməyəcək
31 Avqust
Birinci vitse-prezident Mehriban Əliyeva Paralimpiya Oyunlarında gümüş medal qazanan Raman Saleyi tə...
31 Avqust
Premyer Liqa: “Sabah” “Kəpəz”ə qalib gəlib
31 Avqust
“Paris-2024”: Azərbaycan paraüzgüçüsü gümüş medal qazanıb
31 Avqust
Yəməndə yanacaqdoldurma məntəqəsində partlayış olub
31 Avqust
Premyer Liqa: "Neftçi" Şamaxıda xal itirib
31 Avqust
Dmitri Kobitski: Azərbaycanda seçki prosesləri bütün qəbul edilmiş beynəlxalq normalara uyğundur...
31 Avqust
DİQQƏT ÇƏKƏNLƏR
Azərbaycan-Özbəkistan münasibətləri yeni mərhələdə: Strateji müttəfiqlik iki ölkəni daha da gücləndi...30 Avqust 2024
![](/uploads/img/posts/2024/08/30/17244104092088730123 Копированиеjpg-1724969916.jpg)
Strateji tərəfdaşlıq güclənir, qlobal nüfuz artır 28 Avqust 2024
![](/uploads/img/posts/2024/08/28/manset Копированиеjpg-1724791281.jpg)
Mehriban Əliyeva - Azərbaycan humanizminin simvolu26 Avqust 2024
![](/uploads/img/posts/2024/08/26/17246441985346750166_1200x630jpg-1724646204.jpg)
"Gəl sənə Laçınımı göstərim..."25 Avqust 2024
![](/uploads/img/posts/2024/08/25/16930664043345830467jpg-1724536246.jpg)
"Mehriban xanım ürəyimizdə elə bir saray qurub ki..."24 Avqust 2024
![](/uploads/img/posts/2024/08/24/16930632301761151988jpg-1724463695.jpg)
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!