Milli Məclisdə Azərbaycan-Dağıstan əlaqələrinin genişləndirilməsi məsələləri müzakirə olunub
Martın 15-də Milli Məclis sədrinin müavini, Gənclər və idman komitəsinin sədri Adil Əliyev və parlamentin Elm və təhsil komitəsinin üzvləri ilə Rusiya Federasiyası Dağıstan Respublikası Milli Şurasının sədri Zaur Askendərovun başçılıq etdiyi nümayəndə heyəti arasında görüş keçirilib.
Parlamentin Mətbuat və ictimaiyyətlə əlaqələr şöbəsindən AZƏRTAC-a bildirilib ki, Milli Məclis sədrinin müavini dost və qonşu olan Dağıstanla münasibətlərin Azərbaycan üçün böyük əhəmiyyət daşıdığını bildirib. Adil Əliyev Azərbaycanla Rusiya arasındakı strateji əməkdaşlıq və tərəfdaşlıq münasibətlərindən söz açıb, bu əlverişli zəmində Rusiya Federasiyasının subyektləri, o cümlədən Dağıstan Respublikası ilə əlaqələrimizin inkişaf etməkdə olduğunu qeyd edib.
Azərbaycanda idmanın və bədən tərbiyəsinin inkişafına sistemli və kompleks yanaşmanın təməlinin Ümummilli Lider Heydər Əliyev tərəfindən qoyulduğunu deyən Milli Məclis sədrinin müavini Prezident İlham Əliyevin uğurlu siyasəti nəticəsində ölkəmizin dünyanın qabaqcıl idman ölkəsinə çevrilməsindən bəhs edib.
Ölkədə gənclər və idman sahəsində qanunvericiliyin təkmilləşdirilməsindən danışan Adil Əliyev bu istiqamətdə həyata keçirilən dövlət proqramları və görülən işlər barədə məlumat verib. O, Azərbaycan gəncliyinin öhdəsinə düşən vəzifələri həmişə layiqincə yerinə yetirdiyini, ölkədə gedən proseslərin daim önündə olduğunu bildirib, gənclərimizin 44 günlük Vətən müharibəsində də öz əzmini və vətənpərvərliyini bütün dünyaya nümayiş etdirdiyini vurğulayıb.
Göstərilən yüksək qonaqpərvərliyə görə təşəkkür edən Dağıstan parlamentinin sədri Zaur Askendərov ölkələrimiz arasında qarşılıqlı etimada əsaslanan yüksək səviyyəli münasibətlərə toxunub, Azərbaycan və Dağıstan xalqlarının çoxəsrlik dostluq əlaqələrindən, qarşılıqlı əməkdaşlıq imkanlarından danışıb.
Milli Məclisin Elm və təhsil komitəsinin sədri Bəxtiyar Əliyev Azərbaycanda təhsilin və elmin inkişafına göstərilən dövlət dəstəyindən, yaradılan qanunvericilik bazasından, bu sahədə aparılan islahatlardan, tətbiq edilən yeniliklərdən, əldə olunan nailiyyətlərdən bəhs edib. O, Ermənistanın işğalından azad edilmiş ərazilərimizdə təhsil və digər infrastrukturların viran edilməsinə toxunaraq Azərbaycan dövlətinin bu istiqamətdə genişmiqyaslı layihələr həyata keçirdiyini deyib. Komitə sədri Azərbaycan və Dağıstan arasında elm və təhsil sahəsində qurulan əməkdaşlıq münasibətlərinin inkişaf perspektivlərindən danışıb.
Dağıstan parlamentinin sədr müavini Kamil Davdiyev, Təhsil və elm komitəsinin sədri Yelena Pavlyuçenko, Mədəniyyət, gənclər, idman və turizm komitəsinin sədri Murat Paizulaev, Dağıstanın mədəniyyət naziri Zarema Butaeva Azərbaycan və Dağıstan arasında idman, fiziki tərbiyə, gənclər, təhsil, mədəniyyət və turizm sahələrində əlaqələrin genişləndirilməsi ilə bağlı fikirlərini bölüşüblər.
Söhbət zamanı qarşılıqlı faydalı əməkdaşlığın inkişaf perspektivləri müzakirə olunub, fəal təcrübə mübadiləsinin həyata keçirilməsinin əhəmiyyəti qeyd edilib.
Görüşdə deputatlar Musa Qasımlı, Azər Badamov, Aqiyə Naxçıvanlı, Şahin İsmayılov, Ramil Həsən və digər rəsmi şəxslər iştirak ediblər.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
“Dəmiryol nəqliyyatı təyinatlı torpaqların sərhədlərinin kağız üzərində və elektron formada (ArcGİS ...
27 Aprel
Mərakeş Kralı COP29-a dəvət olunub
27 Aprel
"Ədibin evi"ndə Mir Cəlal Paşayevin 116 illik yubileyinə həsr olunmuş tədbir keçirilib
26 Aprel
Dmitri Savelyev: Cənubi Qafqazda sülhün və sabitliyin qorunması bütün Avrasiya üçün qlobal təhlükəsi...
26 Aprel
TBMM-in üzvü: Şuşa özünün dəyərləri və mədəniyyəti ilə çox fərqli bir yerdir
26 Aprel
Monteneqro Baş nazirinin müavini: Ölkələrimiz arasındakı əlaqələr strateji tərəfdaşlıq xarakteri daş...
26 Aprel
Qırğız Mədəniyyəti Günlərinin bağlanış mərasimi keçirilib
26 Aprel
Almaniyadakı Azərbaycan diasporunun üzvləri Prezident İlham Əliyevi böyük coşqu ilə qarşılayıblar...
26 Aprel
Azərbaycan və Monteneqro parlamentləri arasında əlaqələr müzakirə olunub
26 Aprel
Hidayət Heydərov dördqat Avropa çempionu olub
26 Aprel
DİQQƏT ÇƏKƏNLƏR
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!