Milli Məclisdə Rusiya Federal Məclisi Federasiya Şurasının nümayəndə heyəti ilə görüş olub
Mayın 16-da Milli Məclis sədrinin birinci müavini, parlamentin Hüquq siyasəti və dövlət quruculuğu komitəsinin sədri Əli Hüseynli Milli Məclisin Ümummilli Lider Heydər Əliyevin 100 illiyinə həsr edilən xüsusi iclasında iştirak etmək üçün ölkəmizdə səfərdə olan Rusiya Federasiyası Federal Məclisi Federasiya Şurası sədrinin birinci müavini Andrey Yatskinin başçılıq etdiyi nümayəndə heyəti ilə görüşüb.
AZƏRTAC xəbər verir ki, görüşdə Ulu Öndər Heydər Əliyevin Azərbaycan tarixindəki misilsiz xidmətlərindən bəhs edən Ə.Hüseynli Ümummilli Liderin uğurlu siyasəti nəticəsində ölkəmizin sürətlə inkişaf etdiyini bildirib. Qeyd edib ki, Heydər Əliyevin Azərbaycanda hakimiyyətə gəlişi ilə xarici siyasət, o cümlədən Rusiya ilə münasibətlər yaxşılığa doğru irəliləyib.
Milli Məclis sədrinin müavini vurğulayıb ki, çoxəsrlik tarixə söykənən Azərbaycan-Rusiya münasibətləri ölkələrimiz arasındakı ənənəvi dostluğa əsaslanır. Hər iki ölkə prezidentlərinin rəhbərliyi ilə dövlətlərimiz arasındakı tərəfdaşlıq strateji səviyyəyə yüksəlib. Azərbaycan-Rusiya parlamentlərarası əlaqələri də dinamik inkişaf edir və yeni məzmunla zənginləşir.
Rusiya Federasiyası Federal Məclisi Federasiya Şurası sədrinin birinci müavini Andrey Yatskin bildirib ki, Azərbaycan Rusiya üçün dost ölkədir. Hazırda ölkələrimiz arasında mövcud əlaqələrdən, perspektivlərdən bəhs edən Andrey Yatskin Rusiya-Azərbaycan münasibətlərinin bundan sonra da güclənib inkişaf edəcəyinə inamını ifadə edib. O, həmçinin parlamentlərarası münasibətlərin daha da genişləndirilməsinin əhəmiyyətini vurğulayıb.
Görüşdə iştirak edən Milli Məclisin deputatı Mixail Zabelin Azərbaycan-Rusiya əlaqələrinin inkişaf perspektivlərindən danışıb.
Sonda qarşılıqlı maraq doğuran məsələlər barədə fikir mübadiləsi aparılıb.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Bəşəri dəyər
26 Aprel
COP29 "yaşıl dünya"ya qapı açacaq
26 Aprel
Azərbaycan Respublikasının Prezidenti zati-aliləri cənab İlham Əliyevə
26 Aprel
Sahibkarlar Gününə həsr olunmuş konfrans keçirilib
26 Aprel
Azərbaycan istənilən təhdidə cavab vermək gücündədir
26 Aprel
Qarşılıqlı hörmət və etimadın təzahürü
26 Aprel
Qərbin yeni "Vardanyan şousu"
26 Aprel
ABŞ "demokratiyası"nın tərs aynası
26 Aprel
Sülhməramlıların Qarabağdan getməsi Azərbaycanla Rusiya arasındakı qarşılıqlı anlaşmanı göstərir...
26 Aprel
Regiona sülh lazımdır, savaş yox
26 Aprel
DİQQƏT ÇƏKƏNLƏR
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!