Bir neçə fransız diplomatı və rəsmisi iki ölkə arasında münasibətlərin kəskin şəkildə pisləşməsi fonunda Burkina Faso hakimiyyətinin viza verməməsi ilə üzləşib. Bu barədə “Jeune Afrique” jurnalı məlumat yayıb.
“Bəzi fransız diplomatları və rəsmiləri Burkina-Faso hakimiyyətinin onlara viza verməkdən imtinası ilə üzləşirlər”, - mənbə jurnala bildirib. Onun sözlərinə görə, Uaqduqudakı fransız məktəbinin yeni direktoru və Burkina-Fasodakı Fransa müvəqqəti işlər vəkilinin təhlükəsizliyini təmin etməli olan bəzi jandarmlara da giriş qadağan edilib.
Nəşrin yazdığına görə, hərbi qrup 2022-ci ildə hakimiyyətə gəldikdən sonra Paris və Uaqaduqu arasında münasibətlər “kəskin şəkildə pisləşib”. Belə ki, Burkina Faso 2022-ci ilin dekabrında Fransa səfiri Lük Alladı ölkədən çıxarıb və hazırda səfirin birinci müşaviri Filip Düporj Fransa səfirliyinin başındadır. Qeyd olunur ki, səfirlik də kadr çatışmazlığı ilə üzləşir: iki siyasi müşavir “təxribat fəaliyyətinə” görə persona non-qrata elan edilib və 2024-cü ilin aprelində ölkədən qovulub. Jurnalın məlumatına görə, onların yerinə gələn olmayıb.
Səfirliyə giriş də çətindir, çünki işçilər hər dəfə yerli təhlükəsizlik qüvvələrinin kordonundan keçməli olurlar. İddia olunur ki, Traoreni dəstəkləyən ictimai təşkilatlardan biri ölkə rəhbərinin iqamətgahının yaxınlığında yerləşdiyinə keçid hakimiyyəti üçün təhlükə yaratdığına görə Fransaya ultimatum verərək səfirliyi başqa yerə köçürmək üçün “təzyiqləri artırır”. 

 “Azərbaycan”