"Novorom"un təmsilçisi S.MEŞKOV: "Bizim missiyamız istixana qazlarını qiymətli kimyəvi maddələrə çevirməkdir"
Dünya özünün ən aktual problemini - ətraf mühitin xilasını Bakıda müzakirə edir. Və bu müzakirələrdə COP29-u əvvəlki tədbirlərdən kəskin şəkildə fərqləndirən əsas cəhət odur ki, Azərbaycanda siyasi çağırışlardan çox real işlərin görülməsi gündəm olur.
Bu da təsadüfi deyil. Hazırda vəziyyət o qədər gərgindir ki, bir günü belə boş keçirmək olmaz. Real iş görmək üçün isə külli miqdarda vəsait lazımdır. Siyasi qərarlar, maliyyənin ayrılması dövlətlər tərəfindən təmin edilsə də, onun icrası bu sahədə fəaliyyət göstərən şirkətlərdən asılıdır. O üzdən COP29-da ətraf mühitin bərpası, tullantıların təkrar istehsalı sahəsində fəaliyyət göstərən tanınmış şirkətlər təmsil olunurlar.
Belə şirkətlərdən biri də "Novorom"dur. COP29-un sərgi iştirakçısı olan "Novorom"un mühəndisi Sergey Meşkov deyir ki, BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyası (COP29) iqlim dəyişikliyi ilə mübarizədə fikirlərimizi bölüşmək üçün əla platformadır. Sərgidə iştirakından məmnunluğunu bildirən S.Meşkov konfransdan gözləntiləri sırasında iqlim problemlərinin həllini dəstəkləmək, ətraf mühiti yaxşılaşdırmaq, "yaşıl yanacaq" yaratmaq və digər məsələlərin dayandığını söylədi. O həmçinin vurğuladı ki, konfransdakı panel müzakirələrdən sonra nə etdiyimizi və edəcəyimizi bölüşmək, potensialımızı göstərmək çox vacibdir: "Biz məhsul tullantılarına hər zaman diqqət yetirmişik. Əkinçilik sektorunu dəstəkləmək üçün həmin tullantılardan gəlirli məhsullar əldə edə bilərik".
"Novorom" fəaliyyətində Ninox Ltd şirkətinin avadanlıqlarından istifadə edir. Ninox Ltd ən müasir texnologiya ilə səhiyyə sənaye üçün yüksəkkeyfiyyətli tam yaşıl qaz hasilatı qurğularında inqilab edib. Şirkət ətraf mühitə vurulan ziyanı azaltmaq üçün dörd əsas qazın ani istehsalı üçün portativ həllər təklif edir - inhalyasiya edilmiş nitrik oksid (NO), azot, oksigen və tibbi hava. Bunlar hamısı ətraf havadan alınır və ciddi Avropa sertifikatlaşdırma standartlarına cavab verir.
Ninox universal sistemləri böyük xəstəxanalar, tibbi qaz logistika qovşaqları və yük maşınları da daxil olmaqla, müxtəlif parametrlərə mükəmməl inteqrasiya olunur. Bu yenilik logistik problemləri həll edir, əməliyyatları sadələşdirir, səhiyyə təminatçıları və qaz təchizatçıları üçün xərcləri azaldır, səmərəli və sərfəli həll təklif edir. Ninox həmçinin dörd əsas qazın - tənəffüs edilmiş nitrik oksidin (NO), azot, oksigen və tibbi havanın ətraf havadan və tamamilə yaşıllıqdan qaynaqlanan tələb əsasında istehsalı üçün portativ həllər hazırlayıb. Nanoplaz isə iqlim dəyişikliyi ilə mübarizədə inqilabi bir yenilikdir. Bu yenilik yüksək məhsul seçiciliyi, yüksək enerji səmərəliliyi və yüksək dönüşüm dərəcəsi ilə diqqəti cəlb edir.
Daha "yaşıl gələcək" üçün qabaqcıl plazma texnologiyası ilə CO2 dönüşümünün innovasiyası, daha "yaşıl gələcək" üçün innovativ karbon çevrilməsi və nanoplazı da inqilabi yenilik adlandırmaq mümkündür. Bu, istixana qazlarını qiymətli məhsullara çevirmək və iqlim dəyişikliyi ilə mübarizə aparmaq üçün yeni texnologiyadır.
"Hazırda istixana emissiyalarının kritik səviyyəsi ən böyük ekoloji problemlərdən biridir. Bizim missiyamız yeni plazma reaktoru texnologiyası vasitəsilə COP çevrilməsini və metan dissosiasiyasını inkişaf etdirmək, istixana qazlarını qiymətli kimyəvi maddələrə çevirmək və daha "yaşıl", daha davamlı gələcək üçün qlobal emissiyaları əhəmiyyətli dərəcədə azaltmaqdır", - deyə müsahibimiz bildirdi.
Rüstəm KAMAL,
"Azərbaycan"
